اخواني اعضاء منتدانا الغالي يسرني ان اضع بين يديكم هذه القصيده الرائعه للشاعر المبدع ماجد بن مفرج الناقول
وهو شاعر غني عن التعريف حصل على رضى متذوقي الشعر من كل القبايل ورشح من قبل قبيلته سبيع بالاجماع
على توليه نائب لجنة الشعر في مزاين سبيع الغلبا ونظم هذه القصيده في صديقه ورفيق دربه حزمي بن سعود الغزيلي
الذي يعرف بطيبه وكرم اخلاقه وتقديره للخوي والصديق واحترامه للكبير وتواضعه مع الصغير وبسعيه للمراجل
والعلوم الغانمه
هاض الغرام وزاهي الشعر مرصود= في باشتا يشر لها بالبناني
شعر يبا يبقى مع الوقت موجود= سحر الفصاحه من بليغ البياني
بلسم كبود وتلهد كبود وكبود= وش عاد لو يزعل علي الهداني
في مدح من فعله له شهود وشهود= عضدن معاضدني من اقرب اخواني
الدله بالعين لاصرت محدود=ويفزع ويثني قبل ينطق لساني
خلوني اكسر حد واقوم احدود= الشعر شعري والمعاني ضماني
شاعر وفعلي بين الاشناب محمود= اعرف مقامي والتواضع مكاني
خزمتها خزم الاسد غابة افهود= ورفعتها من فوق قاصي وداني
عوبا تلد اعيونها اخلاف وتقود= عوب المعاني في بحور المعاني
من الكبر لابستا سلاسيل وعقود= تمشي طنى مدري فخر مودماني
تقول صاخرها من الجن نمرود= سبع العجايب كملتها ثماني
شربة من بحر التماثيل قرهود= ولبستها تيجان سادت اعماني
واخذت لي منهم مواثيق وعهود= لاشرك ولاذكر في الزمن من نساني
وخليتها تمشي على كف مسعود= وسجد لها راع الخيال وعصاني
وسميت بالرحمن والعالم ارقود= وقلت الصلاه اخير والعمر فاني
في موقفه ناقف له احزام وعضود= واجي لداعي حزمي اليا دعاني
رص المعاني في حنايا هل الجود= رصيدنا مع طيبين اليماني
حقه عليه جزل الامثال ابو سعود= والوصل والتقدير مر الزماني
كفو اليمين معرب الخال وجدود= بيت النداء هيف الهرافا السماني
لو لحق عصر الخيل والسيف والعود= شق الطريق المطلقين العناني
راس الحميه والسطر فيه معهود= ماهوب راعي مصلحه قلباني
كفو اليا قدم له الهيل والعود= وكفو اليا قلط وقدم وباني
وكفو اليا غنيت به عقد وعقود= الساس طيب والفعايل حساني
الطيب يبغى له مكابد ومجهود= مهوب فيد اهل الهوى والهواني
المرجله حبلا للاشناب ممدود= ماشدها الامن يمس البطاني
وكل يبي الناموس والطيب والزود= لكن يبغى له مقام وتفاني
راع الرخامه دايم احلام ووعود= كنه يشيد بسوالف مباني
هو مادري ان حماد ينشد عن حمود= واناس تدري بالخفى والبياني
واللي يضيمه فعل الاجواد حاسود= واللي ينعم للنشاما حصاني
واخر كلامي عد ماهبة النود= يامرحبا والشان يالربع شاني
والذكر للمعبود هو خير معبود= والشكر لي الاهي الكريم اذ هداني
ماجد بن مفرج الناقول=
غير متصل
