الشاعر / عبدالله عبيد بن شداد الثوري السبيعي يندب الأمير / خالد الفيصل أمير منطقة مكة

[عبدالله بن شداد]

سلام ياراع الوفا دايم السيف
ابن الملوك اللي يرفرف علمها
خالد ولد فيصل عظيم المواقيف
صقر العروبه كلها مع عجمها
فيصل سليل المجد مافيه تطفيف
من راس عود بالشجاعه حكمها
عود يطوع هامة الصعب برهيف
سيف صليبات الجماجم هشمها
غدى الطيور ام الخشوم المعاكيف
من روس شيخان اتمزع لحمها
وعشى السباع الجايعات الهواريف
فرسان قوم من ذراعه عدمها
كم من عقيد يترك اشداده امعيف
من ضرب يمن ماتزعزع قدمها
حذف الزنايج فالصحارالجفاجيف
تشبع به الضبعه ويكثر شحمها
تاخذ ليالي عندها كلها صيف
تدعي لعود بعد جوع طعمها
عبدالعزيز مشرف الحق تشريف
عينن يقدرها وعين لطمها
خلى القبايل فالجزيره مواليف
كل المشاكل بالمهند هزمها
فكو محازمهم وجوله مناكيف
امبايعين ومعلنين قسمها
واليوم في عصر ازدهار وغطاريف
في ظل حر للسعاده زعمها
عبدالله اللي كيف الوضع تكييف
اب حنونن واليتامى رحمها
غيثن ابروقه لمعاتن رفاريف
عم البلاد وللتقدم دعمها
سلطان غيثن للكبود المكاليف
غيث القلوب اللي غيابه جزمها
صاحب يمين الخير كم يعطي اضعيف
يعتق رقاب قد وصلها حطمها
سلطان ملجا من جراله تكاليف
يسلم من شرور اليالي والمها
نايف على اسمه نايفن فالمشاريف
حر عشق روس الطوال وخطمها
ثم بعدها برجع لخالد وباضيف
عند الكريم اللي فعوله رسمها
يعيش ابو فيصل عديم التواصيف
حرن مضاريبه عطيبن سهمها
يامير ياراع الكرم والمعاريف
مواقفك كل الرجال اتعلمها
اطلب شفاعه منك في وضع امخيف
حكم القصاص اللي احلومي هدمها
بشرح لك الموضوع عن كل ماطيف
شرح يفهم واحدن مافهمها
امضاربه جت بالمصايب مراديف
ماينفع النفس الشقيه ندمها
سته من الاطفال تبغى مصاريف
غير الثنين اللي افراقي سقمها
ابليس قام وكثف الشر تكثيف
كل المشاكل فوق راسي ردمها
تكفى كفاك الله جميع الصواديف انقذ اصغارن فيك ماكبر عشمها
تعيش يارع الوفا دايم السيف
ابن الملوك اللي يرفرف علمها

[خيَّال الغلباء]

بسم الله الرحمن الرحيم

سلام يا راع الوفا دايم السيف = ابن الملوك اللي يرفرف علمها
خالد ولد فيصل عظيم المواقيف =صقر العروبه كلها مع عجمها
فيصل سليل المجد ما فيه تطفيف =من راس عود بالشجاعه حكمها
عود يطوع هامة الصعب برهيف =سيف صليبات الجماجم هشمها
غدى الطيور أم الخشوم المعاكيف=من روس شيخان اتمزع لحمها
وعشى السباع الجايعات الهواريف=فرسان قوم من ذراعه عدمها
كم من عقيد يترك اشداده امعيف=من ضرب يمن (ن) ما تزعزع قدمها
حذف الزنايج فالصحار الجفاجيف=تشبع به الضبعه ويكثر شحمها
تاخذ ليالي عندها كلها صيف=تدعي لعود بعد جوع طعمها
عبدالعزيز مشرف الحق تشريف=عينن يقدرها وعين لطمها
خلى القبايل فالجزيره مواليف=كل المشاكل بالمهند هزمها
فكو محازمهم وجوله مناكيف=امبايعين ومعلنين قسمها
واليوم في عصر ازدهار وغطاريف=في ظل حر للسعاده زعمها
عبدالله اللي كيف الوضع تكييف= أب حنون (ن) واليتامى رحمها
غيث (ن) ابروقه لمعات (ن) رفاريف =عم البلاد وللتقدم دعمها
سلطان غيث (ن) للكبود المكاليف=غيث القلوب اللي غيابه جزمها
صاحب يمين الخير كم يعطي اضعيف =يعتق رقاب قد وصلها حطمها
سلطان ملجا من جراله تكاليف =يسلم من شرور الليالي وألمها
نايف على اسمه نايف (ن) فالمشاريف =حر عشق روس الطوال وخطمها
ثم بعدها برجع لخالد وباضيف =عند الكريم اللي فعوله رسمها
يعيش أبو فيصل عديم التواصيف=حر (ن) مضاريبه عطيب (ن) سهمها
يا أمير يا راع الكرم والمعاريف=مواقفك كل الرجال اتعلمها
أطلب شفاعه منك في وضع امخيف=حكم القصاص اللي احلومي هدمها
بشرح لك الموضوع عن كل ما طيف=شرح يفهم واحد (ن) ما فهمها
امضاربه جت بالمصايب مراديف=ما ينفع النفس الشقيه ندمها
سته من الأطفال تبغى مصاريف =غير الثنين اللي افراقي سقمها
إبليس قام وكثف الشر تكثيف=كل المشاكل فوق راسي ردمها
تكفى كفاك الله جميع الصواديف = أنقذ اصغار (ن) فيك ما أكبر عشمها
تعيش يا رع الوفا دايم السيف=ابن الملوك اللي يرفرف علمها

أخي الكريم / عبدالله بن شداد الثوري السبيعي السلام عليكم ورحمة الله وبركاته وبعد : الله يسخر لك حكامنا الأفاضل والله يجعل وجيههم تدركك ويلهم أهل القتيل السماح ويجعل ذلك في ميزان حسناتهم وإليك دعاء الرسول صلى الله عليه وسلم عندما أصابه الهم والحزن : ( اللهم إني أشكو إليك ضعف قوتي وقلت حيلتي وهواني على الناس، أنت رب المستضعفين وأنت ربي لا إله إلا أنت، إلى من تكلني ؟ إلى عدو يتجهمني، أم إلى قريب ملكته أمري، إن لم يكن بك سخط عليّ فلا أبالي غير أن عافيتك هي أوسع لي، أعوذ بنور وجهك الكريم، الذي أضاءت له السموات والأرض وأشرقت له الظلمات، وصلح عليه أمر الدنيا والآخرة من أن يحل عليّ غضبك أو ينزل علي سخطك لك العتبى حتى ترضى ولا حوة ولا قوة لنا إلا بك ) والله أسأل أن يستجيب دعاك ويعتق رقبتك ويعيدك إلى ذويك سالما غانما ويغفر لقبيلك ويلهم أهله الصبر والسلوان والعفو عند المقدرة من شيم الرجال والله يحفظك من بين يديك ومن خلفك واسلم وسلم والسلام .

[جعد الوبر]

يالله إن تفرج له

[خيّال العرفا]

يالله إن تيسر له خلق من خلقك