رشيد الزلامي &&& مطلق الثبيتي

[ماجد الشماسي]

الزلامي :

الثبيتي علينا له زمانين ضايق ** شايف ضيقته لكن ما اعرف سببها
ودي ابحث معه حتى تبين الحقايق ** واعرف المشكه وش راسها من ذنبها


الثبيتي :

يا الزلامي تهرج دام الجو رايق **واشعل النار حتى تشتعل في حطبها
لو تعد الثواني لو تعد الدقايق ** ما انت كاسب رضاها ما انت جايب طلبها

الزلامي :

ماتجي ماشيه فا لخط من غير سايق**مير من حدها فوق الرصيف وقلبها
حلها يا احمر العينين باحدى الطرايق ** زال ماضاقت الديره وطشوا عربها


الثبيتي :

حسبي الله على رجل يشب الحرايق **لين جات المطافي للحرايق من ابها
ما لقيت الصكوك ولا لقيت الوثايق ** كل ما قلت هينه قام يكثر نشبها


الزلامي :

لاتفرح علينا كل ذيب موايق **ثم تطمع بنا الضبعه وتفتل شنبها
يوم عديتها عشرين ولها لحايق **المهنا فعلها والقبوري كتبها

الثبيتي :

مع رجال الجميله ما قطعت العلايق ** مير به حيه تنفخ على من قربها
ادفن البير في طياتها لاتهايق ** والنصايب يجي من تحتها اللي نصبها

منقول

[النداويـ]

مشكور اخي على نقلك هذه المحاوره المميزه بين علمين من اعلام الشعر

[مناحي المجمعي]

بيض الله وجهك علي نقلك هالمحاوره الجميله


وهؤلاء من كبار الشعراء المعروفين



وتقبل مروري

[قاسي ابن قاسي]

بيض الله وجهك علي نقلك هالمحاوره الجميله

[النادر]

بيض الله وجهك على نقل المحاورة
والله العالم إن معناهم سياسي أو في أحد مشاكل هالسياسة

[المـالكي]

بيض الله وجهك على نقل المحاورة

وكلهم عمالقه ولاكن الثبيتي معاانية مرصعة بالذهب