السلام عليكم ..
وهذا عباره عن اجتهاد مني اقدم لكم قصايد الشاعر ناصر الفراعنه كتابه وفديو ..
اول قصيده الخيل ..
اضغط هنا وصف الخيل
بسمك اللهم منزل سورة الاحقاف والاعراف منزل(ن) (قاف)(كاف,ها,يا,عين,صاد)
رب صاد ومهلك فرعون ذو الاوتاد عاد هل ارم ذات العماد ومن بنوا صخرا بواد
جيت لا حي ولاني ميت بين اقبلت بين اقفيت احط البيت تلو البيت واشد القياد
جيت للحفل اعدي شهلول هملول بردي قامت يدي تصفق يدي طبعي لجيت ابغى القصيد
جيت من ظلما قبر بالحفل ما جاني خبر لعيون امير من ملوك اهل الوبر واهل المدر
ما زهمني غير بدر الشمري في الخامسة عصرا وجيت اجري جري بامر العزيز المقتدر
جيت خير وجيت شر سر ضر وحلو مر وبين كر وبين فر انفذ الايعاز الى اليمين در
في مثل لمح البصر جيت العصر في حفل ابن خالد حفيد القائد الوالد ولا نعم الحفيد
في سباق اليوم شفت الخيل خضب ليل راس وذيل قوم وقوم ما بين النيازك والنجوم
يا رمك زوغة سمك لا شفتها تفتح فمك غوج عطا راسه تقول يدين سابح منديال جا بيعوم
كن تتابع حمرها مع شقرها جيش من الرومان قابل من غزاة الترك قوم
وشفت منها اشقر تقل مشروب خولاني اشقر صخرة في راس عنقر بل وذو عزم شديد
يقفي قفاية جبان ويقبل قبالة شجاع وكن ساقه في سياقه من مساقه صولجان
لا تنشر ما تقول الا رسول جا يبشر كن سرجه فوق مرجه حول درجه طيلسان
لا عقاب ولا حمامة لا قطاة ولا نعامة مثل ابو زيد سلامة لاانتهض وسط المكان
اسمه المرسول كنه بموية التبر مغسول اليا صهل كنه يقول:انا هنا الغوج الوحيد
الله اكبر والله اكبر تصغر القالة وتكبر يكسر العايب ويجبر يا بدر علم بدر
الله اكبر والله اكبر يقبل العايل ويدبر يبتلى المسلم ويصبر كل فوق له حدر
شاعر ضابط مظلي مهندس ملي بملي اعبد المولى واصلي ولا طلبت الجن در
جت بي امي في رماده وارضعتني في حماده يا نمير بن(ا)عباده جدي الشاعر لبيد
من وانا حي نسوني وفي عباتي كفنوني هل اذا مت اذكروني لا ورب العاديات
لا ورب العاديات الضبح رب النازعات الغرق رب الناشطات النشط رب السابقات
والله لو عندي فراغ ان قد رسمت الشعر صاغ وجبت ما لا جابه(و)اهل العصورالماضيات
مير اشغلني الزمان وضرب أنس عند جان وعشرة راحت ثمان وصرف عباد عبيد
شاعر من خلقته ما قد شحذ بالشعر قرش ولا طلب في الارض عرش يموت قبل يقول (ابي)
من خلق ما شال هم الا ثنين ابا وأم الموت عنهم بعد (كم)ورضاهم اقصى مطلبي
ولا هالدنيا متاع فرحتين ثم وداع القبر باع في ذراع ولا جهله الا غبي
نفخ صور ثم نشور من قبور ثم سعادة او دبور المسعد اللي ذالك اليوم(ا) سعيد
شيله ملوك الجن
اضغط هنا شيله ملوك الجن
دمي عليا من الثرايا غانيه
بالامس ما ابكاك قد ابكانيه
لصبيتن من ال بيت محمد"ن"
ادرتك اسرار الثرى في ثانيه
وقرعت ابواب السماء مهللا
وهتكت اشتار الملوك علانيه
عرفت ملوك الجن ريح عمامتي
