اللي طفشان يدخل

[المستــحــيـــل]

اللي طفشان يدخل

السلام عليكم

هذا سلمكم الله وانا جالس ومن الطفش قلت اسوي هذي المقارنه

هالمقارنه بين اطفال الهاي وورعــ ـــاننا المحترمين


أطفال الناس الهاااااي

1- في الصباح حيث يبداء يوم اطفال الهاي عندما يستيقظ على صوت الكناري اللي بغرفته بعدها

يتوجه للحمام يتروش ويفرش اسنانه ويطلع من الحمام تستقبله المربيه بالمنشفه

وتصبح عليه يروح يغير ملابسه وياخذ شنطته وينزل لغرفة الطعام ويصبح على امه وابوه

واحلى بوسه ياخذها منهم ويفطر ذاك الفطور طبعا عباره عن كورن فلكس

وبيضه وحده بس!! وكاس عصير وشويت زبده مع العسل على خبزه ما عمري شفتها

بعدين يقوم يغسل فمه ويودع الماما والبابا ويتوجه للسياره يلقى قدامه

السواق مبتسم ويفتح له الباب ويوديه لمدرسته الخاصه


ورعاااانا المحترمين

1-تجي بتقومه تلقاه فاتح خشته والوساده انواع الخرايط <<< من السعابيل

ومايقوم الا لين يطلع عين اهله ولازم كل افراد العائله يمرون عليه عشان يصحونه وكل واحد

وطريقته:

الاب:قم قامت عصبك ..

الأم:قم قامت الجنون براسك ....

أخته: < تسوي نفسها بتدلعه> يالله قوم وأعطيك شنطة أخوك تروح فيها للمدرسه

<<< ما درت انه يروح بسير لزاق

الأخ: وقسم بالله لو ماتقوم بالمطرقه على راسك وياخذ له منديل ويلفه يلفه ويدخله في خشمه

او اذنه ويقعد الورع يسطر نفسه مسكين يحسبها ذبانه وفي الأخير مايقوم الا بعد مايكبون عليه

اهله مويه ... يمر الحمام على السريع ويغسل وجهه شطف هذا اذا راح

وبعدين ياخذ اقرب كتب عنده ويربطها ويجيك مهبول يدور الفطور

بعد ما ينزل ويشوف فطورهم وهو كالعاده : فول شكشوكه + تميس + حليب ابو علم

ولا جلس على السفره << ياخذ له غطه نوم وهو جالس

يجي اخوه معصب وينطل الورع بعلبة الهندسه!!

يقوم الورع منرعب مايدري وش السالفه ... ويقعد له دقيقه يستوعب الوضع

وشوي الا وهو مسدد بقس عنيف يمشي 2000000( مليونين بالعربي ) لأخوه

وتجي عاد انواع الطقاق ... الين كل واحد منهم يقول : فك وافك فك وافك

>>اخوهم الصغير ينتهز الفرصه ويروح يسرق الفسحه حقت اخوه>>

وبعد ماينزل ابوهم على الإزعاج يفصخ العقال ويلحطهم يلحطهم الين يقولون امييين

ويقعد يصايح الورع: اااااااااااااااااااع والله ماروح المدرسه.... هذاني علمتكم


المهم بعد ما يخلص الفلم اليومي يروح الولد للسياره يلقى اخوه فاتح

الكبوت ويصب ماء للرديتر المشقوق ثمن تقفل اخلاق الورع وينقز للشارع ويأشر لأقرب

ليموزين ويروح للمدرسه<< أكيد حكوميه


أطفال الناس الهاااااي

2- بعد المدرسه يرجع اطفال الهاي ويلقى المربيه في استقباله تاخذ الشنطه وتوديها لغرفته,

يروح هو يغير ملابسه ويغسل وجهه ورجليه ويستريح له ساعه في أنتظار افراد العائله عشان

يتغدون وبعد الغداء الرايق طبعا ما اعرف وشو بس اللي اعرفه انهم ياكلونه بشوكه وسكين

يروح لغرفة الجلوس ويشرب شاهي للتهضيم ويحلي بقطعة كيك وبعدين

يروح لغرفته ينام له ساعه قبل العصر.


ورعاااانا المحترمين

2-اما الورع منهم يجي من المدرسه وثوبه قالب لونه بني ومتشقق وشكله كذا

<<< متطاق مع طلاب في الطلعه ولا دخل البيت حذف الشنطه > اسف السير اللزاق>>

بالصاله وفصخ ثوبه ووينك يالشارع < اخوياه يحترونه>> وهاتك ياللعب

كوره بذا القايله وعادي الشارع مولع من الحراره وهم عادي مررره

ولا كأنه فيه شيء واهله ما يدرون ,
في هذه الأثناء يرسل ابوه كتيبه من اخوانه للبحث عنه ولا لقوه وجابوه

للبيت قام يصيح طقوني وسحبوني قدام الناس < والله ما أحد لمسه النصاب>>

المهم يحطون الغداء < معروف يا كبسة لحم ولا مشخول دجاج >>

غيره ما فيه!! يتغدى الورع الكريم ويصــــــــــــــــــك بعدها لتر لبن بعدها يجلس ساعه فاتح فمه

تقول قاضي حجاره >> يحتري من يوديه يغسل له يديه!!!!


