منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
يا لعن ابوه الشاص الألفين واثنين
عز الله إن المبدعين ابدعوبه
تساعدوا في صنعه اطلق خبيرين
باشراف عالم مبتداه ابتدوبه
بروفسور مخترع له براهين
فعله حصانه عن خطاه ورسوبه
حصل شهادة علم مع خبره سنين
وله جائزة نوبل زمان محسوبه
من عائله بالعلم دايم ملمين
تاريخهم بالعلم توراثو به
أبوه ياباني سياسي قوانين
في دولته يصدر نظام العقوبه
والأم نازيه مواليد برلين
وخوال خاله من مواريث كوبا
صحيح ناقص لأنه ماهو على الدين
عالم وعلمه ما يكفر ذنوبه
أما اختراعاته على الراس والعين
يشكر على أفكاره ودقه أسلوبه
اسخر بصنع الجيب من قبل عامين
بالسر حتى دولته مادرو به
لين أنتجه وإنتاجه أزين من الزين
رغم اختراع الغرب تفاجوا به
من جوده له بالصحافة عناوين
بالسوق ربح كل من تاجروا به
رجح موازين وهبط موازين
كل الدوال بالبورصة ساهموا به
نزل من الدولار بالسعر ثلثين
ودعم رصيد الين نوبة ونوبة
لندالكروز اللي تعشقه ملايين
قبل يجي للشرق تباشرو به
من دولته جابه وكيله بتامين
لدوله آل سعود ملفاه دوبه
اسعد نفوس اللي لروياه شفقين
وكل دعاله بالجزاء والمثوبه
ابا صفه كل من يسار ويمين
لو أن بوصفه علي صعوبه
بين كما بوالهول مبنى الفراعين
كله حجر مابه حديد وطوبه
وبين المواتر سكبته تجلي البين
سكبته زعيم ومحتفل في خطوبه
واللون بيج وبويته من بلاتين
ضد الحرارة والهواء والرطوبه
وحمار خطه مثل سيل البراكين
وإلا حمار الشمس حزه غروبه
وكبوته انحف من بديه شوين
ورفارفه متناسقه مع جنوبه
ونظام دفع الحركة دفع توربين
فريد من نوعه وهم طوروا به
ماطور صماماته أربع وعشرين
وبخاخ مصروفه يقنن شروبه
وتحضيرتين امام وخلف عكسين
وسته عشر جنطه على قد هوبه
ومساعدات اربع وقدام يايين
ودفرنس وفريويل يحرك كعوبه
وكوابح أي بي اس تعمل نظامين
وبكل هوب للكوابح انبوبه
ونشين سحب ويسحبن وزن طنين
وهزاز يمنع بالصحاري نشوبه
وحمولته بالكيلو الفين والفين
على الشدايد فيه عزم وصلوبه
من قوته يصبر على الزين والشين
الطقس ماهمه جليد وشوبه
متعدد الاغراض للاتجاهين
ما فيه عيب اقول ذا من عيوبه
لا قفى مكوك كل طاقمه مفادين
علم الكواكب والفضاء كلفوا به
واليا اقبل كما الجاكوار والا السقستين
في وقت غاره والعدو ولعو به
واليا اعرض شهاب مرسل للشياطين
ضرب غلاف الجو واحدث شبوبه
منوه غريب شف باله بعيدين
الدرب لو طول بسرعه يلوبه
ما يمنعه لا رمل لا حجار ولا طين
غريب ما تمشي المواتر دروبه
وان قلت للسواق يا لأخو من وين
يعطيك علم ارض قفر ما وطو به
ما هو زماله عائلات ووراعين
وما هو زماله للعفون وجلوبه
سلعه ثمينه للرجال الثمينين
راع الولع يشريه لو باع ثوبه
لو املكه لو قيمته كله دين
اهديه للي بالكرم مجدوا به
غير متصل
