هذه القصيدة شاركت بها في احد المنتديات القبيلية في مسابقة وهي مشاركتي الوحيدة لديهم
ومن اجل العنصريه لم تعطى الإ المركز الخامس
الحياة أحيان حلـوة واكثـر الأحيـان مُـرّة=تِضحك الرّجّال مَرّة ثم تِبكيـه ألـف مَـرّة
كيف عاد اللي زمانه ما صفى له يوم واحـد=ماتهنّى في حياته .. كلّهـا مُـرّة بـمُـرّة
حظه الأقشر غزابة وإمتهن نبش المصايـب=وإن بغيته يفرحك ما شفت منه الآ المضـرة
لو بغيته يعتدل لوكان برهـه مـن زمانـه=قال هذي قسمتك مالك على حظـك تشـره
المقادير اكتبت في اللوح من قبـل الخليقـه=ومن رضى باللي كتبه الله يلقى مـا يسـره
سادس أركان العقيدة لا رضيت بمـا كتبلـك=وكل شيء يعلمه رب السمـا بحـره وبـره
قلت أنا يا أخوك جاهل وأتحرى منك فزعـه=مير عان وسادتك نـوخ عليهـا فالمجـرة
كود تاطاك الليالي واستريح مـن المهـازل=وأن بغيت اتروح عني خذ زماني معك جـره
آه من سود الليالي ليتهـا تصبـح ثوانـي=يمكن ألقى بعدها حظي يعـز اللـي يمـره
قالها مشعاب..... وقتك لو صفالك لا تحسبه=غير ناكس ما هقيتـه عبقريتـك فيـه ذرة
غير متصل
رد : قصيدة نظم من مشعاب اخو عجراء
