عبدالرحمن القرشي يرد علي ( شوفوا الجزيره حكامها كلها عنوز )

[قريش الطائف]

الشاعر عبدالرحمن بن رداد الحميدان القرشي
من الشعراء المتميزين ولكنه مقل في قول الشعر
ولكن عندما يكتب القصيده يعجب به الشعراء لجزالته وقوه تصويره
وهو من سكان مدينه الطائف

وقد قال : قصيدة في رد علي قصيدة يقول مطلعها

قالوا شمالي قلت جـدي شمالـي
= من وين مارحنا لنا العز مركوز

حنا سلاطيـن العـرب يا حلالـي
= شوفوا الجزيره كل حكامها عنوز

فكان رد الشاعر / عبدالرحمن القرشي

سلام منـي عـد صفـر الدلالـي
= لكل رجـل يفهـم العلـم ويحـوز

ومن بعدها أبـدأ برسـم الخيالـي
= أرتب أبيـات كمـا الـدر مكنـوز

إن كان جـدك يا خويـي شمالـي
= جدي أنا من صفوة الخلق مفـروز

من مكه اللـي فراقهـا ما طرالـي
= بطحاء قريش ومحبس الجن والقوز

جدي أنا اللي انوصـف بالكمالـي
= هدابه الله كـل حيـران مهـزوز

جدي أنـا اللـي بسنتـه امتثالـي
= حلال وحرام ويكره الفعل ويجـوز

صلوا عليـه وسلمـوا يا رجالـي
= يمكن ننال بهـا شفاعتـه ونفـوز

حنا لنـا التاريـخ بـأول وتالـي
= حنا لنا التاريـخ يا نـاس محجـوز

حنـا حكمنـا بـأولات الليـالـي
= الفرس والهندوس والـروم ودروز

حتي اليهـودي شردتـه الليالـي
= يومن قومي تحكم الأمـر وتحـوز

وصـلاة ربـي عـد نـو بدا لـي
= لصفوة قريش اللي به الدين مركوز

وفي النهايه وألف نعم بقريش وبالعنوز وبجميع القبائل
تحياتي لكم .

[خيَّال الغلباء]

أخي الكريم / قريش الطائف السلام عليكم ورحمة الله وبركاته وبعد : شكرا جزيلا لك على نقل هذه القصيدة اليتيمة الجزلة من رأس جزل وصلى الله على رسولنا محمد وسلم تسليما كثيرا والنعم في قريش سادة العرب وفي قبيلة عنزة أبناء وائل ولا تهون القبائل الأخرى مع أطيب الأمنيات واسلم وسلم والسلام .

[ناصر بن مناحي]

صح لسانه اشهد انه شاعر جزل

[راقي المعالي]

جداً رائعة\

تحياتي

[قريش الطائف]

خيال الغلباء
تحياتي لك
واشكرك علي المرور
لاهنت
والسلام عليكم

[قريش الطائف]

ناصر الملحي
راقي المعالي

اسعدني مروركم

[lion1430]

مشكور وما قصرت ولا هنت

[النادر]

صح لسانه
جدا رائعة
ونعم بجميع قبايل المملكة

[أبـــو ســعــود]

بيض الله وجهك على هذه المشاركه الجميله

[جـراح العميـم]

صح لسسان شاعرها

لاهنت على نقلها

تحياآت/ جـراآح العميـم