|
يقولها الهزاني في طريق الغزل
كُتب : [ 15 - 08 - 2006 ]
مريت واومالي براس البناني = طفل ضحى له جوف الاضعان صادفت
لوان علام السرايرهداني = يوم انه أومالي بالاصباع ما اوقفت
وادهشت واختزيت من شن غشاني = من حسن خد صافي البهاشفت
القامه اللي كنها الخيزراني = ياطال ما لينت قده وعطفت
نهار له داعي المحبه دعاني = وارتادني لوصال شفه وساعفت
من عقب ماني ميس منه جاني = عليه شيل كابع فيه قلت افت
قال أنتبه ان كنت للورد جاني = واجن الثمر يوم انني لك تطرفت
اغنم وقم واجن النمش من وجاني = جزواك يوم انك للاظعان وقفت
شديت ردنه واصلح الترف شاني = بالحب والتلميس والتل والعفت
ومن خده اللي نقش بالزعفراني = شميت ريحانه وللورد قطفت
واصبحت واخفرات جواني جناني = واحييت بعداني على الموت اشرفت
روق وصاله لي عقب ماجفاني = وارتادني من عقب ما للهوى عفت
= يابو ثمان واربع مع ثمان = في تلف قتل ارواحنا قط مارفت
لاحسب اني يا عريب المجاني = ناسيك لا واركان حج بها طفت
أوتحسب ان النوم بعدك هناني = مع مشربي ولذ الكرى عفت
بالهون يامن بالتجافي براني = لمتيمك يازين ما قط انصفت
ما للشجي ياطربتي منك أماني =ويش الذي حدك لقتلي تحرفت
الله لحد سهم الجفا مك باني = على وليف دوم لشفاه نشفت
لورمت صدي ياحسين المعاني = وبالهوى بلشتني به وعرفت
لويعتبري جمع الملا ما اعتراني = ما أظهروا لومي ولوني تنتفت
لوكان عابد يعتني ماعناني =أعناه لو شاف الذي امس انا شفت
|
غير متصل