ونكحت منهم سبعتن وثمانيه
ودفنت قرطن في صفيحه قرمدن
وشربت من دم الصواع بانيه
وتركت في وادي السماوه امتن
لم يغني شئ عنهم سلطانيا
الحلقه في الـ48
قصيده في سلطان
اضغط هنا ابيات في الامير سلطان
ياسلام الله سلام الله ع عامر بيوت الله ع سلطان سلطان الصخى طير الفلاح
عد من غرد وغناء عد من شيد وبناء عد ما منا ومنا عد كل صوحن وصيح
الامير القائد الوالد سليل ائمه المجد الخوالد له بسطنا كل راحن جنب راح
ذاك ابو خالد سليل ملوك نجد اهل الشرف والمجد من ذره هل العوجاء مطره الصفيح
في ذرى دار قرار شادها عبد العزيز الحرّ من وكر الحرار مْروّية شهب الرماح
ما حكها ابن الملوك الا عقب ممشى بشوك وشلّ ابوك وحطّ ابوك وكلْ نطيح له نطيح
مرحله الـ48
ناقتي ياناقتي
اضغط هنا ناقتي ياناقتي
ناقتي ياناقتي لارباع ولاسديس
وصليني لابتي من وراءهاك الطعوس
حائلاً رابع سنه من خيـار العيـس عيـس
خفها لادرهمـت كنـه بالنـار محسـوس
في دجى خالي خـلا لاحسيـس ولانسيـس
تنوخذ من شدة البـرد طقطقـة الظـروس
في عيوني يكفخ الطيـر ويطيـح الفريـس
وانتهض جساس من دون خالته البسـوس
وفي خفوقي فرخ جنيتاً يضـرس ضريـس
يوم اوردها هجـوس واصدرهـا هجـوس
ديرتي دار ابن ضاري وابن غثلـم جريـس
ديرة اللي دوجوا في فيافـي نجـد جـوس
ديرتـي يابنـت شيخـاً ومعدنهـا نفيـس
عيطموسـاً دونهـا دثرتنـي عيطـمـوس
جادلاً مطرق جسدها مـع الغربـي يميـس
طينتاً من تربـة الخلـد والـدم محمـوس
نقشت خمساً من الخمس في يوم الخميـس
ليـت شعـري مـا ارادت بهـذا دختنـوس
كـم تمنـا إن معـه مثلهـا فتنـه بليـس
كان يمكن قد قلب نصـف إمتنـا مجـوس
كن دماث الصدر منهـا كنيسـه او كنيـس
صومعة رهبـان ديـراً يـؤدون الطقـوس
آتقـوس مـع تقـوس نواهدهـا وإقيـس
قبتين قاب قوسيـن قوسـاً جنـب قـوس
خصرها يحكي لنـا واقـع القـوم التعيـس
وردفها عن غطرسة بوش يعطينـا دروس
وبالرغم من قصرهـا مايجالسهـا جليـس
تصبح أطول نسوة الارض في وضع الجلوس
العروسه ماتبي غير ابـو تركـي عريـس
العروسه نجد ماهيـب حـي الله عـروس
نجد بنت المجـد ونسـة مونسـة الونيـس
ماعسفها الا معزي ضحى اليـوم العبـوس
كل اهل نجد هلي من إجاء حتـى الخميـس
في ذراهم بالتجي عـن مجففـة الرسـوس
وعيشتي مابين أسوداً ولـو مانـي رئيـس
(خير من كوني رئيساً على شلقة تيـوس)
وليس عيباً إن خدعني بمكـره كـل هيـس
لان مايفهم بمكـر الهيـوس الا الهيـوس
مصطفى في مأدبـة عمـه البابـا لويـس
كبر اللقمه تحت ضـؤ حمـراء الكـؤوس
وطسم حدتها على حائـط المبكـى جديـس
يوم شقـت ثوبهـا بنـت عفـار شمـوس
سيدة هـاك القصـر أسمهـا الاول لميـس
دونها سمر الحناجـر بترهـا حـد مـوس
قسقسـة لاحرارهم.قيس.قيس.قيس.قيـس
والبستهم مـن مهانتهـم انـواع اللبـوس
بين خدعة كعـب اخيـلاً ومولـد ادونيـس
درسونـا الالهـه والمـدرس هنـا روس
