نصيحـــة اخولاخــوه

[عايش ابوليل]

:Untitled-


اخواني مشرفي واعضاء منتديات سبيع الغلبا اسعد الله جميع اوقاتكم

قد تكون هذه المشاركه مكرره .لاكن تلبيتا لطلب بعض الاخوه نشرها في هذا المنتدى

نشرتها للمره الثانيه .. اتمنى ان تنال اعجابكم ...

دنيا غريبه ماعرفنا لها اجناس =يصفق بنا الهاجوس في كل عاير
في الصبح نوم وتالي الليل هوجاس=نهدر كثير الوقت مافيه غاير
وكل يحسب انه على العين والرآس =وكل يسوي شيء من غير شاير
يمضي زمانه مايقيسه بآقياس=ويروح من عمره سنين غباير
مايدري ان الوقت جاري وحساس=وماكل مخلوق معصوم وجاير
اعرف دروب المرجله منبع الساس=وانهج بها في منهج الطيب ساير
واترك دروب اهل الرذيله والادناس =وابعد عن الشبهات لاتصير حاير
وارفه مكانك منزلة حر قرناس=ينزل منازل شامخات عماير
وعز نفسك لاتنازل وتنداس=وتصير مثبور بك الوقت ثاير
ولاتشكي همومك على كل جساس=يفرح بهمك لو يبين عباير
ولا تفشي اسرارك في كل مجلاس=وخلك طويل البال لاتكون فاير
واصبرعلى ماجاك والصبر نوماس =ولا لاتندم لوتمر بخساير
وخلك على الشدات والضيق نبراس=وكل على شوفتك يعطي البشاير
وخلك على دينك غيور وحراس=واحذر فتاوى الساقطين الفجاير
واسلك طريق المصطفى هادي الناس=واكثر صلاتك كثر مزن الهماير

[سرحان الحميدي]

اخـــــــــــو عايش صــــــــــــــــــــــح لاســــــــــــــانك
ولاهنــــــــــــت يالغـــــــــــــالي

[أبونواف{الثوري}]

الله , الله , الله ,


صح لساااااااانك وبيض الله وجهك ياعايش انشهد انك ما قصرت في هذه القصيدة التي تعتبر حكمة وخبرة شخص مجرب ما شاء الله عليك


قصيدة جزلة من شاعر جزل ورائع والله إني أول ما أتابع اليومين هذي هو حضورك في المنتدى وأول ما أبحث عنه هو مواضيعك الجديدة

دنيا غريبة ما عرفنـا لهـا أجنــاس = يصفق بنـا الهاجوس في كـل عايـر
في الصبح نوم وتالـي الليل هوجـاس = نهـدر كثيـر الوقـت ما فيـه غايـر
وكل يحسب انـه على العيـن والرأس = وكل يسوي شيء من غيـر شايــر
يمضي زمانـه ما يقيسـه بآقيــاس = ويروح من عمـره سنيـن غبايــر
ما يدري إن الوقت جـاري وحسـاس = وما كـل مخلـوق معصـوم وجايـر
اعرف دروب المرجلـه منبع السـاس = وانهـج بها في منهج الطيـب سايـر
واترك دروب أهل الرذيلـة والأدنـاس = وابعد عن الشبهـات لاتصيـر حايـر
وارفـه مكانـك منزلـة حـر قرنـاس = ينـزل منـازل شامخـات عمايــر
وعـز نفسـك لا تـنـازل وتنــداس = وتصير مثبـور بـك الوقـت ثايـر
ولا تشكي همومـك على كـل جسـاس = يفـرح بهمـك لـو يبيـن عبايــر
ولا تفشـي أسرارك في كـل مجـلاس = وخلك طويل البـال لا تكـون فايـر
وأصبر على ما جـاك والصبر نومـاس = ولا لا تـنـدم لو تـمـر بخسـايـر
وخلك على الشـدات والضيـق نبـراس = وكل على شوفتـك يعطـي البشايـر
وخلك علـى دينـك غيـور وحــراس = واحـذر فتـاوى الساقطين الفجايـر
واسلك طريق المصطفى هـادي النـاس = وأكثـر صلاتك كثـر مزن الهمايـر

هـــــــذا ولك مني ولجميع الإخوان كل تحية وتقدير واحتراااااااااااااااااااااام

[عايش ابوليل]

السويدي.. صــــــــــح بدنك واالله لايهينك على المرور.


تحياتي

[عايش ابوليل]

اخي العزيز ابو نواف الثوري . تقبل مني التحيه اولا على المرور


ثانيا . اشكرك من قلبي على كلامك الطيب اللي مايصدر الا من واحد شرواك.

ثالثا .وهو كذلك يتطلع الى كل جديد منك .


تقبل مني واافر الحب والتقدير ..