بسم الله الرحمن الرحيم
إخواني الكرام / أعضاء ومتصفحي منتديات قبيلة سبيع الغلباء السلام عليكم ورحمة الله وبركاته وبعد : فإن معركة ضبع غرب الغيلانه جرت سنة 1281هـ: بين العزة والجبور من قبيلة سبيع بن عامر الغلباء والدواسر . قال الحديثي في كتابه عن سبيع بتصرف وفي هذه السنة جرت معركة بين قبيلة سبيع وقبيلة الدواسر ، قتلت فيها تسعين دوسرياً ، كما يذكر لويس بلي . ولعل هذه المعركة هي ما يسمى السبيعيون بـ " كون ضبع " وذكر لي أن هذه الواقعة في نهار جمعة ، في نفس اليوم الذي وقع فيه " كون ضبع " بين سبيع والدواسر وقعت حرب أخرى بين بقية بني عمر والعجمان انتصرت فيه سبيع الغلباء على العجمان ، والذين شاركوا في كون ضبع من السبيعيين : العزة والجبور ، أما بقية بني عمر من سبيع فقد صدوا العجمان ، وقد قدرت – فيما سبق – أن وقوع كون ضبع كان في سنة 1281هـ بناءاً على ما ذكره الدبلوماسي البريطاني الليفتانت كولونيل لويس بلي في رحلته إلى الرياض ، ذلك التقرير الذي كتبه إلى حكومته بعد أن عادت مقابلة الإمام فيصل بن تركي . وإليكم هذه القصيدة للشاعر الفارس / مهنا بن علي بن مايق بن شلية الجبور السبيعي رحمه الله وأسكنه فسيح جناته في معركة ضبع التي وقعت بين قبيلة سبيع بن عامر الغلباء وقبيلة الدواسر يرد فيها على قتل الدواسر لشيخ العزة الشيخ / علي بن جفران ( المجدع ) رحمه الله وأسكنه فسيح جناته ويقول فيها :
ليـــل (ن) على الأجـــــواد لا عـــاد مثلـــه
= والقـلــب كـــــن النـــــار تصلــي لهـــايبه
غــــــاروا عليـــنــا المـــوفا لكـــونــهـــــم
= غـــاروا علينـــا وقـــد الشمــس غــــايبه
وجلبــــهـــم الجـــلاب وإستـافــــا الثمـــــن
= مــن قـــدرة المـــولى أقبلـــت وهـــايبـه
ذبـــحنـــــا بشيخنـــــا تسعيــــــن لحيــــــه
= ما منـهـــم الــلــي لحيتــــه قيـــل شايبـــه
وبعنـــا عليهم بيعــــة (ن) تبعـــد العمـــس
= من كــان في كبــده عبرة (ن) راح طايبـه
يــــوم المــــلاقـــا الــــردي كنــه أطـــــرم
= واليـــوم يزقــــح بالحكـــي من كــذايـــبـه
تهيـــأة نفسه من هيــــة (ن) ما حضــــرها
= وتكـــذب عليه النفـــس لو كــانت غــايبــه
ومعركة ضبع مشهورة وقصتها معروفة لدى الكثيرين ولا يتسع المجال لذكرها وهذه القصيدة للشاعر / سيف بن سعد العياف الجبري السبيعي والظاهر أن هذا الشاعر ابن عم لشاعر أهل العشر المردف الشاعر / سعد بن جاسر العياف الجبري وسلالة اّل عياف منها ال مساعد ومنهم الشاعر فهد المساعد والدخيل وهم في الرمحية ومنهم حاليا أبناء / دخيل بن حمود بن عياف الجبور وأبناء / فالح بن مساعد بن عياف الجبور وأبناء / محمد بن ملحم بن عياف الجبور . ويقول فيها :
عند الضحى بادي في راس مبريـة
= رجماً طويل صافي الريش مدهالي
يا رجم عينت لي ريـف الخلاويـة
= عينت علي المجدع ماض الأفعالي
يا ليت علي المجدع شاف ذا الهيـة
= يشوف دم اليمن في القـاع سيالـي
يشوف بالعيـن ذبحتنـا الجنوبيـة
= كن الجماهي سحـال عـند دلالـي
يا ذيب ياللي تهذرب كل عصريـة
= اطمن من الضلع واركب حد الأسهالي
يا ذيب ياللي عيالـك ما لهـم نيـة
= ياللي عيالك شكن الجوع واهزالـي
عان العشاء لك من فوق الرماحيـة
= من شوف يومٍ على الفرجان يهتالي
يومٍ يـروع اليمـن لا حـل طاريـة
لزمن تسولف به الشيبان للأنسالـي
