خسر ابوطمشه بالاسهم وشكى لي حاله فكتبت هذه القصيده

[عايض ابوشيبه]

قصيدتي تحكي حال رواد الاسهم
ابو طمشه

ياوجد قلبي على حمدان أبو طمشه = واوضاعه اللي لها عامين محتاسه
مما جراله تشوفه صايبه رعشه = والمشكله في همومن فجرت راسه
الموتر اللي يسوقه يعشق الورشه = جابله الأمراض ثم أزداد وسواسه
من باعه اياه في بيعته ذي غشه = باالشكل غره وغره لمعة الطاسه
البيت شعبي إذا جاه المطر خشه = الفقر مغروس به من جذره وساسه
سمع باالأسهم وقام وبيع لعفشه = والبيت باعه وخوفه يكتم أنفاسه
يخاف يقضي على اللي للزمن خشه = مايدري إنه حصل ماكان بأحساسه
ساهم باالأسهم وهمه وسطها طشه = يظن باب الغنى يضرب له اجراسه
عطوه الأسهم وقالو قشها قشه = لاشفتها ترتفع وتشع كاالماسه
ثم شافها ترتفع باالسوق منتشه = ماباع سهمه يبيه أيحطم أقياسه
وبيوم صارت عظامه فيه منهشه = طاح السهم دون علمن منه وفراسه
تالي زمانه وجدته ساكنن عشه = من بعد ماضاع ماله واعلن افلاسه
من كثر ماقد تنقل شايلن فرشه = وأعياله اللي يبي دفتر وكراسه
زادت اهمومه وشقت دمعته رمشه = من كان مثله يبي لأوضاعه إدراسه

[مشعاب]

قصيدة منتازة بالحيل


صح لسانك يا عايض بو شيبه وكثر لنا من هالنوعية





ترى ربعك مثل ابو طمشه :)

[أبو يزيد]

صح لسانك يابوشيبه
قصيده جمييييييييييله بالحيل
ماتخبرلنا عشتااااا رخيصه........

لاهنت يالغالي,,,,,,,