Untitled 1
 
  تريد فيو (اخر مشاركة : ارينسن - عددالردود : 0 - عددالزوار : 339 )           »          كيفية شراء الاسهم الامريكية الحلال (اخر مشاركة : ارينسن - عددالردود : 0 - عددالزوار : 440 )           »          افضل شركة توزع أرباح في السوق السعودي (اخر مشاركة : ارينسن - عددالردود : 0 - عددالزوار : 577 )           »          حساب سعر الصرف (اخر مشاركة : ارينسن - عددالردود : 0 - عددالزوار : 786 )           »          قصيدة رثاء في حمد الحضبي السبيعي (اخر مشاركة : عبدالله الحضبي - عددالردود : 0 - عددالزوار : 667 )           »          قمصان نوم تركي (اخر مشاركة : ارينسن - عددالردود : 0 - عددالزوار : 582 )           »          فستان مناسبات (اخر مشاركة : ارينسن - عددالردود : 0 - عددالزوار : 599 )           »          جلابيات مغربية (اخر مشاركة : ارينسن - عددالردود : 0 - عددالزوار : 617 )           »          ايشارب حرير (اخر مشاركة : ارينسن - عددالردود : 0 - عددالزوار : 531 )           »          رسوم الحساب الاستثماري في تداول الراجحي (اخر مشاركة : ارينسن - عددالردود : 0 - عددالزوار : 940 )           »         
 

 
العودة   منتديات سبيع الغلباء > المنتديات الأدبية > منتــــدى القصائـــــد المنقولــه
 

منتــــدى القصائـــــد المنقولــه القصائد التي يكتبها غير شعراءها فهو شامل للقصائد المنقولة والمكتوبة لشعراء لا يكتبون في الشبكة


من رويات / محمد الشرهان ( الحزينة )

القصائد التي يكتبها غير شعراءها فهو شامل للقصائد المنقولة والمكتوبة لشعراء لا يكتبون في الشبكة


إضافة رد
 
أدوات الموضوع
 
غير متصل
 رقم المشاركة : ( 1 )
الـــفـــارس
عضو فعال
رقم العضوية : 29627
تاريخ التسجيل : 27 - 07 - 2008
الدولة : ذكر
العمر :
الجنس :
مكان الإقامة :
عدد المشاركات : 249 [+]
آخر تواجد : [+]
عدد النقاط : 10
قوة الترشيح : الـــفـــارس is on a distinguished road
الأوسمـة
بيانات الإتصال
آخر المواضيع

التوقيت
من رويات / محمد الشرهان ( الحزينة )

كُتب : [ 03 - 08 - 2008 ]

بسم الله الرحمن الرحيم

السلام عليكم ورحمة الله وبركاته


نقلت لكم سالفه وقصيده عساها تنال اعجابكم إن شاء الله
وهي منقوله من روايات ،، الراوية المحبوب // محمد الشرهان .
وانا نقلتها لكم كما رواها بـ اسلوبه الشيق والمثير .
يقول الشرهان :


