هذي قصيده نبعت من مشاعر شاعر صادق الولا للدين ثم الملك والوطن
وهو الشاعر (( الداهيه )) في منديات النوادي ...... وحبيت ان تحلق في سماء
هذا المنتدى العريق بكم ....... لان هذي القصيده احسن انها تعبر عن مشاعرنا كلنا
خاصة بعد الاحداث التي جرت في رياض العز من ضعاف النفوس ........
[poet font="Arial,4,black,normal,normal" bkcolor="transparent" bkimage="backgrounds/18.gif" border="none,4,gray" type=0 line=200% align=center use=ex length=0 char="" num="0,black" filter=" shadow(color=white,direction=135)"]
سرى نو القصيد اللي معه برق ومطر ورعوود = وانا عيني تخّيل برق نو ٍ حازت مزونه
يسوقنه هباهيب الصبا مدري هبوب النود = كذا والا كذا وحده من الثنتين مضمونه
فدى السيفين والنخله وكلمة ربنا المعبود = على صدر العلم يسري القصيد وتسري لحونه
رياض العز لا تهتز لو صار العجاج ركود = عليك الله وامان الله ودار العز ما مونه
سمعنا فا المثايل كل صاحب نعمة ٍ محسود = تبين اللي غديتي نعمته لا ما يحسدونه!
اجل منتي بلدنا اللي ملكها شيخنا ابن سعود = ملكها فهد ابن عبد العزيز اللي يسمونه
اجل منتي بلد عبد الله وسلطان راع الجود =اجل منتي ثرانا اللي نبيع الروح من دونه
فداك النفس والمال وفداك الطفل والمولود = فداك الشايب اللي لا مشى يعكز على شونه
لك الله ما احتزينا دونك الا النار والبارود = وشي ٍ من ورى الثنتين والعالم يخبرونه
بلدنا كلنا وقت اللوازم لك حرس وجنود = لو الارهاب فك الباب حراسك يصكونه
خفافيش الظلام اللي سروا وسط الليال السود = على علم الردى وقلوبهم سودا وملعونه
بعد ما هود الليل وتناصف والعباد رقود = وربي مطلع ويشوف كل اللي يسوونه
عطونا ها سلف منهم ولكن السلف مردود = لهم يوم ٍ يشوف الرجل فيه الموت بعيونه
عطينا العهد والميثاق والبيعه عيال العود = وحنا من رجال تحفظ الميثاق وتصونه
رياض العز لا تهتز لو صار العجاج ركود = عليك الله وامان الله ودار العز مصيونه
الشاعر / الداهيه
[/poet]
غير متصل
