Untitled 1
 
  تريد فيو (اخر مشاركة : ارينسن - عددالردود : 0 - عددالزوار : 343 )           »          كيفية شراء الاسهم الامريكية الحلال (اخر مشاركة : ارينسن - عددالردود : 0 - عددالزوار : 445 )           »          افضل شركة توزع أرباح في السوق السعودي (اخر مشاركة : ارينسن - عددالردود : 0 - عددالزوار : 579 )           »          حساب سعر الصرف (اخر مشاركة : ارينسن - عددالردود : 0 - عددالزوار : 788 )           »          قصيدة رثاء في حمد الحضبي السبيعي (اخر مشاركة : عبدالله الحضبي - عددالردود : 0 - عددالزوار : 672 )           »          قمصان نوم تركي (اخر مشاركة : ارينسن - عددالردود : 0 - عددالزوار : 588 )           »          فستان مناسبات (اخر مشاركة : ارينسن - عددالردود : 0 - عددالزوار : 603 )           »          جلابيات مغربية (اخر مشاركة : ارينسن - عددالردود : 0 - عددالزوار : 620 )           »          ايشارب حرير (اخر مشاركة : ارينسن - عددالردود : 0 - عددالزوار : 535 )           »          رسوم الحساب الاستثماري في تداول الراجحي (اخر مشاركة : ارينسن - عددالردود : 0 - عددالزوار : 946 )           »         
 

 
العودة   منتديات سبيع الغلباء > المنتديات الأدبية > منتــــدى القصائـــــد المنقولــه
 

منتــــدى القصائـــــد المنقولــه القصائد التي يكتبها غير شعراءها فهو شامل للقصائد المنقولة والمكتوبة لشعراء لا يكتبون في الشبكة


عبدالله علوش

القصائد التي يكتبها غير شعراءها فهو شامل للقصائد المنقولة والمكتوبة لشعراء لا يكتبون في الشبكة


إضافة رد
 
أدوات الموضوع
 
غير متصل
 رقم المشاركة : ( 1 )
ابن قطنان1
عضو فعال
رقم العضوية : 34513
تاريخ التسجيل : 01 - 02 - 2009
الدولة : ذكر
العمر :
الجنس :
مكان الإقامة :
عدد المشاركات : 265 [+]
آخر تواجد : [+]
عدد النقاط : 10
قوة الترشيح : ابن قطنان1 is on a distinguished road
الأوسمـة
بيانات الإتصال
آخر المواضيع

التوقيت
عبدالله علوش

كُتب : [ 12 - 09 - 2009 ]

.................................................. ...........بسم الله الرحمن الرحيم............................................ .................


الــســلام عـــلـــيـــــكـــــــم ورحـــــمـــــة الـــلــــهـ وبـــــركـــــاتـــــه........................وبعد :.


القصائــــد لشاعر /عبدالله بن علوش


************************************************** ********************************

(اوهـــــــــــــــــــــــام)


اللي يقول الحـب موجـود كـذاب

.....................................شغلات ممنوعـه يسمونهـا حـب

واللي يقول اسهرني العشق نصاب

...................................ويعرف نصابـه معلمتـه النصـب

لاشافت عيوني مواليـف واحبـاب

......................................والعشـق ماخطـا بقلبـي ولا دب

اكتب غزل كله على شان الإعجاب

.....................................ماهو على شان الهوا كـل ماهـب

لاهب نسناس الهوا خاطـري ذاب

...................................ولا كمل النسناس وشلـون بشتـب

اوهـام شعـار وخرابيـط كـتـاب

..................................والجيل ذا من يوم جا والهوا خرب

نهيت قلبي من طبوعـه ولا تـاب

.................................قد قلت له خل الصراحه على جنـب

لن الصراحه دايمن تفتـح ابـواب

...................................صار الكلام الواقعي يشبـه السـب

الـي بيزعـل بيلقـا لـه اسبـاب

....................................لو ان مالي ذنب بيحط لـي ذنـب

حنا بزمن فيه العلاقـات بحسـاب

........................................للواضحـه ريبـه وللخافـيـه رب

حب اوطنك حب اهلك حب الاصحاب

.....................................ذولا لا قلت تحبهـم فعلـن تحـب

************************************************** ********************************

(سوالف مـــي)


