منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
هذه القصيدة كتبتها في قبيلة القروف من البقوم اثناء ملفانا عليهم بالرياض وبيض الله وجيهم ماقصروا عطونا مطلوبنا والطيب فيهم غير مستغرب فهم لهم مواقف طيبة من قديم الزمان وفي الحاضر ومع ذلك تربطنا بهم علاقة العنوة والخوة والجوار فمهما كتبت فيهم لن اوفيهم حقهم فجزاهم الله خير الجزاء وبيض الله وجيههم 0 فالبقوم رجال مواقف ورجال فيهم خير ولهم سجلات حافلة بالطيب وبالبطولات ولهم سمعة كبيرة بين قبائل الجزيرة
بسم الله ابداء وابدع البيت والقاف= وابني بيوتي واسكن النايفاتي
واكتب من الاشعار لأعز الاحلاف= اهل الكرم والجود والموجباتي
قروف البقوم الي لهم عزن يشاف= يشهد بها التاريخ والمعجماتي
الهم مع الايام والسلم ميقاف=فالجاة والنخوة وحسن الصفاتي
قومٍ تعلوا بالوفا كل مشراف= علم وكاد ولا يبيلة اثباتي
والظيف لة حشمة وقدراً اليا ضاف= عند القروف منزحين العداتي
يلقى الشحم والبن من غال الاوصاف=والعود الازرق ريحتة فايحاتي
وجارهم مايلحقة ضيم واخلاف= الا يعيش بعز حتى المماتي
ويوم انها بالخيل وسيوف ارهاف= يوم المعارك تطحن حامياتي
يوم ان كلٍ فعلة ارباع وانصاف= فأنتم هل الغزوات والطايلاتي
خيالكم فالحرب يثبت ولا يخاف=ماكنة الا الشمخ الراسياتي
انتم وحنا عشرة اجداد واسلاف= واكبر دليل قلوبنا شاهداتي
تجمعنا عنوة وخوة بالاعراف= بسلومكم وسلومنا الوافياتي
هاذي حقايق قلتها بدون مكلاف= محكومة باقوالي الصايباتي
حقايقٍ يحكي بها كل عراف = وتحكي بها اجيالنا القادماتي
وحنا سبيع مدلهت كل الاطراف= بامجادنا وافعالنا الكايداتي
يوم السبور اتويق مع كل مشراف= الله خلقنا مانهاب الغزاتي
واختامها صلو على سيد الاشراف= نبينا محمد علية الصلاتي
غير متصل
