اخواني السلام عليكم ورحمة الله وبركاته
وكل عام والجميع بخير وصحه ان شئاءالله \\ كان معي اخونا فتى العزه على الماسنجر قبل
يومين تقريبا وكان الحديث يدور حول المحاوره قلت وش رايك نقول كم بيت وبكره ننزلها في
منتدى ربعنا ونشوف رايهم قال يالله بلي فيه خير
المهم سامحونا
وافي
انا حضرت وللمعاني تحديت=من بعد ماللظهر والعصر صليت
ماهي صعيبه يوم للشعر غنيت=هذا الصحيح وقولوا اللي تقولون
نبي نكتب بيوت الشعر والمعنى على الطاروق=بيوت الشعر بكتبها على كيفي واعدلها
انا بنشد فتى العزه يومنه تاجرا بالسوق=وش اعلوم المطر يومنك البارح تخايلها
فتى العزه
ياللي تقول المعنى توك مبتدى=المعنى فوق فوق عند سهيل والجدي
اشوفك عن الدرب محتدي= هذا الصحيح وقولوا اللي تقولون
تهرج يابن عمي وكل مطرود(ن) ترى ملحوق=بيوت الشعر اصلحها واعدلها واجملها
شفت السما حمرا تحن ارعودوتلوح ابروق=وشعيب اهل الوادي مطر ربي سبحانه يسيلها
وافي
الوضع متغير على الناس يفلان=عجزت اميز بين مسلط وسلطان
والعلم ماينقال من دون برهان= هذا الصحيح وقولو ا اللي تقولون
يجيك الخط من عندي على وضح النقاء مرفوق=ونار العز ياراع المراجل دوم نشعلها
وانا خابرك في نظم القوافي ياولد مرموق=صعيبات المعاني عند شاعرها يحلحلها
فتى العزه
الوضع منحاس عقب موت صدام=ضحوبه نهار العيد كما الاغنام
حسبي على اهل الكفر والشرك والاجرام=هذا الصحيح وقولوا اللي تقولون
يجيك الخط مرسل من عندي كله ولع وشوق= والعرب ياصاحبي تال الزمن كثرت مشاكلها
وانا خابرك طيبن لا تخون ولا تبوق=والحمول الثقيله البعير شعيل شايلها
وافي
العلم الاول لاتغير مساره=والسوق بين الربح والا الخساره
وهاذي تراها في سلوم التجاره=هذا الصحيح وقولوا اللي تقولون
انا بقول وعرف مقصدي خل المعاني فوق=ولاجت بيننا ياصاحبي نقدر نكملها
ترى الحاضر بحاضر مانبي غائب ولا مفهوق=ولك كلمه ولي كلمه وترى العالم تحللها
فتى العزه
ترى التجاره شفت منها الخساير=والدم منها يابن الاجواد فاير
والسوق فيه متيينين الضماير=هذا الصحيح وقولوا اللي تقولون
المعاني طيبه كما ريح النفل والزملوق=والناس تفرض طيبها ياوافي في تعاملها
حضرت ولا شفت منك لا صبوح ولا غبوق=واهدافي ياطويل العمر في المرمى اسجلها
وافي
الرزق عند الله ويوخذ بالاسباب=لكن بعض الناس اليوم ماتاب
اصبح شباب وبعدها فالعصر شاب=هذا الصحيح وقولوا اللي تقولون
انا اشوف العرب ذا اليوم لا سارق ولا مسروق=لكن اليوم ماتعرف خطاها من فعايلها
وانا ماقلت وش قرب عتيق من ولد معتوق=صحيح انك تعرف الناس لكن لاتجاملها
فتى العزه
الرزق مفتاحه عند رب السموات=منا السؤال وعنده رد الجوابات
والدرب قدامك واضح مافيه لفات=هذا الصحيح وقولوا اللي تقولون
ياوسيع العرف لك حقوق(ن )وانا ليه حقوق=والقمه العاليه ترى ابن عمك قد وصلها
وانا ماقول وش قرب رزيق من ولد مرزوق= وانته كما اللي عماها وهو يبغي يكحلها
غير متصل