قالت يا عبدالله ان كانك مصافيني

........................................وانك على قولتك ما والله تنساني

خل اللي بينك و بيني .. بينك و بيني

........................................و لا تعلم به القاصي و لا الداني

و ابي وعد منك انك ما تخليني

.........................................و لا تعادل غلاي بواحدٍ ثاني

و ان كانك تحبني صادق و تغليني

..................................لمني اخطيت سامحني علشاني

و انا بمحبتك ما لازم توصيني

....................................من يمك الروح تامرني و تنهاني

كم لي و أنا ادور اللي تعشقه عيني

......................................و كم واحدٍ حاول و مل و تعداني

ماني باخلي ردي النفس يذيني

....................................و لا يشد انتباهي كل من جاني

الا انت ياللي غرامي لك زيمشيني

....................................على طريقك لو انه يضعف ايماني

************************************************** ********************************

(الــنـــادره)


على نور القمر بكتب نصوص الشعر للنقاد

............................................اقربها على هذا وعن هذا منحيها

ظروف بوقتنا الحالي وظرفٍ سابق الميلاد

.........................................وشوحات الزمان اللي عثرنا في خطاويها

شجون الليل والبسمه وكلمة عاطفه وانشاد

............................................ارددها على نفسي والحنها واغنيها

اواسيها واسليها واخفف همها ليا زاد

..............................................وانس يها شقا الدنيا ليامن قام يدعيها

تثور النفس بالنجوى وادرجها على المهجاد

...........................................واقول اخفي خفايا الروح لاتبدين خافيها

احاسيس الغرام تنام في ليل الدجا المعتاد

.............................................ولوعا ت الدهر تسهر تلاحيني والاحيها

ربيع العمر واجهته وعاتبته على المبعاد

.................................................. ...وحذرته من الذكرى اذا جاء لا يناديها

خذيت من الوعر كلمه وجبت من البحر ميعاد

.................................................. ..وعايشت الطبيعه واغتنمت اغلى معانيها

شعاع الشمس خاويته وعاندت الظلام عناد

.................................................ز وموجات البحر تدني وعزمي يلتطم فيها

جمال العندليب اللي يغرد فوق غصن الكاد

.................................................. وصوت الما على القاع الهشيمه يوم يسقيها

وريح قربت ريح الخزاما من ورى بغداد

...............................................وشك ل النرجس الجذاب لاهبت يباريها

جمعت من الغضى وقده وجبت من الحصى ميقاد

.................................................و ظنيت الجبال رجال من يمي وقهويها

انا اقطع بالفيافي جو والكلمه تقص ابياد

.................................................. .وعود وترجع الكلمه لصاحبها وراعيها

واذا ما فادت الكلمه ولارسم القوافي فاد

.................................................. فلا يبقى سوى الونه تناجيني وناجيها

واذا ماسادة البسمه ونشوان الأمل ماساد

..............................................فلا عندي سوى باقي مشاويري اقضيها

واذا ماجادة الدنيا واذا حظي معي ماجاد

...........................................فلا عندي سوى وقدة غظى يمي واطفيها

على ترف الورق حبري سرى مسرى الدهق بالزاد

.................................................. .....ولطفها و هذبها لسامعها و قاريها

************************************************** ********************************

(الـــــوجــــــه الــــــجــــــديــــــــــد)


ماعاد يرضيني وفى ولا يزعلني جفى

............................................متساوي في خاطري ظلم العرب وانصافها

ولا تاقف الدنيا على شمع الغرام اللي طفى

.................................................. .بعض الشموع انا اتعمد كسرها واتلافها

