تعالوا ياسبيع خلونا نصرقع شوي ونهستر
خابركم تحبون الصرقعه
طراه الصرقعه شيلوا الرا وحطوا قبل الصاد ميم
امممممم يازينها بس الله يقلع الهندي اللي على بالي يكثر الزيت
والمدام اذا طلبت منها تسوي مصقعه كثرت البيدجان
منول كنت ارقد انا وخواني جعلهم بالعله في غرفه وحده
واحدن منهم اقشر اذا رقد مايرد رجله الا سنوني
والثاني عليه حلوم مثل وجهه المشكله انه ذلحين مدرس ومسوي فيها
مايدري إن كل اسراره عندي
اذكرك والا لا يابو الشباب
تذكر يومنك تتبعني دايم مسوي فيها صديقي
مره فاز الهلال وتحمسنا ورحنا نلعب بالحاره مع جيرانا
وعشان نفرق بين الفريقين .... اصلا الفريق الثاني مايحتاج حلوين وحنا قشر وجيهنا فارقه وفاغره
وعشان نزيل هالفروق بينا اقترحت عليهم انهم يبقون بثيابهم وحنا نفسخ سراويلنا
قصدي نفسخ ثيابنا ونلعب بسراويل السنه
وابشركم فزنا عليهم ههههههههههههه الكوره تدخل بالسروال واعديبها مايردني الا بابهم
اخوي هذا دلخ مره مات عندنا بالحاره تيس قمنا صلينا عليه وقدمني اصلي الله يجزاه بالخير
تذكر يابو الشباب يومنك تطفي الزقاير بيدك
اتحداك تكذبني ترى بوريهم يدك المرقعه
والا تذكر يومني افلقك براسك ووسمك بجبهتك
والا تذكر يوم ينتهي فارس البطل الشجاع امسك بالقرنه واعفسك عفس
ومن زينا وجيهنا اذا جينا نتلاكم حطينا في ايدينا شرابات على بالنا قفازات
تذكر يومنك تاخذ جراكل الزيت وتخرقها وتسحبها وراك على بالك راكب حصان
ومابه بيت بالحاره الا غرت عليه
والا تذكر يومنك تربي حمام وانا اربي دجاج وارانب
طراه الارانب يذكرون محمية المحازة متروسة منها
بس عاد ابو زناده الله يهديه حاطن هالمحميه مثل قوانتنامو
بس يابو زناده ترى فيه ناس يطمرون الشبك وانت ماتدري هههههههههههههههه
وفيه ناس يجووون من مكان بعيد وياخذون راحتهم ويتصيدون
طراه الارانب مره ثانيه فيه واحدن من الربع يحب الارانب
مره عطانا ارنب بس انا استحيت ومابغيت اكذبه بس هو بيني وبينكم كذاب
يقول انه جاين من الديره ومخلي شبك المحمية على زغده الايمن
وشاف غزال يهبل وحليوه
يقول وانا ارميه وانا متجود بالطاره وانا انزل واستحبه واعشق الموتر محد درى عني
طيب وش رايكم نرجع لأخواني
فيه واحد منهم دب مدري منهو ظاهر له
مع إن العائله كلها تتميز بالرشاقه كرشاقه الغزال اللي انصاد قبل ثلاثة سطور
وهالدب ذا مره سألته وش ودك تصير اذا خرجت من جلباب ابيك بعد إن خرجت من ظهره
فقال : ودي اصير ملك
هو قالها من جهه وانا أطمر والفعه مخمس وقمت اتلتفت لايكون احد سمعنا
ناظرت يمين ويسار ذليت من الجدران يمكن يكون لها مسامع وتبلغ فينا وحنا مانا بناقصين
لقيت الدرايش مسكره وكل شي تمام
بس لقيت فتحه صغيره جنب المكيف طمرت بسرعه وسديتها بالسلكون
مسكت هالدب وقلت يابن الحلال خلهم يعينونك مدرس اول شي وعلى بند التعاقد وبعدين تعال .....
هالدب ذا مذن بنات الجيران مابه بيت الا اذاه
جالس على الرصيف تقول يشفط باتكس
طراه بند التعاقد هالخريجين اللي اجتمعوا عند قصر الملك بأبحر قبل يومين مساكين
بعضهم جاي ماافطر وحاطن في باله بيفطر من البوفيه اللي جنب القصر
وين يابو الشباب اجل انت رايح للاحوال والا كتابة عدل
يقولون ظهرت لهم من القصر ذيك الفياقرا اللي عليها ذاك الولد يازينه زيناه
وهم ينحاشون تقول ارانب عودنا على الارانب كلن قرط بثوبه ماتشوف الا غبرتهم
انا خابر مابه تراب هناك الدعوه كلها مزفلت من وين جبت الغبره
وهو يحدهم ويوقفهم وهو يقوم ينفخ عليهم :
ذلحين هذي نهايتها مزعجينا من الصبح ومن زين وجيهكم جايبين معكم مصور عكاظ
وبالاخير تنحاشون
طيب وش تبون ذلحين ؟
وهو ينتبز واحد منهم قال انت شكلك اكبرهم وافهمهم واسمنهم علمني وش تبون ؟
قال : ابد سلامتكم طال عمرك
انا كنت نايم وقومتني امي قالت قم جعلك بالقمه ذبحك التبطاح والنوم
لو تدري عنك الدوله إن وقتك كله نوم شافت شغلها معك
ذلحين تدرس اربع سنين وبالاخير ترقد
قم جعلك بالعله رح جب لنا تميس وفول وبطريقك رح للقصر وقول لهم انا امي زعلانه علي وتقول وظفوني
مدرس
ابد طال عمرك حنا جينا ذالين من امهاتنا وعندنا طلب واحد وبسيط وتافه جدا
وظيفه لوجه الله يامحسنين
طراه الوظيفه نسينا مانبارك لكم بالزياده 15%
مبروك مبروك جعله إن شاء الله مبروك زايد
تدرون انا الليله تعبت
الحلقه الجايه نصرقع اكثر
غير متصل
وش أحسن يالربع سروال السنه والا الوظيفه .. تدرون وش السواه اخوي صالح دب ومتين
