((( ناس ٍ تغث الكبد وتحلل على ما هي تريد )))

[الحميدي السويدي]

للتواصل مع النشاما في هذا الصرح الشامخ

قالوا جديدك قلت أنا لي مدةٍ ما من جديد=قفلت بيبان القريحة واسترحت من العنا
كله لجل لا يحلل المعنى راع الفكر الزهيد=اللي يدوّر للمداخل جعل عظمه بالونا
لو كان ما هو لاقي ٍ مدخل ولا هو مستفيد=إلا لجام ٍ يلجمه أشد من ضرب القنا
من كل من ينطق كلام الحق والرأي السديد=اللي يقول الحق ما جامل رفيق ٍ وأخدنا
ومن فضل ربي ما علي دام البناء ساسه جويد=ومهندسه يحمل شهاداتٍ تؤهل للبنا
شهادة الوافين عندي تعتبر أكبر رصيد=وألا خدوش الخلق لو قالت ترى ما همنا
ما همنا قول الخدوش أهل الدوادي والهبيد=اللي تحاول تنتقد لو كان ما هي قدنا
ناس ٍ ترز أنفوسها ولا لها فعل ٍ مجيد=تقصر يمانيها عن الطولات وأتموت أغبنا
أقلوبها فيها الحسد يجري مع حبل الوريد=وأكفوفها ما حاشت الناموس والروس أجبنا
ناس ٍ تغث الكبد وتحلل على ما هي تريد=لو كان ما تنظم لها بيتٍ وحيدٍ متقنا
لا شفت شعر ٍٍ تكتبه عفت القوافي والنشيد=وقلت أشهد أن اللي زرع وسط الصباخي ما جنا
يموت زرعه ما جنا غير التعب هذا الاكيد=لو طالت الأيام ما حصل جزيل ولا ثنا
وأنا على منهج هل الجزلات والمجد التليد=أنظر وراء سطح القمر والفكر لله ما دنا
أطلق خيالي وأبعد النظرة ولي عقل ٍ رشيد=يختار من عذب القوافي كل قافٍ يقتنا
يقنونه اللي يعشقون الجزل من نظم القصيد=اللي يحفظون الجزال من القصايد وأفطنا
لا سمعه الناقد يقول هذا هو الشعر الفريد=لله در أهل الجزالة شعرهم يحفظ لنا
مثل الجواهر مع مرور الوقت لا يمكن تبيد=لو بادت الأجيال منتوج الجزالة ما فنا
وهذا قصيدي حلله يا للي تحلل من بعيد=لو كان ما بيّنت راسك جعل راسك يدفنا
الشعر له من يفهمه يا صاحب الفكر البليد=مالك وماله دام فكرك للجزايل ما قنا
وأختامها يا هاجسي تبقى مع الأيام سيد=للشعر دام الشعر له شعار وأعقول أرزنا

[راس النـــــايف]

صح لسانك يالحميدي

قصيده جزله كعادتك

تحياتي

[أبو يزيد]

الله عليك

يابوسعد

رائعه من روائع الحميدي

قصيدة كتبت بماء الذهب

[راشد التوم]

صح السانك يابو سعد على هالرائعه


ولا عدمنا شرواك

[أبوعبدالله]