ويش لاقوا من قناة السويس اهل السويـس
وويش لاقوا من تلمسان قوماً من سنـوس
كلهم من شـدة الجـوع راحـوا خندريـس
بين غيبوبة مخدر وصحوة عـرق سـوس
ثـورة راحـوا سببهـا بتـوع الاتوبيـس
وش نبي فيها وهـي ماتهـز الا الغـروس
آفة المرء اثنتان الف كـاس وحـب كيـس
والنفوس اليا بغيت اتعرفهـا ارم الفلـوس
ينكشف زيف الشعارات الى حمي الوطيـس
ترجع الاذناب إذناب وتبقـى الـروس روس
صدق لاقال العرب مايحوص الا الخسيـس
ولايوط الروس شئياً مثل ضعـف النفـوس
قصيده في مرحله الـ 24
سلام دلوخ
اضغط هنا قصيده سلام دلوخ
فـي فـوادي مـن حطـب شيـخٍ ضيوفـه شـيـوخ
جـمـرةٍ يـغـري سـنــا نـارهــا أكـبــر مـوبــذان
مـــن جـنــونٍ دوخـتـنــي وعــيــت لا تــــدوخ
والمـجـنـن زادوا جـنـانـهـا الـسـابــق جــنــان
ليـت شعـري أيــن أمـسـت مـلـوكٍ مــن تـنـوخ
عـــودت أحـداثـهـم مــــن أحــاديــث الــزمــان
يـامـرقـصـة الـجـمــل يـامـقـرنـسـة الــفـــروخ
مــن طـمـان نفوسـكـم نازلـيـنٍ فـــي الـطـمـان
عـالــمٍ لـبـسـوا ثـيــاب الـدهــاة وهـــم دلـــوخ
أوردتـهـم حـــوض فـرعــون قـفــزه بـهـلـوان
لا نـجـوا مــن فــخ طـاحـوا بـــآلاف الـفـخـوخ
عشرهم فـي مجلـس العـم سـام أضحـت ثمـان
وشرهة الطوخي على من حضر من أهل طوخ
لأنتصـب حــد السـنـان إرتـخـى حـبـل العـنـان
فـي حضـور المسـخ الأكبـر تعشتـنـا المـسـوخ
وأردفـونـا فــي ظـهــر بكـرتـيـنٍ مـــن عـمــان
العـوض فـي قبـة البيـت الأقصـى بـيـت كــوخ
وكــل حـربـة عــود زانٍ عوضـهـا عــود بــان
لا بــدا الخـافـي وبـاخـت عـلـوم الـقـوم بـــوخ
للـمـذلـه فـــي وجـــه ربـهــا شــاهــد عــيــان
صفعـةٍ فـي الخـد مــع ضربتـيـنٍ فــي النـفـوخ
روعـت خورشيـد باشـا وهـو فــوق الحـصـان
ماجـنـه تحـمـل يـداهــا تـســع حـبــات خـــوخ
سـرهـا عـنـد آل حـسـان والـبـيـض الـحـسـان
مــن كـبـر شــرخٍ معـانـا تصاغـرنـا الـشـروخ
نـدرق فـي القـرع مــع كــل قـرعـة صولـجـان
الـسـلام الـلـي يفـسـر لـنــا مـعـنـى الـرضــوخ
لـيـس إلا الـمـوت فــي كـفــنٍ مـــن طيـلـسـان
والشمـوخ اللـي عـلـى ذل لــو سـمـي شـمـوخ
المقـابـر مـنـه أعـظـم شــرف وأطـهـر مـكــان
الكـرامـه جـوخـةٍ مــن نفـيـس الـجـوخ جــوخ
ما تناسـب مـن قصـر بـه عـن الطـول الهـوان
واعـذابـي مــن يـنــوخ جـمــال هـذيــل نـــوخ
قـبـل لا يهـتـز مـــن سـاســه الـركــن الـيـمـان
الـطـعـون طـعــون يـالـلـي تسمـيـهـا مـشــوخ
ولا يـحـقـر ثـــاره إلا الـجـبـان بـــن الـجـبــان
ياحـفـرنـا عـدنــا لـيــن يـآتــي لــــه نــضــوخ
يــا ناديـنـا فــي خـبـر كــان يـامـا كــان كـــان
أمـــة مـــا للـقـيـم فـــي ضـمـايـرهـا رســــوخ
مـجـدهـا مـــاءٌ تـبـخـر عـلــى هـيـئـة دخــــان
كاهن الشرق ..
