معركة العريق ( أسبابها وتفاصيلها )

[كعام العايله]

الأخ سيف1

بيض الله وجهك والله يجعل شهادتك الطيبة في ميزان حسناتك وانا بصراحه ما حبيت ارد بنفس اسلوب بعيد المغازي حشمةَ للمنتدى ومن فيه حيث نحشم حثال العرب من شان طيبها.وكما قلت ما يهمنا من يتكلم من ورى الجهاز.

الأخ بعيد المغازي

مانيب راد على كلامك البذيء(وكل اناءَ بما فيه ينضح) بنفس الاسلوب حشمة لأهل المحل حيث نحشم حثال العرب من شان طيبها.

هذه العلوم معروفة ومخبورة ولاتحسب ان كتاباتك من ورى الجهاز بتنفعك وانا صراحه غسلت ايدي منك يوم دريت انك مطرود من بني عمك.

قصايدك مدري من وين جايبها وأشئلتي وردي ما قريته عدل بس أمرنا لله.

حنا بالرغم من قلتنا كسرناكم وانتوا بكاملكم وقد جلبوا (المزين) مدري اذا تعرفه.والمزين هدوج توضع فيه بنت لتشعل الحماس في قلوب الفرسان.
وبعد انكسار الغييثات نزل السبعان على الحلة ومعهم المزين وعليه عمشة بنت ابن خيوط آل بوثنين من شيوخ الجمالين ويقوده اخوانها الثلاثة.
لكن الشيخ سند بن حفيظ ووقيان آل نصار عقوا رجليهم على الحلة فأحتموا الغييثات والشكرة ،وضربوا بعير العميشة ووقعت منه وانشق خشمها.
يقول شاعر الغييثات.

خلوا المزيون ما ثنوا من دونه =فوقه العميشة خشمها مقطوع
حنا خذينا حفنا بايدينا =يوم التقينا بالعريق جموع
يانعم والله يا صلايب جدي=يوم الموازر صوتهن يروح

وبعد وقوع العميشة،قتل صالح بن شديق الغييثات اخوانها الأثنين وعندما جاء الثالث ليأخذ محزم أحد أخوانه الذين قتلوا قال:يالله الخيره ذبحت عيال خوالي(خواله سبيع) فقال وقيان(اذبح الرجال نعنبا ذا اللحية انقطعت العنوّه)فألحقه باخوانه وهم عيال الشيخ ابن خيوط الجمالين.وقتل من قتل وصوب من صوب من فرسان وشيوخ سبيع.

حول على السبعان عجٍ له كدر=طاح العماني في نحا مخايله
البسم والذعذاع والحرق انعثر=والكل منهم وسدوه أصايله

وانكسرت جموع سبيع وتبعهم الغييثات ومن معهم يغنمون ما وجدوا ، وزبن بعض السبعان الشجر في منطقة الجلالية واصبحوا يظهرونهم من الشجر ويقتلونهم في ذلك اليوم.

يقول الشاعر لإثبات ذلك دغش ابن عريمان

ذيب الجلالية عوى يبغي ذيب الشجر=ويدعي طير السما من فضايله

يقول الشاعر هجاج بن عيد/

السهلي طق وهمل عباته=يطرد كلب الغنم جدوع

هذا ولا يتسع المقام لذكر كامل الهية،وانا بصراحه لا أحب اذكرها لأنها سوالف فنت والله يرحم قتلى الطرفين ولا كان بودي ان يذكر الموضوع في المنتدى لما يسببه من فتنة نهى عنها الإسلام وأرجوا مسح الموضوع بكامله حيث اتضح ما فيه ،وانا أحب اناقش ناس عاقلين امثال سيف1 اما امثال بعيد المغازي فما نقول الا الله يهديه سواء السبيل واظنه عرف الحقيقة وشافها بس ما يقدر يعترف.

[سيف 1]

الاخ كعام العايله . لك الشكر على اسلوبك الطيب وانت من حقك طرح وجهت نظرك .

لكن أنا أختلف معك حول ماذكرت من سالفة المزين . والحقيقه أن مزين السبعان يوم العريق مافيه أحد . فقط هودج يقوده ثويني من الصمله ويوم دخلو السبعان بيوت الدواسر أخذ قايد المزين (غطا) وحمله في الهودج وكان الغطا ثقيل وطاح الهودج من الناقه بسبب ذلك قبل لا ينسحب السبعان من البيوت
ولم يكن ذلك كسيره من السبعان كما ذكرت .