المشاركة الأصلية كتبت بواسطة الحميدي السبيعي

للتواصل مع النشاما في هذا الصرح الشامخ

قالوا جديدك قلت أنا لي مدةٍ ما من جديد=قفلت بيبان القريحة واسترحت من العنا
كله لجل لا يحلل المعنى راع الفكر الزهيد=اللي يدوّر للمداخل جعل عظمه بالونا
لو كان ما هو لاقي ٍ مدخل ولا هو مستفيد=إلا لجام ٍ يلجمه أشد من ضرب القنا
من كل من ينطق كلام الحق والرأي السديد=اللي يقول الحق ما جامل رفيق ٍ وأخدنا
ومن فضل ربي ما علي دام البناء ساسه جويد=ومهندسه يحمل شهاداتٍ تؤهل للبنا
شهادة الوافين عندي تعتبر أكبر رصيد=وألا خدوش الخلق لو قالت ترى ما همنا
ما همنا قول الخدوش أهل الدوادي والهبيد=اللي تحاول تنتقد لو كان ما هي قدنا
ناس ٍ ترز أنفوسها ولا لها فعل ٍ مجيد=تقصر يمانيها عن الطولات وأتموت أغبنا
أقلوبها فيها الحسد يجري مع حبل الوريد=وأكفوفها ما حاشت الناموس والروس أجبنا
ناس ٍ تغث الكبد وتحلل على ما هي تريد=لو كان ما تنظم لها بيتٍ وحيدٍ متقنا
لا شفت شعر ٍٍ تكتبه عفت القوافي والنشيد=وقلت أشهد أن اللي زرع وسط الصباخي ما جنا
يموت زرعه ما جنا غير التعب هذا الاكيد=لو طالت الأيام ما حصل جزيل ولا ثنا
وأنا على منهج هل الجزلات والمجد التليد=أنظر وراء سطح القمر والفكر لله ما دنا
أطلق خيالي وأبعد النظرة ولي عقل ٍ رشيد=يختار من عذب القوافي كل قافٍ يقتنا
يقنونه اللي يعشقون الجزل من نظم القصيد=اللي يحفظون الجزال من القصايد وأفطنا
لا سمعه الناقد يقول هذا هو الشعر الفريد=لله در أهل الجزالة شعرهم يحفظ لنا
مثل الجواهر مع مرور الوقت لا يمكن تبيد=لو بادت الأجيال منتوج الجزالة ما فنا
وهذا قصيدي حلله يا للي تحلل من بعيد=لو كان ما بيّنت راسك جعل راسك يدفنا
الشعر له من يفهمه يا صاحب الفكر البليد=مالك وماله دام فكرك للجزايل ما قنا
وأختامها يا هاجسي تبقى مع الأيام سيد=للشعر دام الشعر له شعار وأعقول أرزنا

صح لسانك يا ابو سعد

وسلمت على انتقاء هذه الدرر الجميله

اسجل اعجابي

وتقبل تحياتي

[الذئب الأسود]

صح لسانك
على ذا الجزاله في الشعر و إللي يعكس طيب المعدن

وأنت جزل بارك الله فيك

[ابن عفتان]

وهذا قصيدي حلله يا للـي تحلـل مـن بعيـد=لو كان ما بيّنت راسـك جعـل راسـك يدفنـا

بيض الله وجهك يابو سعد علي هذه الراااائعه... قصيده جزله من شاعر مبدع

وشاعر فرض وجوده بكل قوة ضمن شعراء سبيع الغلبا الذين يشار لهم بالبنان

وصراحه يستاهل اللي ينتقد الرجال وهو لم يصل إلى مستواهم ولكن الحسد

هو الدافع الحقيقي لبعض ضعفاء الانفس . والمثل يقول ما على السحاب من !!!

أسجل إعجابي الدائم بكل روائعك يابن بلعوس وتقبل تحياتي.. اخوك ابن فليح

[جبار السبيعي2]

الجبل يبقا جبل ما تهزه عواصيف الرياح


كفو كفو يالحميدي وأنا أشهد بالله أنك شاعر
مبدع وغني عن التعريف ولاتلتفت لكل ضعيف
نفس. فأنت من شعراء القبيلة الذين نعتز بهم
ونفتخر بذكرهم صح لسانك وبيض الله وجهك

أخوك : جبار السبيعي

[الحميدي السويدي]

المشاركة الأصلية كتبت بواسطة راس النـــــايف

صح لسانك يالحميدي

قصيده جزله كعادتك

تحياتي

الاخ الغااالي راس النايف صح بدنك يالقرم
ومرورك أنت وشرواك من النشاما يكفيني
لا هنت وتقبل تحياااااااااااااااتي وتقديري,,

[الحميدي محمد الفراعنه]

صح لسانك ياسمي
ولاهنت