رد فرعون الشعر : ابو فارس

[{ السويدي }]

السلام عليكم ورحمة الله تعالى وركاته

هذي قصيده لشاعره : شمس نجد
وترسلها لخونا الشاعر : ناصر الفراعنه
تقول الشاعره شمس نجد:

يـا ناصـر اليـوم مـا خليـت شــي
.......... دون ابلـج الوجـه مـا جبتـه عـذر

تكفي ترى اللـي بقـى منـي وفـي
.......... من فوق عرق وعـرق مـن حـدر

ما قلت انا لك ولا قلـت انـت لـي
.......... لـو ان قلبـي علـى اللامـا خضـر

من سبعة اعوام احايـل فيـك مـي
.......... ليـن اقتفـي شملـنـا مــوت حـمـر

يا فجعة القلـب ليـت الميـت حـي
.......... او ليت لي عنـد أهـل خلـي خبـر

شمـس تـدور تحتهـا الشمـس فـي
.......... واوجد قلبي اثر بعض الـود شـر

وهذي هنـوف شكـت منكـم علـي
.......... لين انجحت من حشا صدري ثمر

لا قيـس جـدك ولا جـدي قـصـي
.......... ان كـان مــا بـرقـوا فيـنـا مـضـر

خبري بـ_(رنيـه) وانا عرفي شوي
.......... واليـوم مـن دونهـا شوفـي شجـر

ديـرة سبـيـع وعــزوة بــن لــوي
.......... فراعنتـهـم عـــن (الأملـح) حـــدر

,,,,,,,,,,,,,,,,



وهذا هو رد الشاعر الكبير ناصر الفراعنه عليها:
تكفين يا شمس أنا وش في يْـدَيّ
........عودك على الما وانا قلبـي خضـر

لو كنت في مـا مضـى طـرّاد غـيّ
........فـي بيـض الايــام للجـاهـل عِـبَـر

يـا حسـرة القلـب مـن هـذي وذيّ
........حسرة تماضر على آخوها صخـر

ويـا طـيّ قلبـي مـن الثنتيـن طـيّ
........احــدٍ عـذابـه دهــر واحــدٍ شـهــر

يا شمس مني بمحجـر مـيّ ضـيّ
........وآخـاف لآمــوت مــن مــيٍّ قـهـر

يـامـا بيـدهـا سقتـنـي مــيّ مـــيّ
........الـعـام والـيـوم مــا عنـهـا خـبــر

القلب هـوْ هـوْ ونفسـي هـيّ هـيّ
........حتى ولو كان فـي حضنـي عشـر

هرجـةٍ هنـوفٍ كوتنـي منـك كــيّ
........كـيّ المطيـرق علـى غـارب عَفـر

من مال (ظَبيٍ) وابن عمه (ظْبَيّ)
........ورثـت لــي (عيـلـمٍ) كـنـه قـصـر

ناصر خذوه اهل قولة (يا وخـيّ)
........عاميـن ليـن انقـلـب يبـغـى قـطـر

للـي لـوانـي هـواهـا الـعـذب لــيّ
........صليت مـن حبهـا المغـرب عصـر

بنـت الـذي فـي يـده شبـعـه وريّ
........مثـل الزعـيـم المسـمّـى لا حـضـر

يا قلب عن غير بنت الشيـخ عـيّ
........اللـي قضَـت حاجتـك رابـع صـفـر

يـا ربّـة الشـعـر دام الـجـرح نــيّ
........مالي علـى مـيّ يـوم اقفـت صبـر


وشكراً : ودومتم سالمين

[شحيفان بن ملفي]

مشكور اخوي السويدي وصح لسان فرعون الشعر ناصر
ومشكور ثانيه على النتقاء الرائع

[منصور الحري]

مشكور يالسويدي على المشاركة

[{ السويدي }]

السلام عليكم ورحمة اللّــه تعالى وبركاته


شكراً أخواني على الزياره الحلوه والعفو هذا واجبي


ودمتم سالمين

[أبوعضيدة]

شكراً اخي السويدي
وصح لسان الشا عر الكبير ناصر الفريعني



يـا حسـرة القلـب مـن هـذي وذيّ
........حسرة تماضر على آخوها صخـر

[رآعي الأوله]

مشكور أخوي السويدي على النقل وبيض الله وجهك


وصح اللسان ناصر الفراعنة واللسان شمس نجد

خبري بـ_(رنيـه) وانا عرفي شوي
.......... واليـوم مـن دونهـا شوفـي شجـر

للـي لـوانـي هـواهـا الـعـذب لــيّ
........صليت مـن حبهـا المغـرب عصـر

[{ السويدي }]

السلام عليكم ورحمة اللّــه تعالى وبركاته


ابو عضيدة + راعي الأوله

مشكورين على مروركم

ودمتم سالمين