قصيدة للشاعر مسلط بن عبدالله الجهمي السبيعي في ناقته

[أبـــو ســعــود]

وهذه قصيده للشاعر مسلط بن عبدالله الجهمي في ناقته ويقول فيها :ـ

انا فاطري مـــــــدري وراها تحن اليـــوم = تهدد تبي المسناد في صدرها ضيقه
نزلنا بها بين الينوفي ووادي النــــــــــوم = تكلت ربيعه يوم زافت زماليـــــقه
بعد ربعت في نجد والموقع المقـــــــدوم = جزت يوم نوالصــيف لاحت بواريقه
بعد ماقزت عيت عيوني تذوق النــــــوم = تهيـض ضميري لين فاضت مغاليقه
الا يالله انا طالبينك اليــــــــــــوم ودوم = تسيل وطنا ليـن ترجـــــع مفاهيقـــه
عسى دارنا ماهوب عن مدتك محـــروم = جزيـل العطايا ما يخــلي مخاليقـــــه
تكفل برزق الطاير اللي يدور الحــــــــوم = ومن طاب حظه زين الله توافيقـــــه
عسى نجد من نو الثريا يجيه رســــــــوم = ربيعن يعم جبال نجد ومشاقيــــقه
ربيعه ربيع النوق واهله ماهم برخــــــوم = عسى رايح الودان يملا مخانيــقه
هله من على وقت الجهل فعلهم معلـــــوم = عتيبه اليا مس الحزام بعواليـقه
وهالحين امان وخير مافيه طاري قــــــوم = على المنهج الشرعي مشينا بتطبيقه
عسى جنة الفردوس للشايب المرحــــــوم = ابـو تركي اللي ما نقضنا مواثيـقه
مشى في صحاري نجد لين انصف المظلوم = عصب راسه الاصوك وحزم ذواليـقه
وسجد نجد واسلم عقب جاء فيه فرك خشوم = تحاصى على حنشان نجد وزواريقه
وتعطر بريح الورد من عقب ريح الثـــــوم = جنوب وشمال وغرب نجد ومشاريقه
وذكرنا الله اللي تسجد الناس له وتصـــــوم = ختمنا الكلام اللي نظمنا طواريقـ

ه

[سفير المجامعه]

هله من على وقت الجهـل فعلهـم معلـوم
عتيبـه اليـا مـس الحـزام بعواليـقـه

نجد مافيه الا عتيبه يوم انه يمدحهم ؟

[أبـــو ســعــود]

بالنسبه ياسفير المجامعه كون الشاعر يمدح عتيبه فهم يستاهلون من غير قصور في جميع القبايل ونجد فيها أكثر من قبيله وللجيره دور وهذا رد على ماذكرته وتقبل تحياتي ،،،،،،

[سمح آلمحيآ]

صح السان الشاعر مسلط الجهمي

القصيده مايلحقها كلام عصماء

مير لو انه جنب عن هالبيت الي تطرقله سفير المجامعه

وخلى نجد للقبايل الي تقطنها كان افضل بكثير


وصح السان الشاعر مره ثانيه

[أبـــو ســعــود]

بيض الله وجهك أنت وسفير المجامعه على التعليق