السلام عليكم ورحمة الله وبركاته .
أولاً يسعدني الانضمام الى منتديات قبيلة سبيع الغلبا وأول مصافحة هذه القصيدتين الأولى لزميل كنا نعمل معاً في السابق وهو الشاعر محمد بن حجاب السبيعي اسأل الله العظيم رب العرش الكريم ان يشفيه. وفي هذه القصيدة يشكي علي من بعض ما يعانيه وقمت بالرد عليه اتمنى ان تكون مفيدة ولكم تقديري
البدع
هات القلـم ويـا سجـلات الاوراق=هجس يحرك روس الاقـلام برفـوق
خل القلم من بيـن أصابعـك دفـاق=عليك يملي هاجس الشعـر طـاروق
تصريف هجس سابكه لاهـل الاذواق=صرف الجنيه اللي مقفـل بصنـدوق
عبدالله ونسني ترا خاطـري ضـاق=عطني هروج تشرح الصـدر واروق
تعبـت مـن قلـب عليـل ومشتـاق=ادخل على الله من عراويـه منتـوق
طوق علـي الهـم نشفـن الاريـاق=يبسن عروقه حال من دونـه العـوق
عشرين ليل ونومهـا هـم وارهـاق=الحال من كثـر التفاكيـر مسـروق
على وليف لـه مـع القلـب ميثـاق=أخلف مواعيده ولـي عنـده حقـوق
أغليه وأدرك فيـه بعـض التغـلاق=عين توده حـار بدموعهـا المـوق
وجدي عليها وجد من طـاح منعـاق=قدم قبـلاه وكـل مـا قـام مفلـوق
شف لي من الاريا ترى خاطري ضاق=العمر لامـن راح ماهـوب ملحـوق
الرد
عبد الله بن محسن القرني
يا الله يامنشـي مـزون وبـراق=ياعالم ما في خفـا كـل مخلـوق
يامعطي خلقه من أنـواع الارزاق=رب كريم يعطي الطـاق مطبـوق
يامرحبا ياللي لفاني بـه اشـواق=يشكي عليه من أثرها ومحـروق
يقول جاه الهـم والنـوم مـاذاق=كله سبايب غض الانهاد غرنـوق
ما يدري ان اللي مولع وعشـاق=مهموم في الدنيا برا حاله الشوق
اسمع من اللي ما يبي منك تنساق=ورا خيال مالـه انـوام وعـروق
إرفع يدينك للذي شـاد الاطبـاق=اللي بسط سبع صنعها على ذوق
ما خاب من يرجيه لوكان بـواق=لو كافر يطلبه ساق الفرج سـوق
وانا اطلب اللي ما نشوفه بالاحداق=إنه يجيرك من هموم بك اتطـوق
وصلاة ربي عد ما بان مشـراق=وعداد ذرات من الحب مسحـوق
على شفيع النـاس بالخيرسبـاق=سباق بالمعروف ماهوب مسبـوق
وسلامتكم
غير متصل
