منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
مبروك ياللي صفات الجود طبعله=حرٍ كسب سامي التقدير بفعوله
متعب على أسمه وزين الفعل يجعله=مكانةً في قلوب الناس مقبوله
والطيب في الرجل نهج وعرف وجبله=مكارمٍ من صفات الذات مشموله
شاعر وضابط وسمح أخلاق ومدله=ومشببٍ يجعل الصعبات محلوله
أشوش له وأفتخر لني صديقاً له=ماصادق الارجال الطيب والطوله
أرفع له التهنئه من قلب وأجزله=بالمدح من هاجسٍ بالشعريشدوله
والا بعضهم ترا مانمدحه لله=مهما على منصبه وأشتدت حموله
إللي شغل منصبٍ ماهوب قداً له=هذاك لوينتخب مافاز بالجوله
عايش على الكبريا ومخايلة ضله=ومن الترف مايشوف الناس من حوله
لوكان مسكين لا مذهب ولامله=يمناه عن كسبت الطولات مشلوله
وأن قلت خله لدورات الزمن خله=تنبئك الأيام عن ماكان يصبوله
أرجع لموضوعي المرموق وأكمله=بالجمله المفعمه بالراي وحلوله
عنما حوت صفحت المكتوب بسجله=في مدح متعب خلف هذال بفعوله
يخشى علي ربح بن مصلح من الزله=لولا كلام الثقه والله ماقوله
يانسل شيخٍ يعقد الحبل وأيحله=ويحلحل أكلاف ملويه ومفتوله
ماهوب يجهل دقاق العلم من جله=رجل المهمات رمز الشعر مسئوله
وصل سلامي لشهماً ودي أرسله=لجل أقتبس خبرته وأراه وميوله
وجهت له كلمتي لجل أني اعمله=من كيف موروثنا إللي فاز بجلوله
اهديه فنجالها الأول من الدله=يستاهل الكيف منقيه ومزلوله
حماي شعر النبط عن مقصد الشله=لما بغو فرض تبديله وكادوله
في عكس تيارهم لين أبطل العله=مثل الغم يبطل الجساس مفعوله
حر شهر موقفه للفوز وأحتله=خلا مقاصيدهم للناس مجهوله
لا جيت ذخر الوفاء والمعرفه قله=أقبل تحياتنا ياشاعر الدوله
غير متصل
