ام الدواهي

[مقطع الازره]

السلام عليكم

المفروض انها محاوره مباشره واللي يقدر يرد حياه الله لان خالد الشماسي ما شفته الليله


سلام رديه قديمه بس معناها جديد === اقولها يوم ان بعض الناس لي ما قالها

ترى الليالي يا وجيه الخير تنقص ما تزيد ===وام الدواهي جتكم الليله تشيل عيالها

[العتير]

يامرحبا بك يامقطع





يامرحبا بالشاعر اللي معه سيفاً من حديد **** اتقولها معك القريشي ياعميلي شالها

حكمه ولا فيها خلل ياصاحبي رايك سديد**** وام الدواهي فال ربي خير لي من فالها

[مقطع الازره]

هلا حياك الله

لا جتك بك الزرقا يابن هملان تطمر كل حيد === جود رسنها لا تضيع غترتك وعقالها

وش رايك الليله نخللي رمي عصمللي بعيد ==== والا نخليها على اللي حطها ما شالها

[العتير]

ومن قال ايحيا

لاهنت (وياليتك تعلمني باللي انت خابر)


ياصاحبي منك استفدناوانت منا تستفيد **** وانا سفير القوم حالي ياولد من حالها

اليابغيت الصدق شد الحيل والمعنى فريد**** هات المعاني والدعاوي ربي يستر حالها

[مقطع الازره]

اجل اسمع

انا ولد عم السعد وانا ولد عم القصيد === وانا ولد عمك ليا ضاقت عليك احوالها

قم يالشهيمي وانشد اهل العرف وبنوك الرصيد === عن شايب(ن) شايبك هو واياه حل بحالها

[العتير]

ياهلاااااااااااا ومسهلااااااااااااااااااااا


دندن وانا في وسط كفك مثل سيف ابن الوليد **** يامرحبا هل المطر من عرض مزن خيالها

اضنها صلة رحم ساس لقرابتنا جويد **** بنت القريشي سندت بالطيب خال اعيالها

[مقطع الازره]

طيب اسمع

القلب لا منه شقا ينشد عن عروق الويد === يا هل الشهامه يا لشهيمي كلمه وانا رجالها

ما ودي اعيد قبل ما يعرفون الناس عيد ==== في العيد دايم يختلط عقالها و جهالها

[العتير]

طيب طيب

اسمع اسمع


سيفاً ماينفع صاحبه كبه واخذ عود الجريد **** انته تعرف اقصارها ولا تعرف اطوالها

والرجل لامنه رحل قالو رحل رجلاً فقيد **** السالفه اركت على جالاً ماهوب ابجالها

[مقطع الازره]

مرحبا

لو عشت في الدنيا وحيد اموت في الدنيا وحيد ===وجنيهها يا صاحبي عيا يعدل ريالها

الحمد للي جاب لي محمود من عبد الحميد === علمتك بكلمه ثقيله مير جب معدالها

[سعد الجبري]

لا هنتم
وبيض الله وجيهكم