اضغط هنا كاهن الشرق
ع رجمه ساعه اعلق قدم رجلي ع رجمي
ياكاهن الشرق كلن عارفن حجمه
ياكاهن الشرق لا حجمك ولا حجمي
كفرت بالكوكب المزعوم وامن باللي رافعن نجمي
الالفيه
اضغط هنا الالفيه
على الالف اولـف بخلـي مولـف
افرق بهـا اقـوام واقـوام اولـف
اديب شعـوا ليـن العظـم واللـف
الفه على حـرف حـرف ابجديـه
علـى البـا بغلبـا وصبيـان غلبـا
بلا مـا بـلا القلـب مبـروم غلبـا
بلا سبـق طيـر بـلا وسـق غلبـا
بنيـه ونـيـه سـواتـي مطـيـه
على الدا دوا الدا من الـدا ياباالـدا
دوا الدا من الـدا هـو الـدا يبـدا
دوا فـي سهـود النهـود المـبـدا
ودوا في مهـود الخـدود ضحويـه
ان قلت سولف لي
اضغط هنا ان قلت سولف لي
ان قلت سولف يسولف لي بتسبيلة وان قلت بالله يقسم لي بسلهامة
يا ويل حيٍّ تولّع فيه يا ويله كم من شهر مرّ لا صامه ولا قامه
حيٍّ يشوفه وشاف الرمش يومي له ادخل على الله كيف تشيله عظامه؟
مجلس التعاون
اضغط هنا مجلس التعاون
يا مجلسن لجل التعاون جمع اسياد ست دول
يا .. يا .. من ست جواهر جمعها سلك واحد فقط
انا ابنكم منكم وفيكم واطلبكم وكلي امل
ثلاث لا اكثر وعذرا اذا به شئ سهوا سقط
اليا متى نحمل جوازات وحنا شعب واحد واهل
حطوا تحتها خط والحرف خطوا فوقه اربع نقط
واليا متى العمله على ما يقولون الف شكل وشكل
الا اليا الوحده ع اليسرى وحده صح او غلط
والثالثه نبغى مفاعل ولا هو صعب الا سهل
والعذر من صهيون واسع ولا نرضى بحل وسط
هذا مفاعل ابوشهر تم انشاءه وش الي حصل
............................ < غير واضح الشطر الاخير
الفخر
اضغط هنا الفخر
في قياده سيد الجود حفاظ العهود
بفتخر لا قل رايح للغربي رعد
سيدي بحر النداء لاغدن البيض سود
وافتخاري فيه ما جاء كذا ركدت وتد
سيدي سلطان لاحق عود راس عود
حامي القطرين بالتاج في عليه معد
تسن عينه ليا نخيته يقول ارقى سنود
تسن كفه لا نصيته تقول اطلب تجد
كيف مفخر في فعول اعظم اهل ارض جود
الولد من قائده في غد او بعد غد
باختصار لان مافي كثر الحتسي فود
مثل ابو خالد ع الارض لم يولد بعد
حلقه اصحاب التصويت
قصيده في الشيخه فاطمه - ام الشيوخ
اضغط هنا ام الشيوخ
كل رجال عظيم تجد خلفه مره
وفاطمه من خلف زايد على مر السنين
في وفاها كل شعره
من شعرها والوفاء من سمات الصالحين
قاسمتها المر والحلو من كل شجره
وكافحت معها الليالي كفاح الصامدين
لولا امر الله من يمنعه او يقهره
فدته بروحها من يسار ومن يمين
فاطمه يا ام الامارات يا اعظم مره
والله انك امي الثانيه لو تعلمين
دثريني يامنيره زمليني يامنيره
اضغط هنا منيره
