( صقر العماني )
امير قبيلة بني عامر من سبيع الغلباء
حدر هو وقبيلة بني عامر من ( القنصلية ) في وديان سبيع يبون الربيع ومرو على ديرة قحطان ونزلو فيها ومثل
عادات سبيع ما تاخذ الأذن في مرباعها ومقصدهم ماهي ديرة قحطان بس بحكم الموقع مرو على قحطان
فعلم ابن قرملة بمرور سبيع وعزم على الغزو واخذ ابلهم وكانت فية سبيعية متزوجة قحطاني فعلمت وراحت
لصقر العماني وعلمتة بان قحطان يبون يغزونهم الصبح
شالو بن عامر بيوتهم وراحت الأبل و الحريم وما جلس الا الفرسان شابين ضوهم وقحطان تسبرهم ويشوفون
الضو شابة يحسبون الأبل عندهم وعند الصبح وطلعت النور ماشافو الا فرسان وخيلهم وصارت المعركة كر ومن
لحقهم من قحطان ذبحوة وخذو فرسة
ويقول شاعر قحطان
لو أصبحت يا العماني في هالمكاني
الا يجي زور الجمل فوق علباك
عيا عليك الله و وصل العواني
وكرام ضيفاً في المنارة الي جاك
وما تركهم صقر الا وهو غازي قحطان وماخذ ابلهم
ورد شاعر سبيع
كانك تذكر هجة للعماني
مانسيها ولد الهدى لين قاضاك
ماتركلك الا جراداً سماني
والخيل من دون المصاغير تنحاك
غير متصل
