منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
من يوم صار اللعب عن مكتب وشيّك = فاللعب ضاع وضيّع الله دليله
بعض(ن) من الشعَّار مثل الصعاليك = يشرط عليهم نصف يومه وليله
إلا عزمته قال أدفع وأنا أجيك = ماهمني لو المسافه طويله
نستَاجر الشعَّار مثل المماليك = كالهندي إللي تحت حكمة كفيله
مثل الأجار اللي على ضو تميلك = وإلا رجع قام يتفقد حصيله
صارت معاني اللعب ضحكه وتشكيك = وقلَّت طَرَات اللعب واعزتيله
ومن جاء بغير فلوس يقال ويش فيك = لعب(ن) بغير فلوس محد(ن) يشيله
ولو كنت شاعر طيّبات(ن) معانيك = تضحك عليك اضعيفين الوسيله
وإن جبت لك موال كل(ن) يناديك = يقال لك يامطّيَبه ياحليله
خلّك على الموال وأطلب وأنا أعطيك = نبغي نزيدك , والدارهم قليله
شعَّار هذا الوقت مثل المساويك = ومنوّل الشَّاعر لسان القبيله
شعّار هذا الوقت مثل المساويك = ومنوّل الشَاعر لسان القبيله
امنوّل الشَّاعر كلامه يسليك = مثل الثبيتي والزلامي وجيله
واليوم صار اللعب موّال تضحيك = إما خزى وإلّا علوم(ن) رزيله
ياللي تبي الهرج تبغيه يغنيك = ماتدري إن الهرج بيعه فشيله
الحر الأشقر صار في ماكر الديك = وصار الحصيني ذيب يلعب بذيله
من صار عنده خمسة أبيات يوذيك = ويقول أنا كحيلان ولد الكحيله
ولاجيت تبغى لك زميل(ن) يماشيك = يجيك واحد مايقدّر زميله
لقيت لك ناس(ن) على الدرب تغويك = صجّه ولجّه والمعاني هزيله
ناس(ن) على البهتان والكذب ترميك = ناس(ن) تبي الموّال لو زاد ميله
أشكي على اللي يدرك العلم تدريك = مثل أحمد الناصر على أول صهيله
اللعب صار اليوم مثل الشبابيك = كما لابس(ن) ثوبه بليا فنيله
رد : ياللي تبي الهرج تبغيه يغنيك = ماتدري إن الهرج بيعه فشيله
كُتب : [ 22 - 01 - 2007 ]
الأخ العزيز والغالي ابو عمر صح الله بدنك وعلا شانك
ولك كل الشكر والتقدير على المرور والرد الطيب الجميل
والإشاده اللطيفه وهي بحد ذاتها وسام أعتزّ فيه .
لاخلا ولاعدم يالقرم ولك أجمل التحايا من اخوك مبارك بن فايز
غير متصل