هاذي سالفةٍ لـ الشاعر // عبدالله بن علي بن دويرج .
وهو من شعراء السر من أهل بلدة جفن توفي عام 1356
هالشاعر يوم كان شباب كان يشتغل في النخيل وبعد ما كبر صار يشتغل في البناء والطين
هذا الشاعر عاش في منطقة ( السر )
و تزوج في أول شبابه وجاه ولد ولا قعد عنده ,
راح يشتغل في المنطقة الشرقية واستقر هناك ,
و بعد ذلك توفت حرمته ، و جلس هالرجال فتره ما عنده حرمه ولا احد ٍ يواليه
الى هاك الحرمة الصالحة الدينه اللي متوفي عنها رجلها
و تقدم لها عبدالله بن دويرج و خذها وهو على كبر
و يوم خذها ولاها حرمة ذربه وفيها دين وضفره بالحيل
وبعد فتره ..
رزقه الله هاك البنية من هالمره
وبدت البنية تكبر ودائماَ البنت لها حنان خاص من أبوها
والبنت دائماَ الطف واحنّ من الولد ،المهم كبرت البنت ,
الحاصل يالربع أن هالرجال في هالبيت عنده هالمره مدللته وماشاء الله عليها ضفره وسنعه
تسوي قرصان وجريش ، هالجريش اللي ما شاء الله
تقول كأنه (( دماغ جربوع )) .. عاد من فيكم شاف دماغ الجربوع !!!؟
هذولي الحريم الضفرات اللي يطبخن قبل كذا عاد وين تلقونهن ذا الحين
( ما عاد فيه إلا بنات يقولن برجر << هذي السنعه فيهم ، الله يخلف بس )
المهم يالربع ما لكم بالطويلة البنت الحين كبرت وصار عمرها 13 سنة
مربيتها أمها على الضفاره والذرابه صارت هي اللي تقابل أبوها إذا جاء وهي اللي تقهويه
و فيها جمال يهبل هاك المبسم اللي يالله تدخل معه العنبه !!!!
عاد كثرو الشباب اللي يتسنعون ويتميلحون عند أبوها
( حركاتكم يا الشباب اذا حطيتو عينكم على أحد )
اللي يسلم عليه في المسجد واللي يحب رأسه
واللي يقول : تأمر شي ياعم أنا ولدك اللي ما تعبت عليه
و يا كثر هاللي يحببون رأسه والله ياجبهته أنحفرت من التحبيب !!!!!؟
كل ٍ قام يتكلم ما شاء الله تبارك الله يابنت ٍ عند عبدالله بن دويرج
تقول : للقمر زيح وانا اجي مكانك .
المهم .. يالربع كبرت البنت وصار عمرها 16
وصارت هي اللي تقهوي أبوها و تطيبه اذا بغا يروح المسجد وتولم بشته
عاد صار أبوها معتمد عليها في كل شي ,
الحاصل يوم جاء يوم من الأيام الله لا يعيد الشر
ولاها أيام شتاء جاء هو بعد صلاة العشاء
ولا حرمته شابة ٍ الجمر وحاطه عليه مركب جنبه الدله وبريق الحليب
قالن : تبي نصب لك قهوة وإلا حليب قال اللي تبون ,
قامت الأم وصبت له حليب يوم رشف الحليب ..
قال : كأنه بارد قالت !!؟
قلت الحرمه : ابشر نسخنه هالحين .
قال الابو لـ بنته : قومي وأنا أبوك روحي جيبي لنا حطب
عويدات رمث ولا تجيبين طوال مره جيبي عويدات تدخل تحت المركب
قامت البنت وخذت السراج وراحت للحوش تبي تلقط حطب
و قامت تلقط عويدات على قول أبوها تدخل تحت المركب والى توها ملقطةٍ ثلاث أو أربع
وتلقى هاك العود طويل بالحيل جت تبي تكسره على ركبتها
وطق السراج وينجعف وينكب قازه ويطفي !!
قامت هي تلمس في الحطب يوم تلمست يا دافع البلاء وتقرصها حيه مع أصبعها
وتجي معوده و تصبر وتألم ماتبي تبين لابوها وأمها
ماتبي تزعجهم << ( والله لوها من بنات اليوم كان تفضح الدنيا بالسانها )
المهم راح أول الليل ولا يوم كاد عليها الوجع وقامت تقلب وتسدح مع الألم
وتفزع الأم ويحطون هاك التمرة وعجين تمر يبغونه يفيد
يوم .. يومين .. ويوم جاء نهار ثالث وهي توفى !! الله يرحمها .
ولا يوم أنحشت كبد الأبو وقعد أربعة أشهر مثل الجرح قاطب على صدره
كل ما ذكرها يتزفر هاك الزفرة الله يجيركم

... أن ناظر الباب هذا تذكرها يوم أنها واقفه عنده
... وتذكريومها تقلط له الغداء
... ويومها تقهويه
وتغورق عيونه من الدموع ، ويتهيض ويقول هالابيات ، وهي من قصيد الرثاء
.







عفى الله عن عين ٍ حلى النوم جافيها

كراها قليل وذارف الدمع محفيها

إلى قلت : الا ياعين هيدي و هودي

جرى دمعها الصافي وهلت عباريها

تبين فروع الصبح ما ذاقت الكرى

ولا لوم عين ٍ فارقت شوف غاليها !!

ولا زل يوم أو ليله ما تعبرت

على النوح أعزيها ولاني بقاويها

وأنا في زجا ، جزل العطا ، عالم الخفى

يلطف بحال ٍ خافي الهم باريها

على نور عيني لب قلبي ومهجتي

تحن الضماير كل ما حلّ طاريها

حنين الخلوج اللي عن الظير فاختت

إلى غاب عنها ساعة ٍ ما يباريها

وأنا كيف ما أبكي طفلة ٍ غضة الصبا

حورية ٍ سبحان رب ٍ مسويها

نشت بالهدى والدين والحق والبها

و لو طالت الأيام ما نيب ناسيها

فيها طبوع ٍ كاملات حميده

حنون على الجيران و صار عانيها

عفيفة نظيفة جيب ما داست الخطا

ولا هوجست بالمذهب اللي يرديها

حشا ما بها من خافي العيب ذارب

سوى حشمة الوالد فهذا فهو فيها !!