دثريني يامنيره زمليني يامنيره
يامنيره في فوادي فرخ عبدٍ طق زيره
من هنوفٍ صوبها راع الهوى يشعب بعيره
سيدة سادات قومٌ سادةٌ أبناء ساده
من بهاها يامنيره ويش أوصف ويش أخلي
في جبين الطهر منها بدر سبتين متجلي
هالةٍ دون المصلى أخلفت وجه المصلي
في محاجرها عقيد القوم يومي به جواده
الحجاج هلال ماهو في أهلتنا مقيّد
من يشوفه قبل لا يبدي هلال العيد عيّد
لا متى والموت حدر رموشها السود يتصيد
لا متى ذبح البشر عند العيون السود عاده
دوب يانع وردها في روض لبتها تفتق
في سحر منطوقها صرفٍ من الراح المعتق
وكن ظفايرها على الغره ليا قامت تنتق
خدم أسودٌ وقوفٌ حو ل بنت البيه غادهٌ
ياوجودي يالزباد الزبد يالبيض المقشر
يوم حازت من أمامي عمد وأحمر المؤشر
ما أنا إلا أخـو عــقــمٍ بمــولودٍ مبشــر
من سروري يوم أعانق طيفها فوق الوساده
كن أصابعها من العناب أو بسرٍ عراقي
أو غلا أحشامٍ مجفف أو قناني خمر ساقي
وكن ترايبها صحاف الترك حمران الطواقي
في سنا نور رقبتها ذابت أكثر من قلاده
فتنةٍ من شافها في جو سابع عرش عرّش
كاد ناعم ثوبها في جسمها الغض يتحرّش
مرحبا يامرحبا يامرحبا بالطش والرش
بالحرير الحر والغرو الغرير الغر عاده
كل ما تكبر تزين وكل ما تقدم تجدد
كن نحرها من وراء بوابة الثوب يتهدد
حجم ناحل خصرها في ردفها لاجيت أحدد
حجم نقطة نون داخل نون ما تقبل زياده
بين خصرٍ إشتراكيٍ وردفٍ رأسمالي
ويل ويلي شيب عيني طر جيبي ويل حالي
كل غضٍ في نحرها شايفٍ نفسه معالي
والثنينين بصراحه يستحقون الإشاده
كن عايم صدرها في وقفته قرمٍ ينادي
في خضم المعركه هل من مبارز أو معادي
من غروره يعتبر كل ما نقوله فيه عادي
يامصابيح الرواهب من بياضه في سواده
من مزاج الزنجبيله في شفاه السلسبيله
أورد الساعي كليبٌ حتفه نظم الجليله
جمرةٍ في روح تمره ضيعت أبو دليله
قايدٍ حاذاه قايد ريم وأنساه القياده
من ليونتها كأن ماله ولا عظمٍ جسدها
ومن نعومتها تخاف خدودها من لمس يدها
ومن كثر ما مشيها جذاب ما تمشي وحدها
ومن كثر ما جلدها صخيفٍ تحب اللبس ساده
ويش يسوى المسك وأبو المسك مع ريحة عرقها
يوم ذبت شالها وأهتز في ال ملعب حلقها
ما كأن الله مثل باقي مخاليقه خلقها
فتنةٍ كانت طقوس القصر تعبدها عباده
دثريني يامنيره زمليني يامنيره
يامنيره في فوادي فرخ عبدٍ طق زيره
من هنوفٍ صوبها راع الهوى يشعب بعيره
سيدة سادات قومٌ سادةٌ أبناء ساده
قصيده المجاراه لقصائد الشاعر عبدالله الرشيد المغفور له باذن الله
اضغط هنا مجاراه الشاعر عبدالله الرشيد
غرون طمح يا حسين بين الصلاتين
