كم بيت اهداء لأبو فارس

[حمد المليحي]

بسم الله الرحمن الرحيم

أخواني أعضاء منتدى سبيع الأعزاء ..
السلام عليكم ورحمة الله وبركاته
هذي أول مشاركة لي معكم في هالمنتدى اللي أتمنى من الله انها تحوز على رضاكم ..
هذي كم بيت كتبتها لأبو فارس عقب مسرحية شاعر المليون اللي البارح .. وحنا لو بنتكلم ونكتب للصبح ماحنا خالصين .. لكنها في خاطري وقلتها ..

وانا كتبت الموضوع بقسم الشعر الشعبي .. بس لما انتبهت للقسم الخاص بابو فارس قلت أحطها هنا أحسن ..

البيرق اللي ماعطوك اياه جعله للزوال
والجايزة مافيه غيرك يستحق ينولها

كسبت جمهورً رقابك فوق بطوال الجبال
وكشفت تزوير النتايج يومهم فرحولها

وضربتهم بالضربة اللي توجع زحول الرجال
في قامةً شعريةً تعبو ولا وصلو لها

فان كانهم يبغون مال حنا لنا بيوتً جزال
ماتهمنا فلوس دنياً كلهم ركضولها

ناصر ولد فارس عريب الجد من عمً وخال
من لابةً يوم اللقا كلن يشوف فعولها

ربعي سبيع اللي لهم اسمً على روس الطوال
فان كان نبغاها فخر نقولها ونطولها

ناصر ليا غنى الشعر كل العرب بتقول قال
ولامن ترك له كلمتن تركع تبيه يقولها

رسّخ قصيده في عقول الناس شيبان وعيال
وقصايده مثل المطر نجدب نبي هملولها

ماهو بحاجة بيرقً شهادته كذب وخيال
والكل يدري وشهي القصة ووش مدلولها

نبقى ويبقى عزنا حتى ولو الحظ مال
وانشهد انها تكلفة عطيت لغير فحولها

وسلامتكم ..

[خيَّال الغلباء]

أخي الكريم الشاعر / حمد المليحي السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شأنك على هذه الأبيات في أخينا شاعرالثقلين والوطن الكبير المجدد / ناصر بن محمد الفراعنة السبيعي حفظه الله ووفقه مع أطيب الأمنيات واسلم وسلم وسلم والسلام .

[ابن جعوان]

صح اللسانك والبيرق انتم ياسبيع وعيال عمه
فعلا انكم رجال ووقفتكم معه تثبت ذالك
تقبل مروري لاهنت

[منصور بالله]

كسبت جمهورً رقابك فوق بطوال الجبال = وكشفت تزوير النتايج يومهم فرحولها

صح اللسانك

[حمد المليحي]

المشاركة الأصلية كتبت بواسطة خيال الغلباء

أخي الكريم الشاعر / حمد المليحي السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شأنك على هذه الأبيات في أخينا شاعرالثقلين والوطن الكبير المجدد / ناصر بن محمد الفراعنة السبيعي حفظه الله ووفقه مع أطيب الأمنيات واسلم وسلم وسلم والسلام .

صح بدنك أخي العزيز خيال الغلبا ..

وابو فارس يستاهل اللي أكثر من هالأبيات ..

ويعلم الله أنه في قلوبنا هو شاعر الملايين ..

[ذيب الرمحيه]

صح صح صح صح صح لسانك وبيض الله وجهك على القصيده الجزله ومثل ماقلت البيرق جعله لزوال

[سعد الجبري]

حــــــمـــد بــيــض الــلــه ووجــههك يالمبدع ووصح لساانك
(ناصر ليا غنى الشعر كل العرب بتقول قال
ولامن ترك له كلمتن تركع تبيه يقولها)
ابدااااااااااااااااااااااااااااااااااااااااااااااا اااااع ويستاااهل ابووو فااارس

[حمد المليحي]

المشاركة الأصلية كتبت بواسطة منصور بالله

كسبت جمهورً رقابك فوق بطوال الجبال = وكشفت تزوير النتايج يومهم فرحولها

صح اللسانك

صج بدنك أخي العزيز منصور بالله

تشرفت بمرورك على متصفحي

[عبيد ابو شيبه]

حمد المليحي صح لسانك وبيض الله وجهك على القصيده الطيبه

وابو فارس فاز بقلوب الملايين وهذا هو الفوز الحقيقي

وبداية سقوط شاعر الكذابون

[نواااف]

صح لسااااانكـ


وبيض الله وجهكـ