محاوره غير مباشره والله يحي الجميع

[الشاهق]

هذي محاوره بعد الغيبه اللي قضيناها
اتمنى انها تكون في صميم قلب المنتدى
واتمنى اللي يجهل الشعر لا يعبث في المنتدى
لانه وجه قبيله
وتحياتي للجميع



الليله الشعار صاروا بالالوف
والشعر هذا الوقت ملعونن ثواه
مكسور ساق وحالته يرثى لها
واللي عقد روس الحبال يحلها




اللي يحطون النقط فوق الحروف
ابن جمل مشعاب والباقي ما أباه
اهل الوجيه اللي طوال اسبالها
واللي عقد روس الحبال يحلها

[عبدالله الذعيفي]

الليله الشعار في دربك وقوف
والشعر تالي الوقت دايرة رحاه
احدن معه حجه واحد يبرالها
واللي عقد روس الحبال يحلها

يالشاهق انته كن عينك ماتشوف
والناس كلن خابرين مستواه
ندري ونعرف عمها من خالها
واللي عقد روس الحبال ويحلها

[ابومحمد11]

صح لسانك يالذعيفي
وصح لسان الشاهق

[ابن جمل]

الشاهق هلابك وين الغيبه يا رجال
تبا الحقيقه اشوف كني ودي اسولف معك بس وشلون ابدى

----------------------------
اقول صح لسانك وبيض الله وجهك
وانا اعتبر المحاوره على انت اذا ماهي مباشره خرابيط
وعتبرك شاعر خارج دايرة اهل الخرابيط
لك مني اجل واجمل التحيا

[الشاهق]

ههههههههههههههههههههههههههههههههه


صح السانك ولاهنت

ومشكورين على المرور جميعكم
ابن جمل لاهنت
تحياتي

[الشاهق]

ان كانك انته قدها هات الصفوف
ابا اختبركم كلكم يا اهل الزكاه
واللي معه حمله يجي مشتالها
واللي عقد روس الحبال يحلها





كان الذعيفي شاعرن صار امعروف
لاواعذابه ياعرب لا وا عناه
الحمله اللي شدها ما احتالها
واللي عقد روس الحبال يحلها




لنا الشرف نلعب معك طال عمرك

[عبدالله الذعيفي]

مالك علينا يابيض الوجه معروف
لاتختبر مثلي وولاتوصي وصاه
ماللحمول الاظهور جمالها
واللي عقد روس الحبال يحلها



ترا الذعيفي ماينوشه منك خوف
انا ترانا نعرف البير وغطاه
لاطول المسرا قصرنا طوالها
واللي عقد روس الحبال يحلها


وانا كذلك تشرفت بالعب مع شاعر مبدع تحياتي لك

[عبدالله الذعيفي]

ابو محمد صح لسانك ملايين

[الشاهق]

الملعبه ماهي كما ضرب الدفوف
والصندلي يا ناس مدري وش وراه
مع صفر سبعه حالكم من حالها
واللي عقد روس الحبال يحلها






وشلون جاك الخوف وانته ماتشوف
ترى الجدي وسهيل ثابت في سماه
واللي جفل يعجك زين اجفالها
واللي عقد روس الحبال يحلها

[عبدالله الذعيفي]

اليا عرضنا للحرايب بالسيوف
الطير والسرحان نطرح له عشاه
والا صفر سبعه لها منزالها
واللي عقد روس الحبال يحلها


ياصاحبي خل الرسايل فالظروف
ماادري علامك جيت عاكس لتجاه
لاتبتلش في خفافها واثقالها
واللي عقد روس الحبال يحلها