السلام عليكم ورحمة الله وبركاته
هذه القصايد التاليه رد على قصيدة ابو عمر في هذا العيد
ارجوا ان تحوز على عجابكم
وهذا رد راعي المركى الشاعر : فيصل بن خالد البحيح الشماسي السبيعي
[poet font="Simplified Arabic,4,black,normal,normal" bkcolor="white" bkimage="" border="groove,4,burlywood" type=1 line=200% align=center use=ex length=0 char="" num="0,black" filter=""]
عد وبل قر براقه ونوه جثل =استخال إمن المناشي على أول حل له
أول انصوبه شمال وجنوب واتصل =وارزم الرعاد وسطة وبرقه في اوله
مرحبا ترحيب أطعم وألذ من العسل =بالكلام الي وصل لي وبالي مرسله
لو قموس الشعر عندي تعذر واستخل = لو تعذر والله العظيم إن اقتله
ويش أبي بالشعر لا جاه منك ولا ابتهل = ورد رد فيه ذرب الكلام وفصله
يا ولد شيخ صعد للمراجل ما نزل =ولا يعوض الناس في الميت الأ من هله
جعلكم ذخر لنا فيكم الطيب اكتمل =هو ابوكم وانتم الي نزلتوا منزله
ما حداني من الزياره لا عجز ولا كسل = غير ظرف جاب قفل المراح وقفله
المنابت عندنا والخزامى والنفل = عن جديد القول يكفيك فيه مقوله
[/poet]
وهذا رد الشاعر : تركي بن عايض البحيح الشماسي السبيعي
][poet font="Simplified Arabic,4,black,normal,normal" bkcolor="white" bkimage="" border="groove,4,gray" type=1 line=200% align=center use=ex length=0 char="" num="0,black" filter=""]
يوم كل عايد لشايبه وأكبر لأهل = وكل من له حق فكر يجيه وياصله
ما تمنينا يا كود المزون الي تعل = كل نبت الأرض قاصي وداني تشمله
هم هل العليا هل الجود غيث منهمل=عد تيما ما نقص ماه كل ينهله
خالد وماضي عيال ابن عياب الجمل = جعل منزاله جنان الخلود ومدهله
يشهل إلخلاق ربي على قول وفعل = من عصور اجدودهم في الكتاب مسجله
ما كرهت ازيارة الربع لاكن منشغل = وابشروا بنعوضكم في العياد المقبله
عيدنا الأول وبعده يجي عيد مثل = إن بغيتوا دار هدلان ولا قرمله
ربعكم هم ربعكم لا تثاقلت الحمل = ولا خبر به حمل ثقل جبال تحمله
جتك كفارة بيوتي مع كل الجمل = وانتق الطيب عسى هي تكون امجمله
[/poet]
وهذا ردي
[poet font="Simplified Arabic,4,black,normal,normal" bkcolor="white" bkimage="" border="groove,4,burlywood" type=1 line=200% align=center use=ex length=0 char="" num="0,black" filter=""]
مرحبا بالي يطيب قصيدة بالنفل = شاعر كامل وجاب البيوت الكامله
شفت رمز الاسم في شطر بيت مكتمل = وشاش راسي وعتزيت وخذيت الصامله
ما حلا عيد الفطر بين ربعي والاهل = في محل الشايب الي يرد العايله
مجلسه مفتوح ما حط في بابه قفل = كل من صلى يناحر لبيت داهله
مجلسه في غرة العيد كنه محتفل = فيه ربعه والعواني وجمع العائله
اجتماع العيد يسوى العواصم والدول = لا تعايدنا ومن له رفيق ياصله
وما حلا شوف الدبش والمزارع والنخل = ديرة اهل الطيب والجود واهل الطايله
وثاني ايام العياد انتخاوى للابل = عند راع العفر لا لاح برق خايله
هذي الكفاره الي يزينها العقل = ودي اطول لكن الرسايل عاجله
السيف
[/poet]
غير متصل
