لغز فهل من حلال؟

[شحيفان بن ملفي]

بعد صوم الله كله تمام
ويش عذرا ودعت صوم العبيد

من يؤخرها بها يلقا أثام

ومن يعجلها ترا رايه سديد

جايز له كل أنواع الطعام

للقريب تروح والدار البعيد

اسأل الله رحمته عند الختام

صار حل اللغز في اليوم السعيد

يالله رجال سبيع بنتظار اجوبتكم

شحيفان السبيعي

[أبوعبدالله]

زكاه الفطر

وش رايك يا شحيفان

[مصلح ربح]

الزكاه اللي بعد شهر الصيام= من دفعها يا بن ملفي يستفيد
هاذي رمعه وان غلطنا ما نلام= لن ماهي لي هوايه يا عضيد

[مصلح ربح]

ابو عبدالله سبقت وانا اكتب ما شفت ردك تستاهل الجائزه من ابن ملفي

[أبوعبدالله]

المشاركة الأصلية كتبت بواسطة مصلح ربح

الزكاه اللي بعد شهر الصيام= من دفعها يا بن ملفي يستفيد
هاذي رمعه وان غلطنا ما نلام= لن ماهي لي هوايه يا عضيد

صح لسانك يا ابو صامل

جاوبت باجابه كافيه ووافيه

بس ان شاء الله اللغز صح

[شحيفان بن ملفي]

ابو عبدالله عليك نور جاوبت اجابه صحيحه

ولك مني خالص تحياتي

[شحيفان بن ملفي]

صح لسانك اخوي مصلح

[أبو يزيد]

أبوعبدالله رماها بالسهام=وسهم ابوعابد الى اومابه يصيد
وابوصامل ثبت الرمعه تمام=والشهاده جات من عند العميد

[المـبـهـم]

مشكور ياشحيفان
وبيض الله وجيه العيال

[شحيفان بن ملفي]

اخوي ابو يزيد صح لسانك اخوي المبهم هلا بمرورك

اخوي ابو عبدالله استلم اللغز على الموضوع الجديد