منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
يقول منهو معرّب الانساب = لو إن له بدع المثايل طاب
ماني على خلقه وكيلٍ لكن= نصيحة العاقل لها طـلاّب
نصايحٍ مثل الجواهر ثمينه =بس افقهوها يا أولو الالباب
خذنا من الدنيا دروس وإعبَر= والرابح اللي قبل موته تاب
شبنا من الدنيا كفى الله شرها =ومن جاهد الدنيا لو إنه غراب
يشيب راسه قبل موعد حلّه = ويذوق من جور الزمان عذاب
وأنا من الدنيا خذيت كفايتي= توي شبابٍ مير راسي شاب
مؤمن بما قدّر قويٍ بالله = وصبر الفتى على النصيب صواب
أسفَه نداء الهفلوت وأترك دربه=وأحسب حساب الطيب للاشناب
وأرفع سموّي في علّوْ النايف =وأحثي على وجه الرخيص تراب
وروؤسٍ أروضها بقوّة قافي = وروؤسٍ أروّضها على المشعاب
مآخذ تجارب من دروس الدنيا = وأنصح ونصحي للغشيم طباب
فأبعد عن أهل الحسد وأهل النمّه =وأهل النشب شبّابة الانشاب
وأعرف من تخاوي نهار الشدّه = وعلى الضعيف إحذر تطق الباب
وأترك مجالس جامعين الخيبه = وأخذ النشاما لك دوام أصحاب
وأحذر تخاوي علّةٍ تبلش به = قبيح وجهٍ للقشر شبّاب
والعاذل الحاقد خبيث النيّه = إحذر يحطّك بين ضرس وناب
وابعد عن اللي حرّمه شرع الله = وأحرص على اهل الخير والاحباب
وأبعد عن أهل الظلم وأحذر تظلّمْ=وأحذر من دعاةٍ لها ميجاب
ترى ما أشد من الظلُمْ ياسامعي = خصاً ليا جاء من جهات أقراب
هذا بعض ممّا تعلّم عايش = من واقعٍ منّه ضميره طاب
والوقت سيفٍ ماسلِمْ من حدّه = ولا فيه من موتٍ بليّا أسباب.
وسلامتكم
.
.
أنا ليا من جيت اسجل حضوري = أسجله في راس عالي المراقيب
أسجله فيما يناسب غروري = في موقع ٍ يرقابه الحر والذيب .!
غير متصل