من اول لخفيت لي علم عن الناس اختفى

............................................واليوم هذي حالتي مابه حد ما شافها

قعدت احسب وش ربحت ووش خسرت ووش صفى

.............................................ياحي روس اموالنا قبل الطمع باضعافها

تعبت ادور فالقلوب البارده ليلة دفى

...........................................والقى استغلال النفوس وكذبها واجحافها

حتى اقرب العالم لو يوقف معك وقفت وفى

..........................................اصبر وتدري وش دوافع وقفته واهدافها

عاد انت يالوجه الجديد اللي تبي وصل وصفى

......................................حبال وصلك شوف لك ناس تمس اطرافها

انا على موعد مع واحد وكانه مالفى

.................................ما عاد ابيش من السنين سمانها وعجافها

لاني عقب مارمش عيني صاحب النوم وغفى

..................................حلفت ما رده على اشيا من عرفها عافها

العشق وامراض المحبه واستحالات الشفى

...............................واغلب علاقاتي مع العالم اشوف انكافها

وذالحين عن اذنك وسامحني اذا لساني هفا

.................................نفسيتي ماعادني بقدر على لطافها

والموعد اللي كنت قبل شوي جالس له عفى

...................................ما جا ودقايق موعده راحت وقدني خلافها

************************************************** ********************************

(ماعاد يمديني)



لمي شتات وشتتتي ما تلمين

..................................لو كنت صعب الململة لملميني

لو كنت صعب الململة تستطيعين

....................................لواني اصعب مسالة حاوليني

لو كنت صعب الحل واحد من اثنين

................................ياجمعيني صح ياجمعيني

لاني كذا والا كذا شايف الشين

.....................لصرت متعذب كذا عذبيني

لا تحرقين بجمرة البعد والبين

.........................انت بقربك قادرة تحرقيني

لاتسمعين الحاقدين الحسودين

......................................اللي لهم يسراي كنها يميني

ماعاد يمديني ادور مزايين

.............................سدي فراغ اللي بقى من سنيني

ماعاد يمديني وعمري ثلاثين

......................................ازعلك وارضيك وتزعليني

هذا رجاي وبسمع الرد ذالحين

..............................اما اقهري الانذال والا قهريني

************************************************** ********************************

(مــابــاقــي الا فــمــان الــلــه)


ماباقي الا فمـان الله .. وشـاح إبهـا

.........................وانا لو اني مكانه .. كـان ضميتـه

يازين وش بك علـى روحـي تعذبهـا

........................ماعاد في القلب عـرقٍ..الا وتليتـه

اشقيت نفسي .. وابشقى فـي تطببهـا

......................ياويل من هو دنا منـك .. وتوليتـه

اضحك بنـاسٍ تخلـت عـن قرايبهـا

....................واصبحت انا اللي تخلوا عنه اهل بيته

ياوجـد حالـي .. وجـودٍ مايعيبـهـا

............................لاشفت شيٍ يـذل النفـس .. خليتـه

الدمعـه اللـي جـرت مانـي بهايبهـا

................................ذنبٍ جنيته على نفسـي .. وسويتـه

مااعذب من الدمعه اللي مـن سبايبهـا

..............................مااكبر من الذنب .. لكنـي تحلويتـه

وصيتـي ياسعـد مـانـي بكاتبـهـا

..................................الا ليا مني نقضت الجرح .. وادميته

ماقلتهـا الا وانـا قـدنـي مجربـهـا

...........................قهرٍ .. ليا مني قضبت الجيب شقيتـه

لاصـار مايختلـط ريـقـي بذايبـهـا

............................عيـبٍ عليـه اليـا منـي تمنيـتـه

والساعه اللـي تـردت بـي عقاربهـا

.................................مامـر يـومٍ عـلـي الا وعديـتـه

امـا مشـت ياسـعـد والا بخربـهـا

.....................................الصبـر قـام يتعذرلـي .. ومليتـه

الـنـاس ماتعـشـق الا مايناسبـهـا

...................................وانا وليفي مناسب لـي .. وحبيتـه

راحوا به اهل المقالـب فـي مقالبهـا

.......................................ليته خذاهـا وصاتـي يـوم وصيتـه

قد قلت له لو تشوف العيـن .. كذبهـا

...................................والباب لاجـت منـه ريـح سديتـه

لكنه اقفـى عـن عيونـي .. وجنبهـا

..........................................ضحّك اعداتي عليّ .. وافرح شماميته

صدّق .. حتى فمـان الله شـاح إبهـا

...........................................وانا لو ان الموت بيده .. ماترجيتـه

************************************************** ********************************

(دمـــعـــة اعــــجــــاب)


