قالوا تعلمت قلت عناد وفراسه قصيدة للشاعر / رشيد بن زيد الزلامي

[المتزن11]

قالوا تعلمت قلت اعناد وفراسه=اعاند النفس والدنيا وصارعها
ودرست في مدرسة من شيبت راسه=دنيا العنا اللي قصيفاةٍ مطامعها
تلميذها دايم تكتب بقرطاسه=وتعطيه جملة دروسٍ مايضيعها
والله عطانا نظر وشعور حساسه=ناخذ علوم المعرفه من مراجعها
ونساير الوقت ونقيسه بمقياسه=ونواجه النفس بالواقع ونقنعها
وترى حياة الفتى مهما قوى باسه=محفوفةٍ بالخطر والموت تابعها
من مبتداء العمر حتى يلفظ انفاسه=يمر في مرحلة تكثر زوابعها
أول حياة الفتى مشوار وعساسه= مسافةٍ في عجاج العمر يقطعها
وثاني حياة الفتى تدريب ودراسه=تصعب ضروف الحياة وينشغل معها
وثالث حياة الفتى يرجع على ساسه=النقطه اللي بداء منها يراجعها
يأصل لسن الهرم ويضيع الطاسه=ويزحف مع الأرض ويخطط شوارعها
وليا تلاقت متونه ورتخا راسه=ضاعت جميع العلوم اللي يجمعها

[مسلط 22]

بيض الله وجهك يالمتزن على هالقصيده وياليت تاتي بقصيدة الزلامي الوطنيه اللتي يقول فيها
الله من قلب به النار تشتب هبت وشبت واستمرت شبوبه قلب غدى للهم مارد ومشرب ونا ضاع من هم العرب راح صوبه هم على ربع وهم على غب باليوم والساعه همومه تلوبه والله من عين تصب العبر صب صب القليب اللي تدالج غروبه ياعبيد انا ماني بضب ولد ضب يصبر لما يسمع وينفخ ثروبه انا عتيبي عريب معرب لي ماقف كل الجميع شهدوا به من سب داري قلت له كب ثم كب وارخصت روحي دون داري جلوبه لوانسجن من شانها واتعذب اصبر على شان الوطن للعقوبه وهي من اجمل القصائد الوطنيه

[المتزن11]

مشكور يا اخ مسلط22 على مرورك . وابشر بقصيدة الزلامي الوطنيه

الله مـن قلـب بـه النـار تشتـب=هبـت وشبـت واستمـرت شبوبـه
قلـبٍ غـدى للهم مـا رد ومشـرب=وما ضاع من هم العرب راح صوبه
همٍ على ربـع وهـمٍ علـى غبـب=اليـوم والساعـه همومـه تلـوبـه
والله من عينآ تصب العبر صبصـب=القليـب اللـي تـدالـج غـروبـه
يا عبيد انا ما نيب ضبٍ ولد ضـب=يصبر لمـا يسمـع وينفـخ ذروبـه
انـا عتيبـيـآ عـريـبٍ مـعـرب=لي ما قفٍ كل الجميـع شهـدو بـه
من سب داري قلتله كـب ثـم كـب=وارخصت روحي دون داري جلوبه
لـو أنسجـن بسبابـهـا واتـعـذب=صبرت من شـان الوطـن للعقوبـه
والسجن ما هو عيب شـئ مجـرب=يعلـم المسجـون مـا هـي ذنوبـه
يلومنـي خبـلٍ إلا مــا تـغـرب=ينسى الوطن خسروا هله يوم جو بـه
فوده مع الضفـران صفـر مكعـب=فطيس قلـب و لـذة النـوم دوبـه
وانـا علـى كـل الجنـوب اتقلـب=ما ذقت حلو النوم يـوم اهتنـوا بـه
اقنب قنيب الذيب فـي راس مرقـب=من حر ما به قـام ينهـش جنوبـه
يحينـي الغربـي عصيـر إلاهـب=وريح الديار الطاهـره فـي هبوبـه
ريحة هواها مكسبـي يـوم نكسـب=اخير من ريـح البحـر والرطوبـه
عسى السحاب اللي من العصر ينصب=هلـت هماليلـه وهبـت انصـوبـه
يسقى وطن راعي العقـال المقصـب=نجد العزيز وغـرب نجـد وجنوبـه
ياديرتي مـا تقبـل الشتـم والسـب=يـا منبـع الإسـلام دار العروبـه
يفوز مذهبهـا علـى كـل مذهـب=وعلـى مقلبـت المذاهـب عقوبـه
يحكم بشرع الله وبالسيـف الأرقـب=ولا شق فيها طالـب الحـق ثوبـه

[مسلط 22]

الاخ المتزن جزاك الله خيرا على ايراد القصيده ولو انها غير كامله وقد تداخلت فيها بعض الكلملت واين قوله لوكان بعض الناس مني تعجب واللي بقلبي خافي ما دروا به حب الوطن ما هو بعيب الى حب والله احب الدار واللي ربوا به حب من الايمان وهبه من الرب واحب دار للجميع محبوبه يا ديرة ماتقبل 0000 والسلام

[خيَّال الغلباء]

