سمعت المسالم شارك بشاعرالمليون

[وافي السبـيعي]

اقرب ياالمسالم اي وقت

سمعت المسالم شارك بشاعرالمليون=وانا اقول يستاهل ملاين مثنيه
يعيش المروس شركة الشعر نجدفون=من اخراجها تنتج لك افلام هنديه

[مشعاب]

أبك أبك أبك انا اشهد انهم راحو فيها



المسالم هذا مهوب سهل


خله بس يشبع نوم وتشوف الردود تجيك من كل فج وصوب متطايره


كنها الأطباق السماويه اللي دايم تجي في التلفزون

[أبو يزيد]

المشاركة الأصلية كتبت بواسطة وافي السبيعي

اقرب ياالمسالم اي وقت

سمعت المسالم شارك بشاعرالمليون=وانا اقول يستاهل ملاين مثنيه
يعيش المروس شركة الشعر نجدفون=من اخراجها تنتج لك افلام هنديه

جميييييييييييييل جداااا من اجمل المطالع التي مرت علي فى الاونه الاخيره

بانتظار المسالم عجل الهمام الهمام ياشاعر المليوووووووووون

[المسالم]

هلامرحبابك مالمسالم وهوممنون=عددمايهبن الهبايب بقيضيه
على مايجوزالكم تسمون وتغنون=تفضل وكول امن الرطب خرف برنيه

[وافي السبـيعي]

المشاركة الأصلية كتبت بواسطة المسالم

هلامرحبابك مالمسالم وهوممنون=عددمايهبن الهبايب بقيضيه
على مايجوزالكم تسمون وتغنون=تفضل وكول امن الرطب خرف برنيه

عسا الله يبارك فيك يالشاعر الدندون =وبشر عسى كل الدعاوي طبيعيه
ترى سلمنا معروف عن سلم مستر جون=وانا اقول اخذ دله وفنجال بريه

[وافي السبـيعي]

المشاركة الأصلية كتبت بواسطة مشـعاب

أبك أبك أبك انا اشهد انهم راحو فيها



المسالم هذا مهوب سهل


خله بس يشبع نوم وتشوف الردود تجيك من كل فج وصوب متطايره


كنها الأطباق السماويه اللي دايم تجي في التلفزون

ملييون هلا يامشعاب اخوى عجراء

[وافي السبـيعي]

المشاركة الأصلية كتبت بواسطة أبو يزيد

جميييييييييييييل جداااا من اجمل المطالع التي مرت علي فى الاونه الاخيره

بانتظار المسالم عجل الهمام الهمام ياشاعر المليوووووووووون

هلا والله ابو يزيد مرحبا ملييون

[البدر]

عسا الله يبارك فيك يالشاعر الدندون =وبشر عسى كل الدعاوي طبيعيه


ترى سلمنا معروف عن سلم مستر جون=وانا اقول اخذ دله وفنجال بريه

وافي السبيعي والمسالم لاهنتووووو جميعا طاروق طيب واصلوا الابداع

اخوكم البدر

[المسالم]

أنا تاجر ٍ بالسوق والربح لي مضمون=لكن الفقارى لاهذيه ولاذيه
ترفق قبل نرسل لكم جيش بنتاقون=على شان تصفي خُطركْ يالعريبيه

[وافي السبـيعي]

المشاركة الأصلية كتبت بواسطة المسالم

أنا تاجر ٍ بالسوق والربح لي مضمون=لكن الفقارى لاهذيه ولاذيه
ترفق قبل نرسل لكم جيش بنتاقون=على شان تصفي خُطركْ يالعريبيه

عساها تجاره رابحه ماعليك اديون=اخافك تورط في مزاد الشريطيه
وش اللي بقى من جيش قارون مع فرعون=عليها من التاريخ عبره سماويه