وقد حدثت هذه المعركة عندما غدروا الدواسر بالشيخ / علي بن جفران وقتلوه فقامت قبيلة سبـيع بن عامر الغلباء على الدواسر بعد هذه الحادثة مباشرة في موقع يسمّى ضبع غرب الغيلانة بسبعة أكيال وبعدما أمروا محمد بن جفران فأخذوا الثار وانتصروا وقتلو ثأراً بشيخهم تسعون رجلا من قبيلـة الدواسر وغنموا ما معهم من غنائمَ ويقول الفارس / فارس الفصّام الدوسري بعد هزيمة ربعه وقد كان جاراً لقبيلة سبـيع :
يامل قلباً لاعة اليوم لايع = لوعة صريم العشب والوبل ما جاه
علي بني عمّي كبار البضايع = هذي جثاياهم بضبعً مرماه
داجوا عليهم ناقلين السرايع = تعاهدوا بالمنع ماحيّـن أطراه
عذروبهم مارد منهم قلايع = راحو على قب من البر مطغاه
ويقـول الفارس الشاعر / حمد بن عبلان بن دخيّل الجبـري السبيعي متمنّياً حظوره هذه المعركه :
أنا ابن عبـلان وما بـات ســاهـر = على الضو يقعم ما طفى من كليلها
واللي مهيضني هيـّةً ما حضرتهـا = هيـّةً مـا ذكـر لــي مـثـيـلــــــــــــهـا
ياليـتـني معهم وفي الأمر خيـره = على عودةٍ حشو الحبال جــثــيــلهـا
إن كان ما نروي لدناة القنا بأيماننا = وإلا إليا جـاء حيـفـةٍ ما نجـيـــــلـهـــــا
( وبدان ) اللي يذرع الخيل بالقنـا = في ساعةً والخيـل حـل جفيلهـا
على سابقً لـه بالملاقـا كنّـــهـا = عذرا تخايـل بالمذانـب خليلهـا
حمامةً من تالي الصيف غـدرت = صبّت على العدوان باقي تليلهـا
ويقـول الفارس الشاعر / مـهـنا بن شليّـه الجـبري السبيعي في هذي المعركه :
جينا من الصمّـان نبغى دارنـا = نبغى ضلعنا نرعى الحيا في حضايـبه
وجينا في مثناة ضبع وقمنــا = وجتـنا من العدوان في غير واجبه
وغارو علينا محتسينا لكونهم = وساعة لفانـا شيخنا لشّـمس غايـبه
وجلبهم الجلاب واستافى الثمن = ومن قدرة الوالي قبلة نصايـبه
يضدّونـا العربـان لا شافـوا قلّـنـا = وإنّا عليهم ذرحة الموت رايبـه
يشوفون بالكثـر منّـاب كثرهم = يدعون غب الكون منها سبايبـه
وبعنـا عليهم بيعةً تبعد العمس = ومن كان يشكي عبرةً راحت طايـبه
وذبحنـا في علي تسعين لحيه = ما منهم اللي لحيته قيل شايـبه
ويوم الملاقا والردي كنّه أطرم = واليوم يزمخ بالحكي من كذايـبه
ويحضّر عمره قـالةً ما حضرها = وتشهد عليه النفس لو كان غايـبه
وقال أيضاً في هذه المعركة الفارس الشاعر / سيـف بن سعد ال عيّـاف الجبـري السبيعي :
غنّى المغنّي في مراقيـب العلا = قعد لزيـن القاف يـبنى مثايلـه
في راس مبريّـة جذا الحوم دونهـا = صفق الهوى ما ناشها إلا قلايله
واللي مهيّضني نهارً أكدر = يومً عبوس ما يعدد قتايلـه
جانا ابن قويد والدواسر نزّلوا = يبون وديانً من الوسم سايله
فرحنا بهم من ولب حي ضدّنا = باقونا والبوق ما فيه طايله
حنّا بني عمر سلالة عامر = حريـبنا دايم نزوّد غلايلـــــــــــه
قمنـا نسل مثل عيدان القنا = ومنهمش كن الضوي شعايله
كن صفق الملح بين جموعنا = جذيب نوً ترهقك مخايله
وكن الزناجي في نحا مركاضنا = خشب تدانا في حدود مسايله
سرنا عليهم لابسين كفاننا = نثارى بعلي حل ذبح القايله
كلّه لعينا شيخنا زيزومنا = ما دام ما يبست عليه نثايله
كلّه لعينا شيخنا تسعين لحيه = وما منهم في صحصح القاع سايله
هذا بالنسبة لقصايد من عاصروهـا من الشعراء وجميع القصايد التي قيلت في معركة ضبع أخذتها من كتاب ( ديوان ابن شيحان الجبري )
ويقـول الشاعـر / دسمـان بن مناحي المحمدي السبيعي في قصيدتـه ملحمة سبـيع والواقعة في أربعمئة بـيت :
وفي ضبع يومً ما يورخ مثــيله = اخصامنا راحت علــــــــــــيهم دبيله
قصيد شاعرهم عليهم دليــــليه ( 1 ) = جبروا على المحدار من عقب مسناد
يقصد قصيدة الفصّـام الدوسري السابقة والتي يتوجّد فيها على ربعه . منقول بتصرف مع تحيات أخوكم / كليب عامر
غير متصل