كمل عمرها ثنتين مع عشر وأربع

سوى محترمها تسفهه لو يحاكيها

خذت هجنة ٍ فالبيت عندى قليله

أمانه و خذها الخير اللي عطانيها

فلا نيب جزاع فلا شك ولعه

( أعرف الأمانة ما لها غير راعيها )

فيا سامع دعواي في مظلم الدجى

تمحي خطاياها وتثبت حسانيها

وتجعل لها في مجنة الخلد منزل

وتقطف جنا جنات طيبة وتجنيها

وتعوضها فيما قصر من شبابها

برضاك ياخلاقها وأنت واليها

ألهي ودودي دعوتي تستجيبها

على النفس كلها من غلاها نبديها

ألا وتكدر خاطري من فراقها

ولو لا غلاها ما تكلفت راثيها

سمية دمع المزن في غبة البحر

سوى البنك ما يدرك ثمنها ويشريها (1)

صلو على من لافترى سيد الورى

وأن مابي إلايوم يطري سميها

صلو على من لافترى سيد الورى

عدد ما جرى من رايح المزن واديها


....
اللهم صلي وسلم وبارك على عبدك ونبيك محمد
1) يقول الشاعر هنا ..



سمية دمع المزن في غبـة البحـر

سوى البنك ما يدرك ثمنها ويشريها



# وهذا هو اسم البنت ، رحمها الله
وقد قاله الشاعر بـ طريقة غير مباشرة ،


رد مع اقتباس
 
 
غير متصل
 رقم المشاركة : ( 2 )
س ب ع 777
وسام التميز
رقم العضوية : 7777
تاريخ التسجيل : 31 - 05 - 2006
الدولة :
العمر :
الجنس :
مكان الإقامة : منتديات سبيع الغلباء
عدد المشاركات : 4,976 [+]
آخر تواجد : [+]
عدد النقاط : 13
قوة الترشيح : س ب ع 777 is on a distinguished road
الأوسمـة
بيانات الإتصال
آخر المواضيع

التوقيت
رد : من رويات محمد الشرهان (الحزينه)

كُتب : [ 03 - 08 - 2008 ]

اخي الكريم الفارس اشكرك على نقل الموضوع الرائع جعله الله في موازين اعمالك ... وتقبل مروري يالذيب
///:::///س ب ع 777


]
رد مع اقتباس
 
 
غير متصل
 رقم المشاركة : ( 3 )
الـــفـــارس
عضو فعال
رقم العضوية : 29627
تاريخ التسجيل : 27 - 07 - 2008
الدولة : ذكر
العمر :
الجنس :
مكان الإقامة :
عدد المشاركات : 249 [+]
آخر تواجد : [+]
عدد النقاط : 10
قوة الترشيح : الـــفـــارس is on a distinguished road
الأوسمـة
بيانات الإتصال
آخر المواضيع

التوقيت
رد : من رويات محمد الشرهان (الحزينه)

كُتب : [ 03 - 08 - 2008 ]

تسلم اخوي على المرور


بصراحه تصميمك روعه

رد مع اقتباس
 
 
غير متصل
 رقم المشاركة : ( 4 )
ابن جعوان
وسام التميز
رقم العضوية : 6963
تاريخ التسجيل : 17 - 04 - 2006
الدولة :
العمر :
الجنس :
مكان الإقامة :
عدد المشاركات : 9,236 [+]
آخر تواجد : [+]
عدد النقاط : 10
قوة الترشيح : ابن جعوان is on a distinguished road
الأوسمـة
بيانات الإتصال
آخر المواضيع

التوقيت
رد : من رويات محمد الشرهان (الحزينه)

كُتب : [ 03 - 08 - 2008 ]







:أخي: الفارس : بارك الله فيك :

وبيض الله وجهك ماقصرت طال عمرك
اصفقلك على نقل القصه الراااائعه
والله يجعلها في ميزان حسناتك


تستاهل
تقبل مروري لاهنت

أخـوك


أبن جعوان















رد مع اقتباس
 
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الشاعر الكبير الأمير / محمد بن أحمد السديري رحمه الله خيَّال الغلباء تاريخ القبائل العربية 43 11 - 12 - 2009 02:41
من كتاب أنساب العرب لأبي محمد / علي بن أحمد سعيد بن حزم الأندلسي محجوب الربعي الكتب والوثائق والمخطوطات 1 01 - 05 - 2008 11:17
قصيدة للشاعر محمد بن عبدالعزيز بن محمد آل فليج العريني السبيعي المتقصي منتــــدى القصائـــــد المنقولــه 3 26 - 07 - 2007 19:20
الملحمة الزائدية للشاعر الأمير / محمد بن أحمد السديري مخايل الغربي منتــــدى القصائـــــد المنقولــه 8 20 - 01 - 2007 23:19
روعه الحياه في العيون الحزينة دسمان بن مشلهب المنتدى المـفـتـوح 0 08 - 02 - 2006 13:24


الساعة الآن 11:02.


Powered by vBulletin® Version 3.8.11, Copyright ©2000 - 2024, Jelsoft Enterprises Ltd. www.sobe3.com
جميع المشاركات تعبر عن وجهة كاتبها ،، ولا تتحمل ادارة شبكة سبيع الغلباء أدنى مسئولية تجاهها