ملوك المجد

[حفيد المجد]

اخواني في منتدى الغلبا رجعنالكم ندور النقد والتوجيه فقط وغيره مانبي مديح والا غيره

يقول مطلق ابن شويه

يجوز العذر في ايّات حاجة .... الا هل الغلبا وواجبها علينا

وهذي ابيات متواضعه حبيت اشارك فيها والغلبا مايوفيها مقال وهي من عرض قصيده ,,,,, يقول

انّا ملوك المجد من دون حقران=هامه توطي تحتها كل هامه
خذنا الفخر من نجدها لين عمّان=ومن شرقها لاحد آخر تهامه
انّا سلاطين الوغى وقت الاكوان=مانختبي بالروس مثل النعامه
اجبن فتى فينا اذا جاه عدوان=يقدح شراره بالطنا والقرامه
وابخل فتى فينا عطاياه ودّان=يموت لكن ماتجيه الملامه
حفظ الخوي والجود لاجاه ضيفان=يحريبها من قبل ياتي فطامه
والجار نحفظ جيرته دون بهتان=لانّه يجي غالي وعالي مقامه
غلبا لقبنا تعرفه لنس والجان=ياقرد من غلبا تجي في خصامه
سبعان لاجا الحزم شجعان ظفران=بركان يخشى سطوته وانتقامه
ماننكر الباقين كلّن وله شان=اعرف مرادي وانت كلك فهامه
والطيب فال الكل بدو(ن)وحضران=كلّن يعلّق بالمراجل وسامه

والسموحه عالقصور والنقد النقد ياهل الغلبا

[فـــالح السبيعي]

خذنا الفخر من نجدها لين عمّان=ومن شرقها لاحد آخر تهامه

البيت فيه ضعف وملاحظة الإتجاه من الشرق للجنوب
ولو قلت من شرقها لاغربها لاتهامه لكان أفضل

اجبن فتى فينا اذا جاه عدوان=يقدح شراره بالطنا والقرامه

الخطأ هنا جاه عدوان والصح جوه عدوان لأن الضمير
عائد على الجمع وهم العدوان

غلبا لقبنا تعرفه لنس والجان=ياقرد من غلبا تجي في خصامه

الشطر الثاني من البيت ياقرد من غلبا تجي في خصامه ضعيف

والطيب فال الكل بدو(ن)وحضران=كلّن يعلّق بالمراجل وسامه

الأفضل حتى يكون البيت قوي أن تقول
والطيب قدم الكل بدون وحضران
لأن الطيب لايعمم على جميع الناس

عموماا القصيده جيده جداا
ولكن لإصرارك السليم على طلب النقد
والإستفاده من الشعراء فهذا رأيي
وصح لساانك وأتوقع أن تصبح شاعر متمكن
في القريب العاجل إن شاء الله

[حفيد المجد]

اخوي فالح اسعدني مروورك جدا واسعدتني ملاحظاتك اكثر

اما بخصوص كلمة عدوان فالعين مكسوره والعدوان من الاعتداء

واما تهامه فهي عباره عن سلسلة جبال تمتد بجوار البحر الاحمر من غرب شبه الجزيره الى الجنوب

ولكن !!!!!!!!!!!!!!!!!!!!!

هذا لايقلل من قيمة هذا النقد البناء اللي تفضلت فيه واللي فادني صرااحه

وماقول غير لاخلا ولاعدم ياهل الغلبا

وبانتظار باقي الاخوه

[فهد المديري]

بيض الله وجهك على القصيده الجزله

الجميه وانا اجييزك

هههههه

[خالد الشماسي]

مرحبا اخي سبيعي عاقل

هذه بعض الملاحظات وأعتقد بأن نظمك يتجه للأفضل يوم بعد يوم


لاحد آخر تهامـه: همزة المد هذه تكررت مشكلتها عندك وهي وهمزة الوصل دائما ما تسبب ثقل .


لا يستحب أن يذكر في قصائد المدح الإعتراف بأن من بيننا جبان اوبخيل وهذه اكبر خطأ ارتكبته في هذه القصيده


ولو قلت بأن الأقرب او ( الأدنى ) يكفي عن القبيلة شجاعة وكرم ...الخ



دائما آخر القصيدة لديك يكون به كسر او خطأ !!!


والطيب فال الكل بدو(ن)وحضران =كلّـن يعلّـق بالمراجـل وسامـه

ذكر الحضر هنا غير مناسب والبيت مكسور في الوزن والكسر بين فال و الكل



وبالتوفيق

[أبو يزيد]

المشاركة الأصلية كتبت بواسطة سبيعي مطفووق

اخواني في منتدى الغلبا رجعنالكم ندور النقد والتوجيه فقط وغيره مانبي مديح والا غيره

يقول مطلق ابن شويه

يجوز العذر في ايّات حاجة .... الا هل الغلبا وواجبها علينا

وهذي ابيات متواضعه حبيت اشارك فيها والغلبا مايوفيها مقال وهي من عرض قصيده ,,,,, يقول

انّا ملوك المجد من دون حقران=هامه توطي تحتها كل هامه
خذنا الفخر من نجدها لين عمّان=ومن شرقها لاحد آخر تهامه
انّا سلاطين الوغى وقت الاكوان=مانختبي بالروس مثل النعامه
اجبن فتى فينا اذا جاه عدوان=يقدح شراره بالطنا والقرامه
وابخل فتى فينا عطاياه ودّان=يموت لكن ماتجيه الملامه
حفظ الخوي والجود لاجاه ضيفان=يحريبها من قبل ياتي فطامه
والجار نحفظ جيرته دون بهتان=لانّه يجي غالي وعالي مقامه
غلبا لقبنا تعرفه لنس والجان=ياقرد من غلبا تجي في خصامه
سبعان لاجا الحزم شجعان ظفران=بركان يخشى سطوته وانتقامه
ماننكر الباقين كلّن وله شان=اعرف مرادي وانت كلك فهامه
والطيب فال الكل بدو(ن)وحضران=كلّن يعلّق بالمراجل وسامه

والسموحه عالقصور والنقد النقد ياهل الغلبا

شاعرنا الجميل
شاعر المستقبل الزاهر بأذن الله

قصيده جميله وتستحق الاشاده فيها من الجمال والروعه والشموخ الكثير جدااا.

قلت فأجدت صح لسانك مليووووووووووون.

همسه صغيره : انتبه لهذه الملاحظه من ابوعمر

لا يستحب أن يذكر في قصائد المدح الإعتراف بأن من بيننا جبان اوبخيل وهذه اكبر خطأ ارتكبته في هذه القصيده

ولو قلت بأن الأقرب او ( الأدنى ) يكفي عن القبيلة شجاعة وكرم ...الخ

اماالقصيده بصوره عامه فهي جميله جدااا 10/10

كــــن على ثقــــه بأني لست في وارد المدح الغير مبرر.

لك محبتي.

انّا ملوك المجد من دون حقـران=هامه توطي تحتهـا كـل هامـه
خذنا الفخر من نجدها لين عمّـان=ومن شرقها لاحـد آخـر تهامـه
انّا سلاطين الوغى وقت الاكـوان=مانختبي بالروس مثـل النعامـه

أعجبت كثيرااا بهذه الابيات التي تزهو بالعزه والشموخ.