ابن ادم اللي خلقه الله من طيني = تلقاه دايم عنيد وراكبٍ راسه

[الهداف]

اسعد الله مساء الجميع وكل عام وانتم بألف خير

لياغابت الشمس تبعدني وتدنيني = اماني القلب واحلامه وهوجاسه
اتعبني الوقت الأقشر والسبب عيني= من كثر ماشافته من الوقت حساسه
وعلى السهر مالقيت اللي يواسيني = كلٍ من الناس مشغولٍ بوسواسه
اجامل الناس والأيام تطويني = والنفس مابين رحاله وعساسه
واحترت مابين بايعني وشاريني = من بين الأثنين تهت وضاعة الطاسه
الوقت غيري معذب له ملاييني = كم واحدٍ قد جفاه وبلد احساسه
ابن ادم اللي خلقه الله من طيني = تلقاه دايم عنيد وراكبٍ راسه
والا انه ايشوف عنه يسار ويميني = الموت بالعين مايبغاله فراسه
الله على اللي يسوون القوانيني = كلٍ يفصل على رغبته وقياسه
بالعيد كم من مضحي به مضحيني = من جا على الدرب كلٍ بالقدم داسه
والوضع مقلوب قدله مدة سنيني = من وعد (بالفور) والأوضاع منحاسه
من صبح الجار لابده يمسيني = ياهل الرمك كل واحد يسرج افراسه
تكفون هبو ولبو يالمثاريني = من قبل ياقع على هاماتكم فاسه
الله خلقكم رجومٍ للشياطيني = حتى المنجم يخيب ويعلن افلاسه
مهما ارتفع كل طاير بالجناحيني = له يوم يقضى عليه ويلفض انفاسه

[عايض ابوشيبه]

اجامل الناس والأيام تطويني = والنفس مابين رحاله وعساسه




أخوي الهداف


صح السانك قصيده جميله

[الهداف]

المشاركة الأصلية كتبت بواسطة عايض ابوشيبه

اجامل الناس والأيام تطويني = والنفس مابين رحاله وعساسه




أخوي الهداف


صح السانك قصيده جميله

صح بدنك --- يشرفني ويسعدني حضورك الله لايهينك ---

لقد اعجبتني الأبيات المكتوبه في توقيعك وحبيت اعلق بهذه الأبيات---


الشعر سلم لعايض خزنة اسراره = واجب على اهل القصايد يستشيرونه

والمنتدى في حضوره شعة انواره = مبدع ويتعب جميع اللي يجارونه

[أبونواف{الثوري}]

	أحسنــت , أحسنــت , أحسنــت , أخي الغالي الشاعر الكبير {{الهــداف}} صح لسانك ملايين قصيدة جزلة من شاعــر جــزل سلمت يمناك ولا عدمناك على هذا الإبداع الرائع وهذا ما تعودناه منك دائماً فأنت لا تقدم لنا إلا كل ما هو جزل وجميل ما شاء الله عليك والله لا يضرك عندي ملاحظة بالنسبة أرجو أن تقبلها مني ويتسع لها صدرك لأن هدفي والله التنبيه لما يكون قد فاتك وهذا من وجهة نظري المتواضعة وأنت أكثر مني خبرة وأعلم مني والرأي الأول والأخير لك والملاحظة هي : في البيت الثاني عشر أعتقد أنك أخطأت في كتابته لأن الأقرب للصحيح {{ما صبح}} وليس {{من صبح}} من صبح الجار لابده يمسيني=يأهل الرمك كل واحد يسرج أفراسه وأعتقــد أن الصحيح هو ما صبح الجار لابده يمسيني=يأهل الرمك كل واحد يسرج أفراسه أخي الهــداف لقد كنت وما زلت من عشاق شعرك الراقي وكلماتك العذبة والتي أثريت بها جميع المنتديات وأسعدت بها كل من فيها من أعضاء أو زائرين لها وأنت من الشعراء الذين لا يستطيع كل من يفهم في بحور الشعر أو متذوق له أن يمـر على قصائدك مرور الكرام ولكن تجبره أن يقف أمامها إعجاباً واحتراما لكي يوفيها حقها ويسطر لقائلها ومبدعها أعظم وأجمل كلمات التقدير والاحترام على صفحات إبداعاتك الجميلة والرائعة وأنت من الشعراء الذين نعتز ونفتخر بهم نحن أبناء قبيلة سبيع الغلبا دمت لنا سالمـاً ودام لنا إبداعك العـذب والراقي والجميـل

و


تقديري لك ولجميع الإخواااااان

[الهداف]

حضورك يابونواف يشرفني ويسعدني الله لايهينك واشكرك جزيل الشكر على الحضور والتعليق

والملاحظه ---واحب اقولك انك تمون على القصيده وراعيهاوملاحظتك دقيقه

جداً وليس لدي اعتراض عليها وتجي بهذالمعنا (ماصبح الجار)اي ماوقع على

الجار من اذا سوف يأتيني والمقصود( الفعل )حسب تفسيرك للبيت ولكن انا قصدت

(الفاعل) بمعنا (من صبح الجار) اي من اذا جاري سوف يؤذيني وكلا المعنيين


جائز ---اكررشكري لك ودمت سالم وغانم الله يكثر من امثالك

[أبو يزيد]

الهـــــــداف

صح لسانك

مليووووووووون ولايكفوووووووون
جزززززززززله من جززززززززل

لاتحرمنا من هذا العطاء الرائع,,,,

[الهداف]

تسلم يابو يزيد الله لايهينك واشكرك على مرورك الكريم

[الوافي2006]

الجزلات من الرجل الجزل وصح لسانك
وانت من احد الرجال الجزلين

[الهداف]

المشاركة الأصلية كتبت بواسطة الوافي2006

الجزلات من الرجل الجزل وصح لسانك
وانت من احد الرجال الجزلين

ماعليك زود يالوافي الله لايهينك واشكرك على مرورك الكريم