بسم الله الرحمن الرحيم
هذه القصيده في الشيخ محمد بن صالح المطوع حفظه الله هو من الرجال اللذين لهم مكانه عند سبيع عامه والمداريه خاصه وهو ذو راي سديد وعقل راجح وهيبه عظيمه ويقدر الجار ويكرم الضيف ومد يد العون للمحتاج
الحمد لك والشكر لك والثنى لك
== == === === واستغفرك واتوب لك واترجاك
انجيت ابوي من الصدف والمهالك
== == === === وعافيت ابوي بعظم شانك وقدراك
يابوي والله يوم تلبس عقالك
== == === === وبالعافيه تجلس على المجد مركاك
كني لما في الكون يابوي مالك
==== === === لا والله انت اعز من كل الاملاك
ارتجت الغلبا من اللي جرالك
==== === === وكل تمنى يسرع الله بشفاك
دنيا بدونك ماتساوي نعالك
==== === === وتزين لاجينى جميع ولقيناك
يابوي قبلي ماغدت راس مالك
==== === === زهدت فيها ماتحسب لما جاك
يابوي والله وافياتا افعالك
==== === === الله يديمك طايعا لامر مولاك
لك عزة في مجلسك في مقالك
==== === === لك هيبة في مشيتك في محياك
يابوي نفخر كل ماجاء مجالك
==== === === سديد راي وكاملات مزياك
بارواحهم يفداك كامل عيالك
==== === === واموالهم لعلها من فداياك
جمايلك مانستطع ردها لك
==== === لافيه لا مثلك ولا فيه شرواك
يابوي لاصرنا يمين وشمالك
==== === === مانغبط الحاكم ولا نحسب اعداك
يابوي تامرنا على ما بدالك
==== === === ندور اسعادك ونبحث عن رضاك
لعل ثوب العافيه دوم فالك
==== === === وجعل السعاده دايما ماتعداك
والله يغفر كل ذنبا مضالك
==== === والله يدمح ما مضى من خطاياك
والله يقبل كل منه دعالك
==== === === ولعل يكتب ما عملته بدنياك
والله يحسن خاتمتك وسوالك
==== === === والله يابوي برحمة منه يرعاك
ويالله حمدك والشكر والثنى لك
==== === === ما خاب لك داعي ولا من ترجاك
الشاعر : سالم بن محمد المطوع
غير متصل
