هذه القصيدة مهداة من الشاعر سعود بن كايد البلوي الى فرعون الشعر الشاعر ناصر الفراعنة
والقصيدة بعنوان ( جمرة الغليون )
لتحميل القصيدة بصوت الشاعر على هذا الرابط
http://bajeelah.net/up//download.php...65f2082b4e.zip
جاني خوي(ن) يجهل المضمون=يكتب على الدخان معروضه
قلت اقطعه قال اقطعه وشلون=والناس منكوبه ومحظوظه
حظه طفا في جمرة الغليون=يطلب سنا البراق من نوضه
سجارته لامزها ممنون=ابد مالاصباع معضوضة
يحرقلي البصمة ودنيا الهون=ماتستوي بجناح بعوضه
مايدري اني ضايق(ن) بالكون=يحث صبر النفس بركوضه
الهم في روحي عليه حصون=اكظم وروحي منه مكضوضة
لوهو طلبني مدة الماعون=نذرا علي اورده حوضه
حتى لو انقل دين فوق ديون=اوفي واوفي واجب فروضه
اطلب عوض رب (ن) يمد العون=ماخيب العاني من العوضه
الا جواهر كنزي المخزون=عندي حقوق الطبع محفوظة
لاصار مابعته لمن يشرون=عطيته مجان مرفوضة
الشعر ذمه كان ماتدرون=يللي خذيتو مني عروضة
دفعت باسباب الحرج عربون=لكن تلحق دفعي غموضة
قدر شعوري شاعر(ن) مشحون=حاول يجوض ولا نفع جوضة
دام القصيد لشاعره مرهون=ليا انرهن لغير بغروضة
اما يجي لاطعم(ن) ولا لون=ويضيع لك وقت(ن) على فوضه
والا يضيع الجوهر المكنون=وتجيلك الاضراج منقوضة
انبيك يامن تنشد المفتون=بارض الهوى طابت له هيوضه
من قبل طلعة شاعر المليون=والاعمدة للشعر منهوضة
يبنى عليها هندسة وفنون=مير البشر تمشي على الموضة
احد(ن) على دارين شل لحون=واحد(ن) يجر لحون في روضه
بالهول والاهرام للفرعون=والرايه لفرعون مقبوضة
اخذ الحذر يالشاعر الدندون=غسان لايعطيك ملحوظة
غير متصل
رد : اهداء الى الشاعر ناصر الفراعنة