أطفال الناس الهاااااي

3- اطفال الهاي لا جاء العصر جابوا دروسهم وشافوا وش عليهم من واجبات وحلوها

وحضروا دروس بكره بمساعدة الماما والبابا.

بعدها يروح لغرفة الألعاب ويجلس على البلاي ستيشن 2 وخذ لعب لمدة ساعتين تقريبا .

بعدها تطلبه امه مع بقية أخوانه عشان يجتمعون ويشربون العصير

ويسولفون سواليف مررررررررررره حلوه < أسألوني >>!!!!؟؟



ورعاااانا المحترمين

3-يجي وقت العصر وهو نايم >> مفعول اللبن >> يقوم قبل المغرب ويسحبونه اهله

يبونه يحل الواجب وياخذ دروسه وواجباته وأقلامه ناسيها في درج الطاوله اللي بالمدرسه

وتقعد تملي له امه وهو حاط القلم في فمه وقاعد يفكر >> هي في وادي وهو في وادي>>

المهم يخلص واجبه بعد ماتشيب امه

بعد كذا أنواع الدجه مع ورعان الحاره ومن هم على شاكلته ما يخلون

هندي الا وسرقوا سيكله ولا دكان < حلوه دكان >> الا ولعبوا بحسبته

ولا رجع البيت < على الساعه 11 تقريبا >> تلقى راسه مفلق من

جميع الاتجاهات والشرطه تدوره وجارهم مسوي أعلان عليه مطلوب

حي أو ميت!! وخذلك عاد < مساكين اهله >>



أطفال الناس الهاااااي

4- أطفال الهاي بعد ما يتعشى ويمسي على اهله يروح لغرفته ويجلس

على النت ساعه أو ساعتين >> في منتدى عربناا طبعا الى موعد نومه الساعه 10 تقريبا

بعدها يغير ملابسه وتجي المربيه وتحكي له قصه الين ينام, تغطيه وتطفي النور.



ورعاااانا المحترمين

4-لا رجع البيت< الساعه 11>> ما يدخل مع الباب لا ينط من

فوق السور على شان ابوه ما يمسكه .

وعلى طول يزبن لغرفته ويسكر الباب ويطفي النور ويطل من النافذة

على باب الشارع الرئيسي يشوف وش صار على مسلسل المشاكل المكسيكي

اللي سواها مع الناس ومع جارهم ومع الشرطه ويقعد يفكر في تصريفه يمشيها على ابوه.

وفي أثناء ذلك يستغل الفرصه ويدز للمطبخ وياخذ منه جبن < جبنة البقره الضاحكه >>

وخبز ويرجع داعس لغرفته ويقفل بابه ويتعشى من ذا الجبن والخبز

الين يدوخ <على الساعه 3>> لا وأزيدكم من الشعر بيت ما ينام

الا وهو متلطم!!!؟؟؟ < انواع الخياس في الغرفه >>


واخيرا انتهت المقارنه اتمنى ان تكون اعجبتكم


تقبلوا خالص تحياتي

[طويق]

هههههههههههههههههههههههههههههههه

أحسنت على هذه المقارنة

لدي سؤال / ممن كنت أنت ؟

تحياتي

[المولع]

المستحيل

لاهنت
مقارنه حلوه

بس جاوب على سؤال طويق

[خالد الشماسي]

هين المستحيل مستحيل يكون من الهاي هاي

تلقاه يوم عمره عشر سنين وهو يتبع البل

[عيسى السبيعي]

	ورعاااانا المحترمين 4-لا رجع البيت< الساعه 11>> ما يدخل مع الباب لا ينط من فوق السور على شان ابوه ما يمسكه . هذي أكيد من حركات المستحيل يوم كان صغير مشكووووووووووووور أخو ي المستحيل على هذه المقارنه الجميله تحياتي // الواسطه

[الصامت]

	الأخ المستحيل السلام عليكم ويا سلام عليك حتى لو كنت كما قالو الحقيقة انك اتحفتنا وحررررررررريت كبود ورعاننا وأعطيتهم حافز تربوي قوي فأنا قمت بجمع العيله كلهم وقريت عليهم الموضوع وهاتك ضحك وصياح والصغيرين صفقوني كفوف يبون يصيرون هااااااااااااااااااااااي والمره عيت تسوي لنا غدا تخيلت ان عندنا غرفة طعام المهم مفروض إن كل عضو ينسخ هالموضوع ويحفظه مع قصاصاته وكل بداية عام دراسي يطلع عليه ابناءه وبيض الله وجهك وأنا اقدر جهدك الهادف

[مشعاب]

ههههههههههههههههههه

المستحيل الناس اختبصت كلهم صاروا هاي هاي حتى الرعاه الحفاه


تشوف الورع مقصص كوبريا وطاقيه مترين فوقه تقول طباخ وهو مسوي فيها زحمه للبشريه


النعمه زينه غيرت الناس


مشعاب اخو عجراء

[سعد بن جراش]

المستحيل

وش لونك يابعد تسبدي

صاير تسوي مقارانات انت ووجهك

الله يذكر الفيصليه وفرن التميس اللي قدام الدفاع المدني بالخير

والله يذكر حيس بالخير

والله يذكر خامسة ابتدائي وطريقة الى اخره في المذاكره بالخير

هههههههههههههههههههههههههههههههههههههههههههههههههه ههه