المجاراة في الشعر(ياكثر ماقلت أبسوي وأبسوي)

[سليمان السبيعي]

المجاراة في الشعر

ياكثر ماقلت أبسوي وأبسوي


البغيلي
رنية – سليمان السبيعي
المجاراة في الشعر لها عدة تعاريف: عرفها البعض على أنها نوع من " المعارضة الشعرية " ولكن كلمة معارضة تعني الضد أو العكس وهي تخالف معنى القصيدة التي تتم معارضتها حيث يكون فيها نوع من الهجاء أو العتب او اللوم أو نحو ذلك ولكن كلمة " مجاراة " عرفها البعض على أنها لون من ألوان الشعر ولكنها أخف وقعا من سابقتها حيث ان الشاعر يجاري الآخر في قصيدته بنوع سلس ومهذب ومشوق يبرز فيها إبداعاته ومحاكاته لقصيدة أخرى بنفس الموضوع والوزن والقافية وهذه أبيات تنبض بالحكمة والواقعية للشاعر حمود البغيلي وقد جاراها الشاعر مطلق الدخان :
الشاعر حمود البغيلي..،
ياكثر ماقلت أبسوي وأبسوي
ولافيه شيٍ من اللي قلت سويته
راحت حياتي وأنا أطري أنا أنوي
واللي بغيته نسيته يوم خليته
أنا أحسبني صغير وبالعمر توي
لاشك شيبت وأحلى العمر عديته
ياليتني ياحمد يومه صفا جوي
هاك الزمن ياشريف البيت خاويته
ياكثر ماقلت أبسوي وأبسوي
ولافيه شي من اللي قلت سويته

وقد جارى هذه القصيدة الشاعر مطلق الدخان بالأبيات التالية
شبيت راس الفتيل وولعت ضوي
ودولاب فكري لوقتٍ فات رديته
أفل الأفكار وسط الراس وأطوي
بجاري الشاعر اللي شايعٍ صيته
الشاعر اللي تلاقى نوه ونوي
هيضني الله يرحم حية وميتة
تقول يقرأ من الأفكار ويروي
أشوف كني أنا اللي قايلٍ بيته
ياحمود شد العزم عسى الله يقوي
عزمك على هالزمان أللي تمنيته
ماتنفعك يالبغيلي قولتك لوي
قصرت في ذاك والا ذاك مديته
العمر مثل الزهر له يوم ويذوي
ولو طال عمر الفتى للموت تاليته
http://www.alriyadh.com/2010/07/10/article542332.html