بسم الله الرحمن الرحيم
قصيدة لشاعر/ مفرح بن بداح وكانت إهداء منه إلى الشيخ/ حمود بن منير الحــري ,,
قبل كل شي أبـداء بذكـر الله المعبـود=وأقـدم تحياتـي وشكـري وتقـديـري
وأبارك لبو غايب صبي الوفاء والجـود=وأجي حشمتله لو تطـول المشاويـري
وأرحب بكل اللي حظر في محل حمـود=حمود الكرم منصا الرجـال المناعيـري
طويل الذراع اللي ثنى دون ورث العـود=وغصبٍ عن الحاسد بنى هجرة الطيـري
وقف دونها وقفة شجاعٍ وبـذل جهـود=وقال المهمـه كايـدة مالهـا غيـري
برأيٍ سديد وقـو حجـة وقـدح زنـود=وزودٍ على الحكمة براسـه صعاطيـري
صمد لين جاك الحر صايد مهو مصيـود=وطير السعد مهوب مثـل العصافيـري
ليا هو بمخلاب كمـا ضربـة العبـرود=تعشـى وكـب دقيقـات المناقـيـري
ولاهي غريبة منـه لاحقـق المقصـود=مع أهل العوايـد ماتضيـع التباصيـري
يفوزون بني عمر ليا حك عـود عـود=هل الصيت مروين السيوف البواتيـري
كلامٍ صحيح ومعتبر والرجـال شهـود=بقول وفعـل مهـوب كـذب وتزويـري
ومن لاقرى التاريـخ تاريخنـا موجـود=مسطر على صفحات الأمجاد تسطيـري
سبيعٍ هل الغلبا لنـا موقـف مشهـود=وبفعالنـا تشهـد كبـار المشاهـيـري
كما قالها راكان فـي قولـه الماكـود=وزكى له ابن حميـد بزكـى التعابيـري
يعرفوننا لاثـور الملـح فـي البـارود=بيومٍ تضيـع بـه الحيـل والتفاكيـري
ليا ثارت الهيجا وقيـل البـرى مـردود=وصاحـن ورمـن الشيـال الغناديـري
ندوس الخطر ونزود مع طالبين الـزود=ونقود الجموع اللـي تفـج الطوابيـري
وحنا رموز النصر في بيرق بن سعـود=وهـذا كــلامٍ مايبيـلـه تفاسـيـري
سندناه بعد أعطاء مواثيق واخذ عهـود=وعاهدنا ابو تركي على الشـر والخيـر
وثايق شرف ما تقبل الشـك والمنقـود=على الشرع والسنة وحسـن التعابيـري
بداء رحلته منا ومـن غيرنـا مسنـود=وحنا على التوحيـد سقنـا التباشيـري
ووحدها أخو نورة وصارت سهود =ومهودمية عام في خيـر وتقـدم وتطويـري
عسى الله بعز الدين وأمن البلاد يسـود=ويسعد مساكـم يالوجيـه المسافيـري
وفي دار أبو غايب عسى الإجتماع يعود=ونلقاه فـي عـز وسعـادة وتيسيـري
ويسقيك ياطيري مداهل صخـاف القـود=مخيلٍ مـن الوسمـي لنبتـه نواويـري
لاطاح الربيع وزاف عشبه ونبت العـود=يشوق النظر شوفه وشوف المصاغيري
مصاغير خلفاتٍ من خيار خطـو الـذود=مجاهيـم ولا شـعـل والا مغاتـيـري
وفي ختامها صلوا عدد ما تهـب النـود=على المصطفى اللي ذكره أخير تذكيـري
وسلامتكم
غير متصل