بابٍ تجـي منـه العواصيـف فكـه

....................................لان العواصف مايدقـر لهـا بـاب

لاتسمع اللـي ينصحونـك تصكـه

..................................المدعـي بالعقـل والعـرف كـذاب

شف خدك اللي كل من جـاه صكـه

..............................عزيز قوم وذللك شـرك الاحـزاب

مقفـلٍ قلبـك ومــوزي مفـكـه

.........................ذلٍ عقب بيض الشحم تاكـل تـراب

مايدخـل الجنـه مَــرَاحٍ لمـكـه

.............................فتوى مطولة اللحى نتـف الاشنـاب

ان مـت فـي جنـات عـدنٍ تفكـه

...............................مشروبك الكوثر ومقطوفك اعنـاب

تقـول عـن دنيـا الإهانـات فكـه

.............................................ياذلة الأمـه أنـا خاطـري طـاب

وان عشت لاترضى بعيشة مضكـه

...................................لاتفهـم القصـه ولاسمـع اسبـاب

أبـوك إذا تقـدر تبكيـه .. بـكـه

............................................عوضه عن دموع الشقا دمعة اعجاب

************************************************** ********************************

(فـــــيروز)



دام وجدي طايلٍ والليـل طايـل

.......................................لايهمك ياقلـم حجـم المساطـر

صغ لها من كل حرماني وخايـل

...................................ليش قسوتها مثل قسوة لباطـر

قل لها لازلـت يـاورد الخمايـل

..................................عايشٍ عمري على حلم التشاطر

شاطريني كل عدل وكـل مايـل

................................ليمتى ذا الحلم وعيوني نواطـر

يستطيعون الصبر نـاسٍ قلايـل

...............................ماقطر فقلوبها من الحـب قاطـر

ماتعرفين الجفـا وشلـون قايـل

................................اسمعي فيـروز لاغنـت لاناطـر

حزنها في مقطع النسيان هايـل

...................................أبكت المينا وكان الجـو ماطـر

عاشق ومثّر علي عشق الاوايـل

...............................للوفا ناطر اليـن امـوت ناطـر

ماتوقفني المصايـب والهوايـل

................................في غرامـك سندبـادٍ للمخاطـر

منهو اللي قد غزى ملوك وقبايل

...................................يوم قالو مهرهـا ميتيـن فاطـر

ساق روحه ماخذٍ كـل الوسايـل

........................................قدرها والخيل وسيوفٍ شواطـر

يفشل العاشق اذا حـب بتحايـل

.......................................يطلع الشاطر حسن ماهوب شاطر

وان غمرتيني بعطـرك يانفايـل

...............................طابت جروحٍ على قلبـي فواطـر

وان كسرتي خاطري ماني بسايل

........................يسلم اللي غنى عن كسر الخواطر

************************************************** ********************************

(محد كفو)


والله ممدح شخص من شان ماله

.........................................نفسي علي اغلى من اموال قارون

من قدم الجزله ابردها له

.................................................. .....اردها لو اني اموت مديون

والا بقصيد كل ما جا مجاله

..............................................قامو ا هل الذوق الرفيع يتوحون

المدح ردة فعل عقب الجماله

.............................................لجل اللي ما يدرون بالطيب يدرون

ماهوب اخاشر واحد في حلاله

................................................وا قول له من عرض ناس يقولون

العقل نعمه والجهاله جهاله

.................................................. والدون مايجزع من الموقف الدون

الا اذا هو حاكم ينعناله

.................................................. ......فأنا مواطن والولا ماله عيون

************************************************** ********************************

(الشرهه علي)


