(( تـــا ج الــو فـــا ء )) قصيدة مهداه الى مقعد الغزيلي

[البارع 2000]

الرجال مواقف
وفعل الطيب ليس مقصور على فئة من الناس
ولكن خصلة في النفس يستمدها الإنسان من الله
ثم من تربيته التي تلقاها الفرد من أهله
وها هو مقعد بن عبدالهادي بن مروي الغزيلي السبيعي
تشرب فعل الطيب مع لبن أمه
وليس مستغربا وأبوه عبدالهادي بن مروي (رحمه الله )
الذي يعرفه القاصي والداني
ولكن المستغرب لو حاد عن خط والده وأهله
فنعم الرجل أنت يامقعد
يا مسندي وعضيدي
وإنني لفخور بك
لا أطيل عليكم أخواني
فهذه الأبيات للشاعر
محمد بن محسن بن ريفه القحطاني
ألقاها بأحد المناسبات يوم الثلاثاء 16 / 9 / 1426 هـ في منزل مقعد
بحضور عدد من الشعراء الكبار وجمع من قبيلة سبيع وقحطان
ولقد حضرايضا الشاعر الكبير ماجد بن مفرج الناقول الذي أتحف الحضور بروائع من قصائده

ــــــــــــــــــــــ

الا يا نديبي وارتحل وارد اليابان=جديد مظله مابعد فك بيبانه
جديد مظله مابعد طب في الميزان=علشان يوزن ميله بين ذرعانه
الا يامن نطحته وجهه يشابه السرحان=واليا من قفيته يشبه لفرخ شيهانه
ويشبه ليامن اعترض اشقر الجنحان=ليا هده الصقار ثم هز جنحانه
لامنه اعترض شوفه دوى علة المرضان=ومركبه منوة ناسِ من شراه عجزانه
على الكيف فكسار ومثل وصف بن جدلان=تفيجح زواياه انسيابي مع اركانه
وياراكبه نصه لمن يكرم الضيفان=ليا جاو طرقيه يدلون بيبانه
يكرم طروش البعد ويقدر الجيران=ولاهس في مقدار جاره وضيفانه
عضيد الشدايد محزمِ لاحتمى الميدان=خذا طيبه المنعور من روس شيبانه
لزم له وصية شايب عاصر الشيبان=وصار الكرم والطيب والجود عنوانه
فرق في الرجال وفرقه مبين قحزان=وانا بشهد انه ماترك سلم جدانه
يقول المثل تلقى العشاء في عيون فلان=واقول العشاء في عيون مقعد وحجانه
سلامي عليه ويا سلامي على السبعان=عدد ماينوح الورق ويجر بألحانه
سلام من الخرمه الي وادي الصمان=ومن شرق بغداد الي غرب غيلانه
سلامي على مقعد سلامي على كحيلان=طويل الذراع وموفي الدين ديانه
ابا لبسه تاج الوفا كان له تيجان=وباحط انا وسام المراجل على امتانه
يقولون مدح الوجه عند العرب نقصان=وانا اقول مدح الصد ق يرجح بميزانه
ليا صار تمدح لك شجيع ومن الشجعان=يزين القصيد وشعرك تزين قيفانه
انا اعد شي له ثبوت وله برهان=وانا شاعر يوزن كلامه من لسانه
اداري على نفسي من مجري الخبلان=ليا اطلق لسانه وارتخى منه اعنانه
اعد الصحيح وكلمة الصدق لي نيشان=ولا اجيب هرج الزور لو رخصت اثمانه
انا الطيب يعجبني وراعي الوفا له شان=وله منزلِ في داخلي عالي شانه
احب الشجيع وخوته تنشري بالاثمان=ونفسي على مخاوى المناعير شفقانه
ترى خوة اهل الطيب والمرجله كسبان=وعرف النشاما تجارة حيل كسبانه
ترى فالرجال اشكال وانواع وفيها الوان=ولاتنعرف لين الزمن تضرس اسنانه
تبين الرجال بحزة الضيق والرديان=ولولا الشدايد ماحدِ اسرج احصانه
سلامي على اهل المرجله ترثة الضفران=سلامي على مقعد سلامي على اخوانه
سلامي على ربعه بني ثور والسبعان=سلامِ كثير حار واغلى من الدانه
اقوله ولا انسى لابتي عزوتي قحطان=لهم مجدِ في التاريخ من ماضي ازمانه
ونهاية كلامي يا صلاة الله الرحمن=على المصطفى اللي حارب الشرك واعوانه

[مخــاوي الليل]

بيض الله وجه الشاعر وقصيده جزله في رجل يستحقها بالفعل وعزالله أن فعله الذي فاض بقريحة الشاعر فخراً لنا جميعاً وليس له فقط .

[alnadawi]

الاخ مطلق والله اني ششت يوم قريت العنوان

ولحضة قرائتي للقصيدة حسيت ان المدح لي انا

لان الي يمدح الرفيق الغالي شرواك انت واخي مقعد كأنه يمدحني انا مباشرة

يستاهل والله العضيم اخوي مقعد ولاهيب غريبة على ولد هادي ابن مروي رحمه الله تعالي



«®°·.¸.•°°·.¸¸.•°°·.¸.•°®»اخوي مطلق
انا لي حوالي سنه ماشاركت في الموقع اشغال الدنياء الله يعين عليها بخير
ولاكن قصيدة القحطاني في اخوي مقعد والله اني اعدها فخر للقبيلة كلها
سلملي على ابو هادي السلام الكثير «®°·.¸.•°°·.¸¸.•°°·.¸.•°®»

[خيال المرادي]

بيض الله وجه الشاعر
والي نقل القصيده
وابو عبدالهادي يستاهل

[عيسى السبيعي]

الف شكر ياالغالي على هذا الطرح
وصح لسان الشاعرعلى هذه الرائعه
ومقعد يستاهل المدح ولا هو بغريب عليه الطيب
وطيبه طيب للجميع
تحياتي للجميع