أرجو تقييم هذه القصيدة وهي أول مشاركة

[نجم الجدي]

هذي حروفي ساريه منتقيها @@@@ من جوف بحرن ماتبي غير فكري

اقولها وهديها للي يبيها @@ @@ ماني شحيحن اكتم الي بصدري

ارقى بقمة نايفه وعتليها @@ @@ وبيح العبرات من بوح شعري

وشوف غيمه فالسما ونتخيها @@ @@ اتهل ماها لجل يطفيلي قهري

في داخلي حسره عجزت انتهيها @@@@ صابر عليها ياعسا يفيد صبري

كنت انسج ثياب الفرح ورتديها @@ @@ لكن عجاج الوقت ماهمه امري

ذبلت ورودن لي سنين اعتنيها @@@@ مامرتن شميت ريح الشمطري

وحاجات عمري مستطعت اشتريها @@@@ ياليت ابدري كيف ابعيش عمري

وحلام تنطرني ونا ازريت اجيها @@@@ بالله ياهل العرف وشلون مدري

حتى القدم من لوعتي ارتجيها @@@@ مابي توديني على جال قبري

ونفسي عزيزه والحزن يكتسيها @@@@ خايف من ايامن بها يطيح قدري

[محمد الحادي]

كنت انسج ثياب الفرح ورتديها @@ @@ لكن عجاج الوقت ماهمه امري
الله عليك مشاء الله والله لم اطلعت على القصيده حسيت برجفه بجسمي هاذه دليل أنه قلمك مو مثل اي قلم
متتميز بقصايدك ولحضت انه لونك خاص فيك وطرق القصيد أن مخاب ضني والوزن من عندك يعني ماخذة من الشاعر كبير في الشعراء يطلعون على بذرهم تلقاهم ياخوي من هم أصغار وهم يكتبون لونهم خاص فيهم حتا اطرق والوزن خاص مايتطرقون لشعراء ثانين تلقاهم لا تعلمو البحور الشعر ولا أوزانه الهام من الله يجيهم أنا وأعوذو بالله من كلمت أنا ماعمري تعلمت بحر واحد او وزن أكتب الي في داخلي على طول وتفاجئ أنه القصيده بحر الأفلاني وانا مادري على العموم قصيدتك ممتازه وصدقني بدون ماتسمع راي حد أنت الشاعر وعندك القدره تنافس الشعراء كبار تحياتي لك

[نجم الجدي]

شكرا يامحمد على مرورك الطيب واتمنا لك التوفيق

[صـــــــــــرام]

قصيدة رائعة والوزن مضبوط والقافية مضبوطة واتمنى لك التوفيق

بس ياليت تنتبه للبيت الرابع الشطر الثاني الكلمة الرابعة فيها خلل بسيط جدا جدا لكن للمعلومية فقط

[فارس العشر]

ماشاء الله عليك يا نجم المره هذي جاي شاد حيلك
لاكن نقصتك اللمسه الاخيره اهتم بها شوى
والله يوفقك

[عليمي ومتعلم]

اخوي نجم الجدي عندي بعض الاقتراحات اذا سمحتلي :
1-تبديل ساريه بحاضره لان تشير اليها بهذي.
2-الشطر الاول من البيت الثاني اقترح تبديله بـ قدمتها هديه(ن) من يبيها لكي يستقيم الشطر.
3-وفي الشطر الثاني من البيت الثاني اقترح تبديل شحيح(ن) بـ ضعيف(ن) لتكون اقوى.
4-الشطر الثاني من البيت الرابع اقترح تبديله بـ ارجوك طفي بالمطر نار قهري.
5-الشطر الاول من البيت السابع اقترح تبديل اعتنيها بـ احتويها لانها ابلغ.
6-الشطرالاول فالبيت الثامن غير صحيح لانه لاتشترا بعض الحاجات التي نطمح بها.
7-الشطر الثاني من البيت الثامن اقترح تعديله بـ ياليت ادري كيف بعيش عمري.
8-الشطر الاول من البيت التاسع اذا تقصد باحلام اسم شخص فاقترح ان تقول احلام لاجتني وانا ازريت اجيها.واذا تقصد احلامك وطموحاتك فغير الشطر.
9-البيت العاشر ضعيف لانك انت اللذي تتحكم في رجلك وليس العكس.

وسلامتك وصح لسانك وعذرني لانك تبي الفايده فلازم اكون صريح معك على حسب معرفتي المتواضعه والله يوفقك

[نجم الجدي]

هلابك يالعليمي بالعكس انا سعيد انك تنظر الى قصايدي وتبدي عليها الملاحضات حتى ولو كنت اخالفك في بعض الامور ولاكن اختلاف الرأي لايفسد للود قضيه والحقيقه اني مستفيد من هذه الملاحضات وشكرا
على مرورك الطيب

[عليمي ومتعلم]

اخوي نجم الجدي هذا هو المطلوب ومنكم نستفيد

[الحــر]

صح لسانك وفالك التوفيق وانت خير من يمثل السما يالجدي

[عبدالرحمن غثيث]

ماشاء الله الى الأمام