[b] اسلام عليكم جميعا اما بعد
للاسف انا جيت متحمس من جد للاشتراك والدخول في هذا المنتدى لما يعنيه لي اسمه واقصد بذلك قبيلة سبيع
وجالس اتصفحه واتمتع بالمواضيع الموجوده فيه لكن ما أزعجني فيه كثيرا بعض الردود وبعض المواضيع التي يطرحها زملائي الاعضاء فبعضهم تكون ردوده على هواه ولشيء في نفس يعقوب ارجوا من الجميع الترفع عن بعض الردود او المواضيع اللي مالها سنع لاني بالنسبه لي اعتبر قبيلة سبيع من افضل القبائل في جزيرة العرب خاصه مع الغير اي مع غيرهم من زملائهم من القبائل او العوائل الاخرى تلقى الرجال يفتخر بخويه ويقول انا رفيقي فلان السبيعي لأنه يجد لديه من الطيبه والكرم والمواقف في الشدائد ما لا يجده في غيره وكلنا نعرف القبايل الثانيه واللي فيها من مزايا وعيوب هذا المقطع الاول من كلامي وأعتقد انه ما يختلف عليه اثنين
اما المقطع الثاني من ردي ان حنا بينا يالسبعان يعني بين ابناء نفس القبيله تلقا البعض للاسف يحطها نار شابه بينه وبين ولد عمه ويكثر فيه العذاريب ويشكك في نواياه على الفاضي والمليان طبعا انا أبرأ بكم من هذا الكلام لكن في نفس الوقت اتمنى ان تترفعوا عن مثل هذه الامور وكل واحد يعرف عمره ويعرف قدره بين الرجال بفعل يمناه اتمنى ان تتقبلوا ردي بصدر رحب لاني والله العظيم اني اتنومس واستانس لا لقيت ولد عمي قدامي حتى لو لقيت فيه بعض العذاريب اغطيها عليه وادمح خطاه علي اذا زل قدامي
وســـــــــــــــــــــــــــــــــلامتكم 0
غير متصل
