أطهر بشر/ لجايز الأكلبي

[أبو معاذ أكلب]

اليكم قصيدة الشاعر/جايز سعيد الأكلبي التي فازت في مسابقة منتديات المرقاب

باجماع اللجنة في مسابقة الدفاع عن الرسول صلى الله عليه وسلم:

يازاحم ابشر بنـا فـي كـل الاوقاتـي=صوّت علينا تجيب النـاس الاصواتـي
حنـا علـى نصرتـه نبـذل مساعينـا=نبينـا لــه صـلاتـي والتحيـاتـي
من وين ابدا رسولي في بعـض مدحـك=واشـل صوتـي وابكيهـا عبـاراتـي
يا بانـي اقـوام مـن دينـه وايمانـه=يا هادم اصنام مـن عصـر الجهالاتـي
يا خير من داس الارض وعاش في القمه=حتى وصـل سدرتـاً فـوق السمواتـي
يا اطهر بشر عاش في الدنيا ومر ابها=وبدّل ظـلال القلـوب الـي الهداياتـي
يا من رسـم للحيـاه اعظـم مباديهـا=يا خاتم الرسل فـي وحـي الرسالاتـي
عليـك اصلـي واسلـم يـا نـبـي الله=وارفع براسي سمـاء واهّـل عبراتـي
عرضي وحالي ومالـي كلهـا ترخـص=فـدوه لعرضـك قبـل ابـدي كتاباتـي
تجرآء الباطل الخاسـر علـى عرضـك=اهـل الكتابـات او اهـل الرسوماتـي
لكن أسائـه مـن الكافـر وهـو كافـر=ما عاد تفـرق مـن اشكـال الاساأتـي
يلقى حسابه ومـا قـد خـط بأبهامـه=والا انت تكـرم وتكـرم عشـر مراتـي
صحيح هـذي شعوبـك كلهـا تشجـب=اهـل الرذيلـه واهـل بـدع الظلالاتـي
عبّـاد الابقـار طالـت فـي تماديـهـا=والنـاس لا اقـول احيـاءً ولا امواتـي
كل يووم وانااا اتوقـع ثـورت االامـه=واقول جاء وقـت قومـات الحكوماتـي
لو ساعة الصفر حانت كيف مـا حانـت=واجراسهـا تقصـد الاسـلام بالذاتـي
غزو الفكـر والدمـار اصبـح يطاردنـا=اليـن صـرنـا ضحـيـه للغـزواتـي
من بعد مـا كـان للاسـلام مـن قـوه=ولـه انتصـارات فـي كـل اتجاهاتـي
قـادات واجيـوش نطحنهـا ونهلكهـا=ايـام الايمـان فـي نهـج الفتوحاتـي
والحين يـااا كافـي المسلـم تكاافينـا=ما عاد في العالـم المسلـم طموحاتـي
نحلـم نكـون اول العالـم ولا نــدري=عن وضعنا يا صغار و يـا بشاوااااتـي
رسولنـا مـن بيقـدر ياخـذ ابحـقـه=واهل الدنيمرك فـي حظـن الولاياتـي
يعني السعه كـل واحـد وده ايسولـف=وفي لحظة الجد كـل العااالـم اسكاتـي
فلاااا يبطي السيل الا من كبـر حجمـه=يالله عساهـا عزانـا فـي النهايـاتـي

وياااازاحم ابشر بنـا فـدوة رسـول الله=عليـه تسليـم ربــي والصـلاواتـي

[خالد الشماسي]

صح لسان جايز بن سعيد الأكلبي


قصيدة رائعة في الذب عن سيد البشر عليه افضل الصلاة والتسليم




لكن .. من هو زاحم ؟

[خيَّال الغلباء]

أخي الكريم / أبو معاذ الأكلبي السلام عليكم ورحمة الله وبركاته وبعد : شكرا جزيلا لك على نقل هذه الرائعة في الذود عن رسول الله صلى الله عليه وسلك للشاعر / جايز بن سعيد الأكلبي صح لسانه وسلم نبضه وبنانه مع أطيب الأمنيات واسلم وسلم والسلام .