يومن زوج البين ماهو تكانه
ياحسين انا ادخلته بوجهي نهارين
ينطر هله وانا مكاني مكانه
في ذمتي ياحسين ما شفت العين
زوله ولا حدث لساني لسانه
وفي ذمتي ياحسين لو شفته الحين
اني ما اعرفه لو بصملي بنانه
ماسولتي فيه نفسي ع الشين
ياحسين حسن الظن ربع الديانه
ما اشك في نفسي ولا ابدعج العين
لو هو من الروعه جعلني وزانه
ياحسين يوم الشك من عادت القين
الشك ماله مع اهل الطيب خانه
وماكل طيب يلقى منه اثنين
لين ما هاب الزمان بزمانه
الحلقه ما قبل النهائيه
تلاوه كاهن
اضغط هنا تلاوه كاهن
تلاوة كاهن أم نفث قارئ ||| بصدري يوم اجر الصوت ساري
أدندن دن دندن دن دندن ||| مثلما دندنت دندان جاري
على ربع كبطن الكف قبر ||| حلقه من الذواري موس ذاري
كأن الريح فيه وحوش غابٍ ||| تحاور في حشا صدري حواري !
كأن جبال سلمى دون سلمى ||| هنا و هناك أنياب الضواري
شعا شاعي شعا شايع شعاها ||| شعاعا ما يباريها مباري
شعاشيع قراشيع شعثها ||| إلا شعشع سبيب ما تماري
ألا يالله طلبتك ثم طلبتك ||| سحابٍ من حياض الخلد جاري
تزبّر ثم تعبّر لين غبّر ||| و حبر ماطره وسط الخباري
تجلهم ثم تدلهم ثم أكلهم ||| بامر باري برى باريه باري
يحوف الشمس لين الشمس تصغر ||| شوي شوي مثل عين البخاري
إلى أن يختفي في ثوب نوه ||| جذب طاريه أهل درم السماري
مزونه مزنة و مزنة و مزنة ||| جواري حاكم تتلو جواري
بروقه في فتوقه من تشوقه ||| يلاعبها بأطراف الشباري
شهب مشهاب ضو أو شهاب ||| شهب شباب أشهب برق عاري
رعوده كلما نقض جعوده ||| قنيب ذيابة وسط الغداري
صدى أصواتها في كل ضلع ||| تلاميذ تردد خلف قاري
تحارش ثم تهارش ثم تكارش ||| خطارش غيمته من غير طاري
بطش الرش حش القاع حش ||| يبش ولا ينش و له مواري
دغاريق هماريق بريق ||| باباريق ترقرقها عصاري
لا قبل ثم وبل ثم سبل ||| و طبل تحسبه يصرف مصاري
ولا جل البرد وبله و هلل ||| مكلل ماه يا الماشي حذاري
محاذيف البرد كبر الجماجم ||| و أصغرها مثل روس الحباري
كأن القوس من قزح على أول ||| ظهور أول ظهيره شبه ناري
سنا شفق به رمق تدلى ||| سويعة مغرب من فوق صاري
سحاب جعل ربي لا امر به ||| يعم به اليماني و النزاري
و يسقي كل أهل شبه الجزيرة ||| تهامة و الحجاز و نجد داري
و ابو ظبي و واد العين منه |||ِ تغار لحسنه جزر الكناري
عساه فوق قبر الشيخ زايد ||| مية ليل وهو سكاب جاري
قبر زايد و من هو مثل زايد ||| و أفعاله تغنيها القماري
ملك بالطيب كل قلوب شعبه ||| بحب و خير و اسلوب حضاري
حمل شعبه على كتفه إلى أن ||| تباكوا له بأطراف الصحاري
