بلدية رنية _ الخرمة وحلم الأرض المنحة

[السيف]

مدريتوا عن الصكوك وش اخر نظام فيها
*
*
* الشرط الثالث ان يكون الارض الي تبي تخرج عليها صك لابد ان يكون ملكيتها قبل عام 1387 هـ وان باقي ما نولدنا

*
*
وثنين شهود واليوم اكثر الناس صار مضطر لشراء الشهادة والشهادة عند العبيد كل واحد 2000 ريال والمزكين اثنين وكل واحد 1500
وعلى قولتهم ( نعنبو ذمة ما تنفع الرفيق )

اخر التطورات في رنيه
مقر الشرطة اصبح مكان لاهل المعسل والريح قبل تدخل المركز ينطح ويسد نفسك قبل ما تجي وتنسد نفسك زيادة بالمدير المحترم الي دوامه بعد الظهر والجندي الي نفسه في راس خشته

وانتظروا المزيد
اخوكم السيف

[عابرعرق سبيع]

يابو عمر مرحبا بك
اجني في العرق والله لعطيك أراضي وأوديه
أما في الديره ـــــ هناك مزرعة الوالد ....... أعطيك منحه على كيفك
وابشر يالغالي

[خالد الشماسي]

كفوو يالعابر ولا انت مقصر

لكن حنا نطالب أو بالأصح نتشاور كيف نحل هذه القضية فقد يكون أحدنا قد استلم لكن يهمه ما يهم ربعه



المزرعه عليها صك انته لا يجونك ويزيلونها لجنة التعديات

[الهريظمي]

يالله الخيره قامت الحضارين اللي في ديارنا تاخذ حقوقنا من أرضينا وأراضي ابوانا جدودنا وتبيعها علينا والله معاد الاهي ,والسبه فينا حنا لو معطينهم العين الحمراء . ومحسسينهم بوجودنا على المسرح اللي هم قاعدين يمثلون عليه كان تغير الحال .... بس حنا ياجماعه ساكتين واللي يسكت عن حقه يوخذ منه وهو يشوفه شوف العين..انا لاأقول هاذا الكلام بمعنى شوفوني ماشاء الله علي. الموضوع في غاية الأهميه هذي الأراضي من حق أهلها المطالبه فيها ..وعلى البلديه مراجعة حساباتها لئنهُ جاليوم اللي لازم تتعالى فيه الأصوات مطالبةً الجهات المعنيه في حل المشكله من جذورها ومحاسبة كل المقصرين من له يد في الموضوع... لاومراجعة كل الحسابات كل ماجاء رئيس للبلديه قام يوزع أرضينا على اللي يسوى واللي مايسوى شيً بشيمه وشي بقيمه , وانا أتمنى من أهالي الخرمه ورنيه التنسيق في ما بينهم في كيفية التعامل وأيجاد الحل المناسب للقضيه كما أتمنى تحديد يوم من الايام لكي يتجمهروووووووون فيه ابناء القبيله وألذهاب الىمقر البلديه والمطالبه الجماعيه في توزيع الأراضي في أسرع وقت ....... أو رفع الموضوع اللجهات العلياء عن طريق البرقيه الجماعيه وشرح الموضوع للمسؤلين لئن الشي هذا زاد عن حده .... .والله ولي التوفيق /أخوكم الهريظمي معكم على الخير والشر والله على ماأقول شهيد

[عابرعرق سبيع]

والله لستفزع بك يابو عمر إن خذوا ارض الوالد أو نظرت فيها لجنة التعديات
ماعندنا الاّ العجر .....وعيال العم الغالين مثلك وشرواك

[خالد الشماسي]

أبشر بعزك يا العابر نقلبها جمهوريه .


الهريظمي فكره جيده جدااااا مسألة المطالبة الجماعية فيها بكره ولها قوه شديده جدااااااااااااا .


ونحن نطالب السيف بتوفير ايميلات كل الوزراء للمطالبة بالحقوق المفقوده .

[السيف]

ابشروا بس اصبروا علي كم يوم لين اجمع لكم الايميلات واجيبها

ولكم الشكر الجزيل
من السيف

[خالد الشماسي]

بيض الله وجهك يالسيف وابشر منا ان نرسل لين يسكرون ايميلاتهم .


هذي ديرتنا ما لها الا اهلها .

[طويق]

آخر التطورات عند المحترمين (شرطة رنية) وأنا في مشوار يبعد عن المحافظة مايقارب 15كم صادفني حادث مروري مؤلم فما بي إلا أن اتصلت بالشرطة وجاوبني أحد الأفراد والأقرب أنه مشغول بلعب (البيلوت) أخبرته بالحادثة فكان رده

وش














يثبت لي أن هناك حادث

فكأنه يقول لابد أن تمتلك جهاز ارسال فضائي لتصور مايواجهك من حوادث لنراها على الهواء مباشرة ومن ثم نصدق .



عجبا ونكرا وتنديدا بغارتها...... لله كم نددوا يوما وكم شبوا

ماذا فعلنا غضبنا كالرجال ولم..... نصدق وقد صدق التنجيم والخطب

[السيف]

ماهي غريبه والله مادام الطاقم الاداري موجود

تدري ان رنيه صارت مشهوره بسبب قضاياها الجنائيه بعد قدوم الطاقم الادراي

قتــــــــــــــــــــــــــــــــــــــــــــــــ ـــــــــــــــــــــــــــــــــل
سرقـــــــــــــــــــــــــــــــــــــــــــــــ ـــــــــــــــــــــــــــــه
تفحيــــــــــــــــــــــــــــــــــــــــــــــ ــــــــــــــــــــــــــــــط
مضاربـــــــــــــــــــــــــــــــــــــــــــــ ــــــــــــــــــــــــات


والله يعين كل ما قلنا راح ونقل رجعوه
مثل محمد الرشيد وزير التربيه والتعليم
قضاء ثمان سنوات ومدد له اربع اخرى على حساب التعليم

الله يعين

والحل هو الدعاء والصبر