قصيده للشاعر سعد عويد السبيعي

[عويد المجمعي]

يامل عينن نسيم الشــــــرق لاهبـــــــي = تسهر وترقد عيون السالي الداله
يظهر سهرها على وجه ولو خبـــــــي = تعرض على النوم وتخليه زعلانه
وإن جيت اعذل على عين الشقا صبي = غيث خدود العيون القشر مسياله
اغضيبها عن عيون الناس واخبـــــي = دمع يحمس الضماير حمس هماله
في بعض الايام من الضيقه يغيبــــتتي = واصير في حالة والناس في حاله
خصن اليا من هاجوس العشاء شبي = نار بصدري تبات الليل شعالـــــــه
لهيبها في غصون القلب لادبــــــــي = لــهيب من علموه بذبحة عيالــــــه
ماصدق اللي سمع مردوده يهبــــــي = يــــقـــول ياكـود من جابه يورالـــــه
إثنين من خيرة اللي مثلهم شبــــــي = وإثــــر الليالي على الغرات ختالـــــه
اكبرهـم اللي لاناداله يـــــــــــلبـــي = وان حميت الشمس ظلل ابوه بظلالــه
واصغرهم الي لطاعت ابوه متربي = مـن بتره لـــبوه لانــــاداه لـــبالـــــــــه
عن علمهم ينشد الطرشان متنبـــي = وان شاف عــابر سبيل قام وامالـــــــه
يرجي وحبل الرجاوي عنه منجبي = والصبـــح جاه بخــبرهم واحد شالــــــه
إمن الجزع شق ثوب الستر وانكبي = فـــي لمة الناس كنه جــــالس لحالــــــه
يبكي عيالن عليهم كان متصبـــــي = مــن عقبهــم شربة المـــاء ماتهيالـــــــه
عقب المعزه نزل في منزل الضبي = ومــــن المـــهـونه تمنى الموت ماجالــــــه
حالي مثل حالته مافادها الطبي = أون مـــن ونتـــه واذهـــل من إذهالـــــــــه
من حظي اللي قبل ماشيب شيبي = عـــــن كل خير بغيتــــه تقصـــر حبالـــــه
نايم والا قومه مدحي ولاسبـــي =عــــزالله انــــــه طـــــوى حالي بسلالــــه
حظن عن الخير والروحات جنبي = يالــيت ربــــي كتبلـــي حــظــن إبدالــــــه
والله لولا الرجا والخوف من ربي = واقـــــول يــــمكن يقــــوم ويبــدي هلالــــه
وارجي العوض من وهايب فالق الحبي = فــي حظي اللـــــي سبب غربالي اعمالــــه
لرميه رميت ولد يعقوب في الجبي = واعـــطــيـــه دلال سوقــــــن يعرف ريالـــــه
يسعى مع السوق مثل الذيب لاخبي = مــــن يـــوم زدته على الــطماعـــه دلالــــــه
حرج وباعه بفنجالن من الربــــــي = واللــــي شــــرى زدته بمالن علـــى مالـــــه
ساعة نشبه مثل ماكان ينشبــــــــي = دورت جـــــــواً خــــليـــا يــطــرد لالــــــــــه
خاويت فيه السباع القبس متسبي = وابـــعــدت عن عـــالـــم للهــــرج نقـــالـــــــه
نقالة الزور مايقضابهم نبــــــــي = رجــــالـــهـــم مايـــساوي قـــيمــة عـــقالــــه
اللي على حاجته يبديلك الحبـــــي = والـــيا انتهـــت حــاجــته مايزعــلك قالــــــه
وان جاء مجالي ظلم حظه وعذربي = يــجيـــبلـــــه ساــلفه لو مــــحـــد سالـــــــــــه
يمشي معي لجل عند الناس ينصبي = وان عــرفـــته وخلــيتــه على فـــــالــــــــــــه
ابعد مع اللي قبل الإبعاد قربـــــــي = واسقــــاني المـــر مـــن كاسه وفـــنجالــــــــه
يكفيني الهاجس اللي قام يلعبـــي = لعــــب الرشـــــــاء لركبـــله فوق محــــالــــه
لولاي اشرف مذب الذيب لاذبــي = مـــاكان قلبــي يطيب وتصــلح احــوالـــــــــه[/poem]

[ناصر المديري]

صح بسان الشاعر ولاهنت على النقل

[خالد الشماسي]