ودعتني تضحك وانا رحت مقهور

.................................وكل يوم اقول اليوم يصحى ظميرك

ماني على تجديد الاحزان مجبور

...................................بلقى مصيري وانت تلقى مصيرك

كنت الوحيد الي اراعيه بشعور

.....................................واليوم لا احبك ولا احب غيرك

انا اللي الشرهه علي وانت مشكور

..........................................هذا جزاي وكثر الله خيرك

************************************************** ********************************

(كــثــر المواصل)


كثر المواصل فالهوى ماهو بزين

...............................ودك بخلـك بيـن مـده ومــده

لن البنادم ما ترك طبعـه الشيـن

........................لا حب له شي وشبع منـه هـده

لكن لمنه جاك من حين لي حيـن

..............................قـدرت جياتـه وقـدرت صـده

فإن قلت ابيك وقال ماهوب ذالحين

........................لا تبلشه يمكـن ظروفـه تحـده

اصبر عليه ايام وشهور وسنيـن

..........................ان كانـه يـودك وكانـك تـوده

وخلك لمنه اعطاك ما تطلبه ديـن

.......................ماجاك منـه اخـذه ومـارد رده

ولاتسوي مثل ناس(ن) مساكيـن

....................اصلك وفصلك فالهـوى لا تعـده

الحب مايعـرف قبيلـه ولا ديـن

.................كسر حكومات(ن) ونكـس أشـده

جاووه عقال(ن) وراحو مجانيـن

..................وكم واحد(ن)خاضه ولاهو بقـده

يقولها اللي جاحد(ن) علته ليـن

....................سم الهوى حالـه وبيـح بسـده

هذا كلامي وانت بتشوف بعديـن

..................والله ان تميز بين مزحـه وجـده

************************************************** *******************************

(السيناريو)


للشعب حكامه وللشعر ناسه

.............................ثنتين ماياتن احد بالدراسه

الحكم مايدرس ولا الشعر يدرس

.........................بالتجربه والموهبه والفراسه

والشعر حتى ام الظفاير تقوله

......................الحكم هو اللي يبيله شراسه

وانا مع كل احترامي لشعري

.................اشعر بضعفه واستشف انتكاسه

قدام اسماء لها فالضماير

........................هيبة ملوك وامراء ورئاسه

جابر وابو فيصل وعيسى وزايد

............................قلب الخليج وصانعيه واساسه

مشكور من فكر بوقفه وفيه

...........................اجلال للتاريخ وكبار ناسه

بكى عليهم كوكب الارض كله

..................وقبل البشر بكى الخضار ويباسه

ببدابهم على اساس انتمائي

..................شمال ووجهي للجنوب وحماسه

ابدا ببو مبارك لانه اميري

.........................ولان فعيوني عليه انحباسه

صحيح ما شفته ولا قد لمحته

.................لكني ادري اني من هموم راسه

غرس علشاني وعلشان غيري

.................واجيال عقب اجيال تجني غراسه

مافيه نفس تبغضه بيض الله

......................وجهه بيوم للوجيه انعباسه

يالله ترحم سيدي الشيخ جابر

.........وتجعل ثرى الفردوس الاعلى مداسه

ويوم ظهرت من النويصيب مجنب

.............ودخلت للخفجي ونفسي محاسه

كن الفهد يظحك بوجهي وانا ابكي

.................يابوك لا تبكي الكويت ومساسه

والله وانا اخو نوره ان استرده

.............عندي لهم غير السياسه سياسه

انا الفهد لا ظيقوا بالعروبه

................ورجع الوفد الدبلماسي بياسه

ارمي بثقل المملكه فالقضيه

..................واغير السيناريو من اساسه

واذا تعديت الخبر للمنامه

..........من فوق جسر اسمه اغلى لباسه

...............لاقدم حضارات الخليج العتيده

مرجانة الساحل ولوله وماسه

............قلت اللهم اغفر لعيسى وبيحه

شيخ الشيوخ وباسهم عقب باسه

................توارثوا منه الوفى والشجاعه

************************************************** **********************

(بالمقلوب)


