[اغار من الهوى طبعي غيوري...........اذا النسناس لامس صفح خده
ولكن صاحبي طبعه غروري.............نشل عقصه على متنه وهده
يظن صويحبي هذا سروري.............تدلع والدلع محسوب ضده
اوده في غيابه والحضوري...........واخاف من الهوى يفضي بسده
اذا مس الشفايا والثغوري............يعاندني ولا له من يرده
اذاداعب خصوره والنحوري...............حبيبٍ مايسٍ مياس قده
ثمان سنين في حبه صبوري.............يجافيني وراسي له مرده
صغير السن طوره غير طوري..........وبحرالحب له جزره ومده
وبحر الحب كم طبع غموري..............وتياره قليلٍ من يشده
يجاسي الموج بحارٍ جسوري............ولا يقدر يجاسي صد وده
ولم الشمل في الدنيا ضروري..........ترى كثر اتصالي م الموده
وتم الجيل واختمت السطوري............سلامي له ولأهله ومن يوده
محمد بن ذيبان
[/align]
غير متصل