صح لساااااااااااااااااااااان الشاعر


قصيدة جزلة وتستحق الأشادة


فعلا رااااااااااااااائعة بمعنى الكلمه

[سمح آلمحيآ]

	يامل عينن نسيم الشــــــرق لاهبـــــــي = تسهر وترقد عيون السالي الداله يظهر سهرها على وجه ولو خبـــــــي = تعرض على النوم وتخليه زعلانه وإن جيت اعذل على عين الشقا صبي = غيث خدود العيون القشر مسياله اغضيبها عن عيون الناس واخبـــــي = دمع يحمس الضماير حمس هماله في بعض الايام من الضيقه يغيبــــتتي = واصير في حالة والناس في حاله خصن اليا من هاجوس العشاء شبي = نار بصدري تبات الليل شعالـــــــه لهيبها في غصون القلب لادبــــــــي = لــهيب من علموه بذبحة عيالــــــه ماصدق اللي سمع مردوده يهبــــــي = يــــقـــول ياكـود من جابه يورالـــــه إثنين من خيرة اللي مثلهم شبــــــي = وإثــــر الليالي على الغرات ختالـــــه اكبرهـم اللي لاناداله يـــــــــــلبـــي = وان حميت الشمس ظلل ابوه بظلالــه واصغرهم الي لطاعت ابوه متربي = مـن بتره لـــبوه لانــــاداه لـــبالـــــــــه عن علمهم ينشد الطرشان متنبـــي = وان شاف عــابر سبيل قام وامالـــــــه يرجي وحبل الرجاوي عنه منجبي = والصبـــح جاه بخــبرهم واحد شالــــــه إمن الجزع شق ثوب الستر وانكبي = فـــي لمة الناس كنه جــــالس لحالــــــه يبكي عيالن عليهم كان متصبـــــي = مــن عقبهــم شربة المـــاء ماتهيالـــــــه عقب المعزه نزل في منزل الضبي = ومــــن المـــهـونه تمنى الموت ماجالــــــه حالي مثل حالته مافادها الطبي = أون مـــن ونتـــه واذهـــل من إذهالـــــــــه من حظي اللي قبل ماشيب شيبي = عـــــن كل خير بغيتــــه تقصـــر حبالـــــه نايم والا قومه مدحي ولاسبـــي =عــــزالله انــــــه طـــــوى حالي بسلالــــه حظن عن الخير والروحات جنبي = يالــيت ربــــي كتبلـــي حــظــن إبدالــــــه والله لولا الرجا والخوف من ربي = واقـــــول يــــمكن يقــــوم ويبــدي هلالــــه وارجي العوض من وهايب فالق الحبي = فــي حظي اللـــــي سبب غربالي اعمالــــه لرميه رميت ولد يعقوب في الجبي = واعـــطــيـــه دلال سوقــــــن يعرف ريالـــــه يسعى مع السوق مثل الذيب لاخبي = مــــن يـــوم زدته على الــطماعـــه دلالــــــه حرج وباعه بفنجالن من الربــــــي = واللــــي شــــرى زدته بمالن علـــى مالـــــه ساعة نشبه مثل ماكان ينشبــــــــي = دورت جـــــــواً خــــليـــا يــطــرد لالــــــــــه خاويت فيه السباع القبس متسبي = وابـــعــدت عن عـــالـــم للهــــرج نقـــالـــــــه نقالة الزور مايقضابهم نبــــــــي = رجــــالـــهـــم مايـــساوي قـــيمــة عـــقالــــه اللي على حاجته يبديلك الحبـــــي = والـــيا انتهـــت حــاجــته مايزعــلك قالــــــه وان جاء مجالي ظلم حظه وعذربي = يــجيـــبلـــــه ساــلفه لو مــــحـــد سالـــــــــــه يمشي معي لجل عند الناس ينصبي = وان عــرفـــته وخلــيتــه على فـــــالــــــــــــه ابعد مع اللي قبل الإبعاد قربـــــــي = واسقــــاني المـــر مـــن كاسه وفـــنجالــــــــه يكفيني الهاجس اللي قام يلعبـــي = لعــــب الرشـــــــاء لركبـــله فوق محــــالــــه لولاي اشرف مذب الذيب لاذبــي = مـــاكان قلبــي يطيب وتصــلح احــوالـــــــــه

[ماجد الشماسي]

صح لسان قايلها