ياللي تميز ويش رايك من قبيل الانفلات

............................نتداول الصدق اللي ماتلقون احد يتداوله

مدري متى يصح الصحيح الله يغربل ذالحياة

.................................تقول ذالدنيا مع حثال العرب متقاوله

اللي كفو ماهو كفو والغافلات الخاملات

..............................يجي ولدها وكل شي نزاوله بيزاوله

شمس النهار النجم تسبح تحته الكويكبات

........................ماهوب في حاجة عطارد يسعفه ويناوله

واقرب مثل على انتكاس الوضع بعض الامسيات

......................شاعر ومستشعر ومبدع كلهم في طاوله

كم مهرجان وامسياته كلها متلخبطات

...........................تطاولوا على الكبار الشله المتطاوله

ترتيبها بالعكس مدري شلون جابوها وجات

...........................تحاول اللجنه بشي وماتعرف تحاوله

ناهيك عن اقحام ((بعض النسوه)) المستشعرات

...........................لاهداف دونيه يقهويها وهي تفاوله

مرضي البشر كايد ولكن تستمر محاولات

............سدد وقارب والفشل سمه خلل في محاوله

ملاحظه ومافيه شي الا عليه ملاحظات

................اللي ضرب عرض البحر يصبر على مهاوله

************************************************** **********************

(مفتوح و مسكر)



مفتوح ومسكر مسكر ومفتوح

...........تشوف رقمي وكن منت بتشوفه

شبعان وشايف خير مانيب مشفوح

........واللي يبي شوفي فانا احب شوفه

بتروح قل بروح واقولك روح

............ولا على وجه المقفي حسوفه

والا احساسي قد له سنين مجروح

...............من سيدة كل الزيان العزوفه

اللي لها كل الغلا قاع وسفوح

..........عند اسمها كل اسم امره واطوفه

صدقي لها ولغيرها لعب ومزوح

.............والقلب كل اللي يجونه ضيوفه

ضيف لمنه راح تبراله الروح

................وضيف لمنه راح جعله ذلوفه

والا انت ياراعي مسكر ومفتوح

.................مارية الكذاب كثرة حلوفه

--------------------------------------------------------------------------------------------------------------------------------------------------------------------------------------------------------------------------------------------------------


وســــــــــــــــــــــــــلامــــــــــــــــــت ــــــــــــــــــــــكـــــــــــــــــم



ابن قطنان1


ابن قطنان
رد مع اقتباس
 
 
غير متصل
 رقم المشاركة : ( 2 )
خيَّال الغلباء
وسام التميز
رقم العضوية : 12388
تاريخ التسجيل : 01 - 03 - 2007
الدولة : ذكر
العمر :
الجنس :
مكان الإقامة : نجد العذية
عدد المشاركات : 20,738 [+]
آخر تواجد : [+]
عدد النقاط : 49
قوة الترشيح : خيَّال الغلباء is on a distinguished road
الأوسمـة
بيانات الإتصال
آخر المواضيع

التوقيت
رد: عبدالله علوش

كُتب : [ 12 - 09 - 2009 ]

ابن قطنان جزاك الله خيرا ولا هنت


رد مع اقتباس
 
 
غير متصل
 رقم المشاركة : ( 3 )
ابن قطنان1
عضو فعال
رقم العضوية : 34513
تاريخ التسجيل : 01 - 02 - 2009
الدولة : ذكر
العمر :
الجنس :
مكان الإقامة :
عدد المشاركات : 265 [+]
آخر تواجد : [+]
عدد النقاط : 10
قوة الترشيح : ابن قطنان1 is on a distinguished road
الأوسمـة
بيانات الإتصال
آخر المواضيع

التوقيت
رد: عبدالله علوش

كُتب : [ 12 - 09 - 2009 ]

ولا تهون وبيض الله وجهك

ابن قطنان
رد مع اقتباس
 
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 16:09.


Powered by vBulletin® Version 3.8.11, Copyright ©2000 - 2024, Jelsoft Enterprises Ltd. www.sobe3.com
جميع المشاركات تعبر عن وجهة كاتبها ،، ولا تتحمل ادارة شبكة سبيع الغلباء أدنى مسئولية تجاهها