أما أن السبعان زبنو الشجر فالجلاليه والدواسر يطلعونهم ويذبحونهم فلا أوفقك عليه. يقول فدغوش فالجلاليه يومك ذكرتها

ياذيب ياللي تنادي فالجلاليه= أرفع بصوتك وناد لكل جيعاني
دوك العشا من مداغيش الغييثيه= في مجلب الموت جالبهم وقياني

صحيح أن الغيياثات إستردو حلتهم لا أحد ينكر ذلك لاكن ثق أنهم ليسو وحدهم بل معهم كثير من الدواسر والعجمان .والسبعان لم يكن تراجهم كسيره أكثر من أنه انسحاب والدليل قول شاعر السبعان في مطلع قصيده طويله يذكر وضع المعركه آخر النهار .

فيضة خريم سالت عقب الامحالي =حزت العصر يوم الله دعا فيها
سيلها الدم من ماضين الافعالي = ............الى اخر القصيده

وفدغوش ماصوب فالمعركه اللي صوب أبن أخيه في اول اليوم وأخذ أبن وقيان فرسه قبل أن يلتقي مع فدغوش الذي عرف الفرس وأستردها منه بعد قتله .

وسلامتك يا كعام العايله وكما قلت تطويل الموضوع مامنه فايده والله يرحم قتلى الطرفين ويتجاوز عنهم .

[اخو شما]

للأسف كل ماطرح موضوع جيد للبحث والنقاش

اتى من خرج به للمهاترات وشوه جماليته

تم اغلاق الموضوع نهائيا

الاداره

[الضيرمي]

ياذيب ياللي شمالٍ ناوي النية *** ياللي ربيعك زما من دون الأطعاسي
ترى ربيعك يذكر بالجلالية *** في منثر العرق نوه يرعب الناسي
وجخير منا يجر الحزم بلحية *** عليه طير الهوى حوله تنكاسي
إلى آخر القصيده ...................................؟
هذه قصيدة الشيخ / سعد بن مذكر العماني شيخ شمل مشائخ بني عامر الأخ الأكبر لفراج العماني قالهاعندما غزى في بني عامر على الدواسر في حرب سبيع (بني عامر ) مع الدواسر المعروفه (بالعريق ) وانتهت بالنصر لبني عامر .. في الحقيقه شدتني هذه القصيده وقت مارواها علينا شخص كبير في السن شمري من الجماعه ولاكن لم أذكر من هالقصيده إلا البيوت الأولى منها إذا ماني غلطان وأتمنى منكم ياسبيع وأنا شمري رابيٍ معكم من يعرف هذه القصيده كاملةً للشيخ / سعد العماني أن يرويها علينا وإنشاء الله إنكم تعروفها لأنها قصيده لشيخ بني عامر وعقيدها وفارس من فرسان سبيع وهو غني عن التعريف... في الحقيقه كل ماأسأل شخص عنها من بعض كبار السن من شمر الملمين في هذه المسائل من المغازي والقصيد يروونها بس ماهي كاملة يعني مقطعه شوي وللأسف إن (الشايب) اللي رواها لي كاملة سافر لديرته الله يستر عليه .. قلت مافيه إلا سبيع أستنجد فيهم وأكيد بعرفونها.. في الحقيقه شدتني هذه القصيده لما تحتويه من شعر الحماسه والشعور بالإنتصار وهذا النوع من الشعر مفضل عندي جداً جداً جداً فأرجو المساعده من سبيع؟

[خيَّال الغلباء]

بسم الله الرحمن الرحيم

من أحديات الفارس الشيخ / فلاح بن خالد بن مجفل رحمه الله وأسكنه فسيح جناته عندما انتصروا في معركة العريق على الدواسر وأخذ بثار ابن عمه الفارس الشيخ / عبدالله بن فيصل بن مجفل رحمه الله وأسكنه فسيح جناته هذه الأحدية ويقول فيها :-

في فيضة خريم التقوا فرسان
= جموع الدواسر قابلوه سبيع

وخذيت بثار أخوي فالميدان
= وغريمنا نلقاه ما يضيع

بسيف الملح ننطح العدوان
= نفعل بهم فعل (ن) شنيع

لبني عمر واّلاد عامر شان
= وحض (ن) من المولا رفيع

منقول مع خالص التحية وأطيب الأمنيات وأنتم سالمون وغانمون والسلام .