سقى الله ضحكتك يابو خليفة ||| فلا زلت أعذب الأحباب طاري
ابيات المجاراه
اضغط هنا مجاراه للشاعر الشلاحي
احدن يعذب مهجته نايح الدوح
وماف الايادي غير ضرب الايادي
يلوح قلبه لايح البرق وينوح
حاديه حادي الشر فقرين حادي
من قل ماله مايهيف على الضوح
ولاينزل الا في دجى كل وادي
ومن زاد ماله لو ولد هافين كوح
ما استكبر الروس رايح وغادي
تسنه من اصحاب السفينه مع نوح
لو كان كذاب وكثير الدوادي
في الحلقه الاخيره
ناقتي يا ناقتي الثانيه
اضغط هنا ناقتي ياناقتي الثانيه
ناقتي ياناقتي ما عليك من الهروج
صيحتين في قفا الذيب يقفاها العجاج
العدل يبقى عدل والدروب ا لعوج عوج
والعمى من لامعاه من فعل كفه سراج
يامكثرت الحتسي والفعايل عوج هوج
مايحذف الناس من كان بيته من زجاج
ياحمد طيرن جناحه ورا صدري يروج
وش اسوي كانه افلت من ضلوعي وراج
مولدي في ارض عبقر من العام محجوج
انشدوا عن مولدي ليله الحج الف الحاج
المطالب ياحمد دونها ضرب الفجوج
دونها شرب قراح مثل شرب هماج
ماثنوا عزم ابن عباس اصحاب البروج
لين زوجها من اعزب حدب سيفه زواج
والدهر معنى دخوله من الداخل خروج
والله لا زبن دخيل ولا سنع خراج
ياحمد لاتامن الجدب في خضر المروج
مزنه العذب الفرات امطرت ملح اجاج
ولولا قوله والنعم معتلوا فوق السروج
امه قبلك خبر حيها في الارض داج
لاتعجب من علوج توطتها علوج
والله ان الشر للشر احيانا علاج
في جنوب افريقيا البيض ياطون الزنوج
وفي شمال افريقيا البيض ما ترفع حجاج
ابترفع عن رجالا الهيئه تدوج
عالم رامت مرام الصقور وهي دجاج
قيصر فوق غوج كسرى فوق غوج
والجماعه بينهم راكبين فوق صاج
وش نبي في هامه همها ضحكه غنوج
او قيامه قامه ماتقوم عود عاج
احمد الله يوم لي من خيال الموج موج
اركبه لا هاج سيف البحر تحتي وماج
ماتصفحت الليالي تصفح كتالوج
لين مع كل حادثن ذي حدث عشته مزاج
العقيله ماتبي غير ابن حربان زوج
يوم حاجات الذيابه غدت عند النعاج
ساقي النشوه لها من خروج في ولوج
كم انا للصحو منها شديد الاحتياج
ياحمد مسيار ربعي علي فوج فوج
غايتي يوم الردي غايته نجمه وتاج
قصيده المجاراه للمتنبي
اضغط هنا للمجاراه المتنبي
هو الدهر ياحماد ليس له مدى
فكم قص من قوم ع ذره يدى
زمانن غدت الثعالب ذيابتن تعوى
لها في ناحيتن صدى
اذا الطيب فطيب تسرك عواقبه
وهو انت ما تدري يزيد الردي ردى
واذا السيف ماتندم من الدم سلته
ولم تراه عند اللقاء مجردى
فمثله مثل عود العصي
بل العصي اشد جدلا للناس من بارد الجدى
اهداء مني لكم ..
اخوكم راشد الشمري
غير متصل
