العمر فرصه والليالي توافيق &&& والوقت يجري والسنين محسوبه
تلقأ الوفاء عند الرجال المطاليق&&&راعي الوفاءيعجبك لارحت صوبه
ترحيب وافي والذبايح معاليق &&& وكل هرفي غاطياته عصوبه
وسوالفٍ جزله ولاهيب تلفيق&&& والكيف يشفق للمسير شروبه
في مجلسٍٍ عامر مزوح وتعاليق && والعود الازرق فيه شبت شبوبه
وأن رحت غرب الدار والا المشاريق&&والا شمال الدار والا جنوبه
فأهل الوفاء دايم تزين الطواريق&&&الشعر فأهل الطيب هبت هبوبه
كم واحداًًيلجيلهم يابس الريــــــق&&&حمله ثقيل وزايداتاً ذنــــــــوبه
ويروح مفكوكٍ طليق المسابيق &&& معجب ولاقن في زمانه عجوبه
يوم الردي ماينفعك حزت الضيق&&مهما اختلف شكله وغير سلوبه
ضارا على نمه ولجه وتفريق &&& ناس على النمه تقول مغصوبه
ياناس الا يابعد فرق المخاليق&&&احدا وفي واحدا يحكك جنوبه
ويازين نبت العشب وسط المشاقيق && اخير من ناس عليها عقوبه
وان شاء الله قصائد الشيخ عبد الرحمن في القريب العاجل
غير متصل
لمواضيعي