المشاركة الأصلية كتبت بواسطة المتزن11

قالوا تعلمت قلت اعناد وفراسه=أعاند النفس والدنيا وأصارعها
ودرست في مدرسة من شيبت راسه=دنيا العنا اللي قصيفاةٍ مطامعها
تلميذها دايم تكتب بقرطاسه=وتعطيه جملة دروسٍ ما يضيعها
والله عطانا نظر وشعور حساسه=ناخذ علوم المعرفه من مراجعها
ونساير الوقت ونقيسه بمقياسه=ونواجه النفس بالواقع ونقنعها
وترى حياة الفتى مهما قوى باسه=محفوفةٍ بالخطر والموت تابعها
من مبتدى العمر حتى يلفظ أنفاسه=يمر في مرحلة تكثر زوابعها
أول حياة الفتى مشوار وعساسه= مسافةٍ في عجاج العمر يقطعها
وثاني حياة الفتى تدريب ودراسه=تصعب ظروف الحياة وينشغل معها
وثالث حياة الفتى يرجع على ساسه=النقطه اللي بدأ منها يراجعها
يأصل لسن الهرم ويضيع الطاسه=ويزحف مع الأرض ويخطط شوارعها
وليا تلاقت متونه وارتخا راسه=ضاعت جميع العلوم اللي يجمعها

بسم الله الرحمن الرحيم

أخي الكريم / المتزن السلام عليكم ورحمة الله وبركاته وبعد : فإن منطقة نجد ملهمة الشعراء ومولدة الأبطال وفيها عواصم للعرب البائده كجو عاصمة طسم وجديس أبناء عم زرقاء اليمامه والخضرمة ( الخرج ) وغيرها لذا تجد أعز القبائل العربية هي من تسيطر على جزء من نجد وعلى طرق التجاره المارة بها من الجنوب إلى الشمال ومن الشرق إلى الغرب ويكفي من فخر نجد أن بعض الفاتحين من العرب قد مرض على شاطئ نهر الفرات وكان شاعرا فقال بعد أن تطبب به الأطباء :

قال الأطباء ما يشفيك قلت لهم
= دخان رمث من التسرير يشفيني

والتسرير واد في نجد تقطنه قبيلة عتيبة الهيلا حاليا وقد الشاعر الهلالي حنينا إلى نجد :

يا نجد وإن جاك الحياء فازعجي لي
= مع الطير وإلا موميات السفايف

وقول الشاعر الاّخر المعاصر :

ما مثل نجد إلى عطت بالمقابيل
= الله يثبت بالمعزه ارجاله

حيثه لدسمين الشوارب مداهيل
= صبيان نجد أهل الثناء والشكاله

وقد قال شاعر قبيلة عتيبة الهيلا الشيخ / رشيد بن زيد الزلامي العتيبي ردا على من أساء إلى نجد :

الله من قلب به النار تشتب
= هبت وشبت واستمرت شبوبه

قلب (ن) غدى للهم مارد ومشرب
وما ضاع من هم العرب راح صوبه

هم (ن) على ربع وهم (ن) على غب
= باليوم والساعه همومه تلوبه

والله من عين تصب العبر صب
= صب القليب اللي تدالج غروبه

يا عبيد أنا مانيب ضب ولد ضب
= يصبر لما يسمع وينفخ ثروبه

أنا عتيبي عريب معرّب
= ولي ماقف كل الجميع اشهدوا به

من سب داري قلت له كب ثم كب
= وأرخصت روحي دون داري جلوبه

لو انسجن من شانها وأتعذب
أصبر على شان الوطن للعقوبه

السجن ما هو عيب شئ مجرب
= تعلم المسجون ما هي ذنوبه

يلومني خبل إلى ما تغرب
= خسر الوطن خسروا هله يوم جوبه

فوده مع الظفران صفر مكعب
= غطيس قلب وفرصة النوم دوبه

وأنا على كل الجنوب أتقلب
= ما ذقت حلو النوم يوم اهتنوا به

أقنب قنيب الذيب في راس مرقب
= من حر ما به قام يمزر جنوبه

يجذبني الغربي عصير إلى هب
= ريح الديار الطاهره مع هبوبه

ريحة هواها مكسب وي مكسب
= عن ماقع نفسي عليه مغصوبه

عسى السحاب اللي مع الصبح نصب
= ودلى هماليله وركز غصوبه

يسقي وطن راع العقال المقصب
= نجد العزيز وشرق نجد وجنوبه

ولو كان بعض الناس مني تعجب
= واللي بقلبي خافي ما دروابه

حب الوطن ماهو بعيب إلى حب
= والله أحب الدار واللي ربوبه

حب من الإيمان وهبه من الرب
= وأحب دار للجميع محبوبه

يا ديرة ما تقبل الشتم والسب
= يا منبع الاسلام دار العروبه

يفوز مذهبها على كل مذهب
= وعلى مقلبت المذاهب عقوبه

تحكم بشرع الله والسيف الأرقب
= ولا شق فيها طالب الحق ثوبه

وشكرا جزيلا لك على هذه القصائد المعبرة للشاعر الشيخ / رشيد بن زيد الزلامي العتيبي وفقه الله وحفظه وجعلها الله في ميزان حسناتك يوم لا ينفع مال ولا بنون إلا من أتى الله بقلب سليم ونقل موفق وكل عام وأنتم بخير ومن العايدين والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات . منقول واسلم وسلم والسلام .

[حزم الجلاميد]

جزاك الله خيرا

[وطبان]

مشكور وما قصرت والله لا يهينك

[lion1430]

بيض الله وجيهكم