من يحاورنى ؟

[موصاحي]

الملعبه لها فن وفنون **** والمكاسب ما يجيبها الا فرسانها

والميدان يشهد للمجنون *** راعى العسله موصاحى صوانها


ردوها على ان استطعتم يا سبيع :D

[ابو سهم]

من يحاورني:D:D حلوه ذي صارت كوره


الملعبــــه فيها طواريق والحــون ((())) وانت من جنبك تمر اشطانهـــا
انته على الملعبه امسيت طاعون ((())) يالله توكل يا ولد صير باركانها

لا تقول تعبت بودي او بنام استلمت

[موصاحي]

الملعبــــه فيها طواريق والحــون ((())) وانت من جنبك تمر اشطانهـــا
انته على الملعبه امسيت طاعون ((())) يالله توكل يا ولد صير باركانها


عزالله ان طبعك ما يصون *** تتبع مشاركاتى وتعرف مكانها

مير القراده تعرف من تكون *** الحرب معك عزالله بشرب فنجانها



:D ردها على ان استطعت :D

[ابو سهم]

قال ردها قال خذها:D:D:D


انت اللذي هاليوم طبيت فالصون ((())) نعرف من اللي فيه ركب جنونها
مير البلا من واحد صار مغبــون ((())) ابو سهم داعس بوســـط متونها

يا ولد و يش اللي جابك لي ذا الصباح ;)

[الغــريــب]

ماشاء الله جالس تلعب هنا

وانا ماسك خفاره عند باب الحزب

موصاحي مع وصاه من الزاحف يقول قطعه بانيابك (قطو بس انا وش دخلني)

تراني جالس اصفق قصدي ماسك الصف

[ابو سهم]

هلا بيك

المرض الخطير سارس

صفق بس خلك مني بعيد بالله لا تقرب

ولو يحصل تلعب في الشارع الاخير والا تدري خذ الجوال واطلع من النت نعلمك فالجوال وش يصير

[موصاحي]

انت اللذي هاليوم طبيت فالصون ((())) نعرف من اللي فيه ركب جنونها
مير البلا من واحد صار مغبــون ((())) ابو سهم داعس بوســـط متونها


موصاحى تشهد له الانس والجنون *** والا انت رح اللعب مع صبيانها

ان كان بلغ عمرك سبع وعشرون *** زيدهم عشر ونشوف اوزانها


ردها على ان استطعت :D


لا توصى حريص يا سارس


بكيفك ان بغيت بصفى والا بصفه

لانى انا رجال ما اللتفت الى الخلف الا اذا كانوا اكثر من اربعين فارس





















وان شفتهم حطيت رجلى :D

[ابو سهم]

ههههههههههه
خلووووووها

وزنك علينا صعب يامنتهى الكون ((())) في كل مره يختلف باثمانها

تجيب لي مره طواريق والحـــون ((())) ومرات يصبح درها كثبانها

ها يالله رد يا الهيس الاربد

[موصاحي]

وزنك علينا صعب يامنتهى الكون ((())) في كل مره يختلف باثمانها

تجيب لي مره طواريق والحـــون ((())) ومرات يصبح درها كثبانها

:D صدقت

يا من عين ليفه وصابون *** ودنا نغسل خشتن ووجدانها

وجهه كانه بيض محشو بصمون **** وقفاه كانه عجوز مضيعه ورعانها


:D ردها على ان استطعت

[ابو سهم]

ياناس شوفوا هالولد ملســون ((())) يبي يجي نعمان فــــــي كرعانها
يا ويل منهو يقترب من ملعون ((())) يقرب على غبت البحر سلطانها

ابو فيصل انا باطلع وكمل وبكلمها الليله ان شاء الله