إختبار في مدرسة العرابجة ...........

[الشامل]

إختبار في مدرسة العرابجة ...........
مدرسة ماوراك الا الدجه..لتسنيع الصايعين..والعرابجه..
وزارة الثقافة والتعلوم..تحت رعاية خذ فنجال لايجيك طراق..


اسمك واسم وابوك ولايكثر :
اسم اللي جنبك الا كانك جنب جدار :
رقم بيجر ابوك :



إختـــــــــــــبار مادة النحو00


اقر الأسئلة اللي تبي تجيك هالحين لا الفعك بعسيب النخلة..وجاوب عليهن..كلهن..:

السعال الأول .. سوف تنسدح امامك قطعة..اقرأها..وانت مركز لأننا بنلعب عليكم..وتبي تنسدح عقبها اسئلة مهيب صاحية..

القطعة :
قام ابوداحم من فراشه متحمسا..واسرع بالروحه للحمام..
لأنه كان حسرانا جدا..دق عليه ابوسعدون..
كي يروحون جميع للمدرسة..
وابدى ابوداحم موافقته للفكرة..وانطق ابوداحم بالحوش
ينتظر قدوم ابوسعدون..والذي يبدو انه سوف يعطي ابوداحم ركبه
ليست صاحيه البته.. قفلت مع ابوداحم وجلعد الى المدرسة مسرعا..وهو معصب ناوي يلعن خامس ابوسعدون..
فدخل الفصل..وطب ببطن ابوسعدون..
الى ان جاء المدرس جلمود وصفق الأثنين تصفيقا مبرحا..



سعال الف : ماذا فعل ابوداحم بالحمام ? (( سؤال محرج مهوب صح ?))
سعال باع : استخرج من القطعة ..حرف جر مع اللي هو جاره..
سعال جيم : أعرب..اللي تحته شخط..

السعال الثاني ..

حط الكلمات اللي تبي تجي..في جملة زينه..
تستبعط ...تحط جمل مالها داعي اتوطى ببطنك..
- جنط - صندوق - جوال
- اكتب خمس جمل زينه تحتوي على فعل أمر..


السعال الثالث .. اعرب الجمل التالية ..

- توطى الأستاد ببطن الطالب..
- فلق صويلح ابوجلمبو بخشبة..
- هذولا الطفارى رايحين فيها لامحالة..



مع تمنياتي لكم بالسقوط.....
عمك انت وياه المدرس جلمود بن صخر حطه السيل بن علي

مع العلم ان ملطوش الموضوع بالصوت والصوره اقصد منقول

[راعيها]

الأسم : راعيها ولد أبو راعيها
اللي جنبي الجدار لالالا مهوب الجدار واحد يشبه الجدار الظاهر انه شامل .
رقم بيجر ابوي :123213+6932=3652(واحد مافهم السؤال)
جــ1/
أ- طير الشراب .
ب- حرف الجر أبوسعدون واللي جاره أبو داحم يومنهم بالفصل .
جـ-اللي : حرف يدل على حاجه مدري وشنهي .
تحته : كلمه تدل على عكس فوقه.
شخط : فاعل

جـ2/
- ياجنط حط الجوال في الصندوق واركب فالغماره .
- أقطع وأخس - طس عن وجهي - أذلف وراك - قم بس قم - الولد نشيط

جـ3/
- توطى الأستاد ببطن الطالب .
توطى : فعل ماضي وفات واللي فات مات ومالها داعي المشاكل .
الأستاد : فاعل دايم كذا يطق بسبب وبدون سبب .
ببطن : مضاف والطالب مضاف اليه ملعون ثواه .

-فلق صويلح ابوجلمبو بخشبة..
فلق : فعل دايم يجي مع المهاوشات .
صويلح : ورع شري راعي مشاكل .
ابوجلمبو :ضعيف كل من جاه سطره .
بخشبه : أداه تنفع في مثل هذي الأمور .

-هذولا الطفارى رايحين فيها لامحالة..
هذولا : جمع هذال .
الطفارى : جمع طوفريه .
رايحين : جمع ريحه .
فيها :جمع فيه .
لامحالة : مسدس عادي مهوب أبومحاله .


يارب يارب أنجح وشكراً

[الغــريــب]

ههههههههههههههههههههههههههه


والله اختبار ثانويه صح




ياعنك ابنجح واجيب منتاز